Aeniboki aika Kabwarabwaraaki Inanon Tain Te Kataneiai n te Aonaaba ni Kabuta
Beretitenti Thomas S. Monson ao membwa n Aia Kooram Abotoro Ake Tengaun ma Uoman a kabwarabwarai ana Aeniboki te Ekaretia aika boou ao kanoaia aika bitaki inanon tain te Kataneiai ni Kairiri ae kanakoaki n te kanakobwanaa n Nobembwa 13, 2010.
Te kataneiai ni kairiri are kabwarabwarai aeniboki aika boou—Aeniboki 1: Beretitenti n Titeiki ao Bitiobi ao Aeniboki 2: Tararuaan te Ekaretia—e kanakoaki n te kanakobwana n taetae aika 22 nakoia nakoanibonga ao taan kairiri n botaki ni buobuoki inanon aaba aika 95.
Te kanakobwana e tauraoi iaon LDS.org at www.lds.org/leadership-training.
Te Kauoua ni Kanakobwanaa ni Kataneiai ni Kairiri n te Aonaaba ni Kabuta e na karaoaki inanon Beberuare 2011 are e boboto ni kamatataa iaon tabeia titeiki beretitenti ao bitiobi, aia mwakuri kooram ao bootaki ni buobuoki, ao kakaewenako aika kaonoti man iunite ake a karako mwaitia aia membwa ao taan kairiri ni waakina ana burokuraem ae bwanin te Ekaretia.
Kakaawakin te Aeniboki
“Iai te kamanoaki inanon taian aeniboki,” E taku Beretitenti Monson, kauring ni kaitarai taian bitaki aika kona n rinnako inanon ana burokuraem te Ekaretia ngkana aki tataneiai taan kairiri ma ana tua ao ana kawai te Ekaretia. A na riki bwa kakabwaia nakoim ao ake ko beku ibukiia ngkana ko wareki, ao n oota iai, ao ni irii nanoia.”
Aeniboki a katauraoi kabebete ao bitaki ni kararoai kanganga aika uoua, ni kaineti nakon Beretitenti Boyd K. Packer, te Beretitenti n Aia Kooram Abotoro Ake Tengaun ma Uoman.
Te moan bon te kanganga n totokoan ana kairiri te Tamnei ae Raoiroi man ana burokuraem te Ekaretia. “Bon ana mwakuri te tamnei ae ti na karaoia,” e taku, “ao mwakurin Tamnei e riai ni kairaki iroun te Tamnei.”
Te kauoua bon kangangan “kateakin te Ekaretia n akea kateakin te euangkerio,” e taku. “Ti kainnanoia ni karekea te Ekaretia inanon maiuia membwa ao te euangkerio bwa e na kateaki inanoia.”
Bitaki aika Kakaawaki
Mwaitin koroboki n te Aeniboki 1: Titeiki Beretitenti ao Bitiobi a tiku n aki bitaki man 2006 ni kaetaki nakon ana Aeniboki ni Kairiri te Ekaretia, Boki 1. Kaetieti inanon ana reta te Moan Beretitentii n taai aikai a tia ni ikotaki n ti teuana, mwakoro iaon aia mwakuri titeiki beretitenti ao bitiobi a tia ni kauarerekeaki ao ni kamatataaki, ao tabeua bwaina a manga kaetaki ibukin kabebetean kakaeakiia.
Bitaki nakon Aeniboki 2: Tararuan te Ekaretia a rangi ni bubura. Te oi ni waaki ae nanonaki bwa kauarerekean te kanganga n ana burokuraem te Ekaretia ao ni kariaia tabeua bitaki n te tabo ake a riai n akea uruakakin etin taian tua ao, kaetieti, ao burokuraem.
Tabeua bitaki aika ana ataaki ni ikotaki ma kauarerekean ana beku te bitiobi man kateimatoaan tabeua kauntira n te uoote ao ana membwa, kateimatoaan karikirakean waakin tain boowi ni kauntira, kamatataan ana mition te Ekaretia, rinanoan ana waaki te warebea nakon taian marooro ni komete ni kakoroan moti n te nakoanibonga (are a kaoaki nako iai te beretitenti n te Botaki n Aine ngkana e riai) ao kauntira n te uoote, e na kakeai komete ni waaki ni kakukurei n te uoote ao ni waakin waaki ni kakukurei rinanon te kauntira n te uoote, ao ma bitaki riki tabeua.
