N te Rongorongo
Aomata aika Itiaki ake a Mwakuri ni kabuta Africa
Membwa n te Ekaretia ni kabutaa aban Africa a kabanea te Kaonobong, Aokaki 21, 2010, ni katamaroa aia kaawa bwa mwakoron te 2010 Ni kabane Africa Ni Baai ni Ibuobuoki.
Te ririki aei, te Aba n te Titeiki i Nigeria e kaoia te kurubu n roronrikirake ake a maeka n te kaawa bwa ana bootaki ma ngaiia, n uotiia e raka iaon 1,000 aomata. N te Mwakoro ae Umuahia Nigeria, e raka iaon 100 membwa man mwaanga aika onoua ake a korouteute, korei uee, ao ni kaitiakii kainikawaawa ao aontano n te Tabo ni Kanakobwana Corporation n te Titeiki i Abia.
I Accra, Ghana, a mwiokoaki mwaanga bwa a na kaitiakii taabo nako, n ikotaki ma te onaoraki, aia reirei ataei, ao aia tabo bureitiman. Tabeman membwa a katabeaki bwa a na kanoai mwanono ke ni kaitiaka te kararang are e karanganakoa te ran n tain te kakarau ake a bono.
N taabo nako are a nako iai membwa ma Baia n Ibuobuoki ma aia wetite, kain te kaawa a kakaitau ni butimwaea aia ibuobuoki. Te mitinare n te Titeiki iAbia Polytechnic e tuangiia taan ibuobuoki, “N te tai are a bane aomata a titiraki bwa tera ana ibuobuoki te tautaeka ae e kona ni karaoia ibukiia, bon te rikirake ae butimwaeaki ni karekea te bootaki are e reitinako ni katauraoi mwakuri n ibuobuoki nakoia te botannaomata.”
Booki ake Teniua a Tauraoi Ngkai i Indonesian
Ana boki Indonesia ni booki ake teniua a tauraoi ngkai, ni katauraoaia ibukiia ake a taetae n Indonesia ni karekea ana Boki Moomon, Doctrine ao Covenants, ao te Pearl of Great Price ni bootaki n oin aia taetae. Te mwakoro ae boou n ana Boki Moomon e tauraoi naba.
Ana boki aika teniua Indonesia a tauroi iaon te rain. Te boki iaon te rain e kairii bwaai aika a na taraaki mai inano, mwaabe, ao tamnei ao ni kariaia taan wareware ni mwaakenii koroboki aika tabu ao ni karaoi kakae iaon atuun taeka. E kona n reke n scriptures.lds.org/ind.
E raka iaon 6,000 Indonesian-membwa ake a taetae n aei man te Ekaretia ni kabuta te aonaabaa, mwaitiia a mena I Indonesia, Malaysia, ao te United States. Indonesia bon te kaua n aba ni kauaomata n te aonaabaa.
Te Moan Beretitentii e a tia ni kaungaia membwa ni karekei oin aia boki aika tabu ao ni kabonganai n tainako n aia kamatebwai, ni bootaki n Taromauri, ao ibukin mwiokoaia n te Ekaretia.
Buroukuraem E Karaoaki n te Hall of Fame
Katangitang ao Taeka ake a Taekinaki, te kanakobwanaa ni katoa wiiki n te Kuaea n te Moomon Taebenaako ea tia ni karinaki n te Hall of Fame (ibukiia naake e rinako aia kamataku) n te United States. Te kanakobwana e rineaki imwiin aia rinerine aobita n te baba ake a rinea te burokuraem ibukin karinana ao ana rinerine te botanaomata n rinean aia burokuraem are a tatangiria irouia n tatabemaniia.
Katangitang ao Atongan Taekana tokanikai n te bootaki n te National Pioneer, are e karineia taan kanakobwanaa ake a tia n anga aia mwakuri ae aki kee iaan 10 te ririki n te rerio ao a tia n riki bwa tan kairiiri ni karikirakean ke n tamaroan burokuraem n te rerio n ana karinan te aonaaba.
Katangitang ao Atongan Taekana bon te kabanea n abwabwaki ni kanakobwana n te United States. Te moan kanakobwanaa e karaoaki n Turai 15, 1929.
E wakinako te burokuraem iaon ae e raka iaon taabo ni kanakobwanaa, titeition n terewition, ao tititem n te kaeiboo. E tauraoi naba Iaon te Rainn musicandthespokenword.org. Man te oum beiti, kiriki iaon Listen Live ao n ira te toma ibukin te taanga n onrain.
Katangitang ao Atongan Taekana te kanakobwanaa e a tia ni karinaki n te Hall of Fame
© Tamnein Busath