Katabeaki ni Mwakurin Rongorongon te Utu

Ao ngkoa ti ngkoe kaain te Ekaretia n am utu ao ko boou nakon te mwakuri n rongorongon te utu ngkoa. Ke ao ngkoa tabeman man am utu a tia ni karaoa angiin te mwakuri ibukin rongorongon am utu ao mwakuri n te tembora ibukiia am bakatibu. Engae ngke tera am kangaanga, a bon mwaiti aanga aika ko kona n anga am ibuobuoki nakon te mwakuri ae rangin ni kakawaki aei.

Ngkana ko aki koaua bwa ko na waaki ma ia, moanna man te mwakuri ae ko rangin n ataia riki: boni ngkoe. N tokina, te mwakuri n te utu tiaki ti ibukiia aika ko tatangiriia ake a tia ni mate. Bon ibukin naba ukoukoran rongorongom ngkoa ngkana ko maiuakinna. Aikai kawai tabeua aika ko kona ni moan waaki iai:

Kakaea te baoki ibukin kawakinan am bwai ao katikui am rekooti aika a kakawaki inanona: am beeba ni bung, tiburomwa, kaniwangam, tienero, tamnei—bwaai riki tabeua aika ana tei ibukin maium.
Ngkana ko kabongana te bwai n tikaen, iangoia n tikaeni tamnei ake a maan ni karaoi katotoon tamnei aika a kakawaki.
Kawakina te tienero ibukin iango, namakin, ao bwaai aika a riki inanon maium .
Marooro ma kaain am utu man taui mwiin rongorongon maiuia n taai ake ngkoa. Moanna man am koraki ae maiu ae te kabanea n ikawai. Titirakiniia titiraki n aron aikai: Ko kanga ni karekea aram? Tera kateia ngkoa am utu ngke ko uarereke ao imwiina ni maium? Tera ae ko kona n tuangai ibukin aia tarena ao kateia kaain am utu aika onoti? Kawakinan rongorongo riki tabeua e na riki bwa bwaai aika a kakawaki n te utu ibukiia rooro ake imwiina.
Karaoa am akaunti n te www.New.FamilySearch.org ao karin rongorongoia utu ake ko karekei ibukim ao kaain te utu. Te reirei n te aon raain e na buokiko n aron karaoakina.
Ngkana e kona, nakon te tembora ni karaoi otenanti ibukiia am bakatibu.

Ngkana iai am titiraki ibukin te mwakuri n rongorongon te utu, e kona te tia rabakau n am uoote ke te mwaanga ni ibuobuoki iaon aei.