Ana Mition te Ekaretia
Aeniboki aika boou a kamatataa te aki oota ni kaineti ma are kaotia te Moan Beretitentii inanon 1981 are tenua oin taben te Ekaretia—tataekinan te euangkerio, kakororaoaia, ao kamaiuakiia.
Aeniboki 2, mwakoro 2.2, kamatoakin nanon te Moan Beretitenti inanon 1981 bwa teniua bwaai aika ana karaoaki aika mwakoron te mwakuri teuana ae korakora, ni kaotia bwa: “Ana Ekaretia Iesu Kristo Ibukiia Aika Itiaki Ni Boong Aika Kaitira E kateaki i Roun te Atua ni uota te kamaiuaki ao karietatakiia Natina” (tara Moses 1:39).
Unimwane Dallin H. Oaks n Aia Kooram Abotoro Ake Tengaun ma Uoman e kauring ni kaitaraan te anganga “te nano ae korakora nakon kabwarabwarakin taian tia ibuakon bwaai aika teniua aika Ana mwakuri te Uea” ke “katinanikuan bwaai aika a riai ni karaoaki n aron tararuakiia aika kainnano.”
E taku, “Te reirei ae tabangaki, e taekinaki inanon te mwakoro 2.2, are ‘te burokuraem ao bootakin te Ekaretia [a iangoaki ni] boutoka ao ni kakorakoraia aomata ao utu.’”
Titearona ao Karaoakina
Kaetieti ao tuua a kuneaki inanon teniua mwakoron Aeniboki 2 “bon aanakin nakon tararuakin te Ekaretia ao a riai ni boutokai bwaai ni kabane [taan kairiri] are a karaoi,” e taku Unimwane Quentin L. Cook n Aia Kooram Abotoro Ake Tengaun Ma Uoman. E ngae n anne, mwakoro n te boki aika a na oti, bon mwakoro aika boou ao araia “Titearona ao Karaoakina,” e na buokia ni kabwarabwarai bwaai aika aki eti inanon ana kaetieti te Ekaretia ao burokuraem.
Te mwakoro aio e buoka “ni kaetii raoi bwaai aika a na titearona n taabo nako inanon te Ekaretia” ao e na riai naba bwa “kanoana reirei aika a rangi ni kakaawaki ni kawenea te anga are na kariaia … karaoakina n te tabo,” e taku Unimwaane Cook.
Katoto ibukin karaoakina e na riai ni karaoaki n rekereke inanon karinakiia taan mwakuri ao burokuraem n bootaki n tein ao n tain boowi irouia taan kairiiri ao waaki ni kakukurei. Bwaai aika a riki aika ana iangoaki n ikotaki ma aroia utu, i buobuoki ao inanon te katei ao mwakuri ma bootaki ni kairiri aika a teimatoa. Aanga aika a na katauaki n raonaki ma aroaron te utu, baao ni mwamwananga ao itoman, karakon mwaitiiia membwa, ao kamanomano.
“Ngkana e katauaki karaoakina bwa e riai, a na riai n tainako ni kakaea Ana kairi te Tamnei taan kairiri ao ni kauntira ma aia tia tararua ae kariaiakaki,” e taku, Unimwaane Cook.
Waaki Nako
Ni kairakin te bootaki ni maroro, Unimwaane M. Russell Ballard n aia Kooram n Abotoro Ake Tengaun Ma Uoman a na katautaua bwa kamatebwaian kaetieti teuana te mwakoro n te taina ao ni maroroakin tuua inanon bootakin te kauntira e na kairiri nakon riki reiakinan nanona ae nano.
Ngkana iai aia titiraki taan kairiri ibukin kaetieti ao burokuraem are aki kona ni kaekaaki man te aeniboki, a na maroroakin ma aia tia kairiri n tararua n te nakoanibonga, Unimwaane Oaks e reirei. Ngkana iai titiraki aika aki kona ni kaekaaki, e taku, “ti te tia kairiri n te nakoanibonga ae te kabanea ni maan ae na reitaki ma Aobitin te Moan Beretitentii.”
Unimwaane M. Russell Ballard, Jeffrey R. Holland, ao David A. Bednar n aia Kooram Abotoro ake Tengaun Ma Uoman; Julie B. Beck, Beretitenti ni Kabuta n te Botaki n Aine; ao Walter F. González n te Beretitentii n te Itingaun e maroroakin tuua inanon ana aenboki aika boou te Ekaretia inanon Nobembwa 2010 inanon te Kataneiai ni Kairiri n te Aonaaba ni Kabuta.