Tera ae Boou n Rikirakem I Bon Iroum?
Ngkai bon te tai ni katauraoi ibukin te tai ae tamaroa are e tataninga imwaim n taai aika a na roko. Rikirakem I bon Iroum e na buokiko ni katauraoi ao e na buokiko n oota n ataakim ae natin te Atua te aine.
Rikirakem I bon Iroum bon tiaki te burokuraem are e kaokoro man maium. E kona ni buokiko ni kaaniko riki nakon te Tia Kamaiu, buokiia tabeman, reiakin aroaro ni kairiiri, karikirakea te reitaki, ao ni katauraoi ibukin berita aika a tabu n te tembora. Rikirakem I bon Iroum e kona ni buokiko ni karikirakea te etieti n anuam. Ngkana ko karaoi bwaai aika uarereke n tainako, a riki bwa mwakorom are antai ngkoe ao a kona ni bitiko. Bwa “a riki bwaai aika a korakora” man “bwaai aika a uarereke man aki kaangaanga ” (Aramwa 37:6).
Te boki ae uarereke n Rikirakem I Bon Iroum are e manga rinanoaki iai te tembora iaon baana mai tinanikuna. Te tembora bon ngaia oin mwakuri are ti karaoia n aia burokuraem Kairake n Ataeinaine. Ara kantaninga bwa ngkana ko taraa tinanikun te moan iteraniba, ko na uringa bwa karaoan Rikirakem I Bon Iroum e na buokiko ni katauraoiko ni karaoi ao ni kawakin berita aika a tabu n te tembora n te bong teuana.
Bokin Rikirakem I Bon Iroum ae boou e bingke! Te kara ibukiia aine ae beebete aio bon te kauring bwa ngkoe natin Tamara are I Karawa ma arom n aine ae iunaki, bwaintangira, ao nakoa.
Inanon te boki ae uarereke ae boou, tabeua taneiai aika a kakawaki ao karikirake a tia ni bitaki teutana bwa waaki naba ngkai ao a na boboto riki iaon berita aika a tabu n te tembora are n te bong teuana ko na karaoia ao ni kawakin. Ngkai tabeua kaeka nakon am titiraki.
Nna kanga ni karaoa Rikirakem I Bon Iroum? Moan karaoana e beebete! Waaki iaon teuana are ko nano iai. Ko aki riai ni karaoa te kainibaire mai moana ni karinanna. Karaoan bwaai aika a kantaningaaki aika ko na rinanona e na buokiko n oota iai ao bukin kakaawakina ni maium.
Antai aika a kona n iria? Aomata nako ake iai nanoia ni kan iria a butimwaeaki. Ko kona ni kaoia raraom ake tiaki membwa n te Ekaretia ni karaoi Rikirakem I Bon Iroum ma ngkoe. Tinam ke aine tabeman a kona naba n iria.
Waekoara ngai ngkana I waaki? Ngkana ko kauka bokin Rikirakem I Bon Iroum, ko na kunei bwaai tabeua ake ko a kaman kakaraoi n te reirei ke ni mweengam. Karekea am bwii ibukin karaoan bwaai ao baireia mai imwaina bwa ko aonga ni kona ni karaoi ma bonganaia. Ko kona ni karaoia ni birina are mai iroum. Ngkana ai 12 am ririki ao karaoa teuana te taneiai teuana ni katoa namwakaina ao uoua te karikirake ni katoa ririki, ko na bon bane n te tai are ko a roko n te Raurere. Imwiina e na reke am tai ni kairiia kairake n aine tabeman ake a mwakuri iaon aia boki n Rikirakem I Bon Iroum. Ngkana ko karaoa aei, ko kona ni karekea te Karineaki ni Biiaiwe, are e tei ibukin rinanona riki te kawai ae raka ni buokaia tabeman.
I Kona ni Karaoa Rikirakem I Bon Iroum n te Miutuo? Ko kona ni karaoi tabeua Rikirakem I Bon Iroum n te Miutuo. Te karikirake e kona n riki bwa am mwakuri n te Miutuo. Ko kona naba ni mwakuri iaon Rikirakem I Bon Iroum n am kiraati n Kairake n Aine ngkai ko reiakina taekan te tamaroa ao ni kamatebwaia koroboki aika a tabu.
Aekakira aro ni kairiiri ae e anganai? Ngkai ko katauraoi ni katia te karikirake ae 10-aoana, ko kona ni kaoia kairake n aine ake tabeman bwa a na buokiko. Karaoan aei e na buokiko n reiakina te konabwai ibukin nakoam n riki bwa te buu, tina, ao te tia karaoa te mweenga. E na buokiko naba n reiakina aron baireana, reitaki, ao ni katiai mwakuri aika a kaanganga.
Bukin tera ngkai I tuangaki bwa Nna kawakina te tienero? Te tienero aei e na riki bwa te rekooti ae kakaawaki ibukim n am bong n te bootaki ni Kairake n Aine ao kabaebae ake ko a tia ni karaoi. Koroboki n am tienero e na kaoa naba ana iraorao te Tamnei ae Raoiroi.
Kakabwaia n Rikirakem I Bon Iroum e reitaki nako riaon aia ririki Ataeinnaine. Am onimaki ao am koaua ibukin te Tia Kamaiu ao Ana euangkerio are e a manga kaokaki e na rikirake. Ko na tauraoi ibukin am mition mai karawa ao nakoam iaon te aba. Ko na katoonga karewen te mwakuri ao te kukurei ni katiaan te raoiroi. Ko na namakina ana ibuobuoki te Tamnei ae Raoiroi, are e e na kairiko ao e na reireiniko. Ko na karikirakea te baeten ni maiuakinii bwai ake a na kakabwaia maium, ngkai ao n aki totoki. Bon te baeten n te rikirake ao karaoan ao kawakinan te berita ae tabu n te tembora. Ko na kakabwaiaaki n am tai ni wakina te baeten n rikirakem. Ti tangiriko! E tangiriko te Uea! Ngkami Natina aine aika moan te kakaawaki.
Te kanikina n te Biiaiwe bon te biiaiwe, are e kauring ibukin te rau, reitaki, ao te mwakuri.
Te kanikina n te Mwaea maite bon te rooti, are te tia kauring ibukin te tangira, onimaki, ao te itiaki.
Te kanikina n te Raurere bon te mwae n te raurere, are e tei ibukin te karinerine ao koronbukina.
Te Mwae te Tooti
Ngkana ko rin n te bootaki n Kairake n Aine, am mataniwii e na anganiko te mwae te tooti. Te mwae aio e tei ibukin kabaeam bwa ko na tei ibukin te koaua ao te etieti n tainako ao ni bwaai nako ake kam nako iai. Te kanikina n uran te ai e na kauringko naba n teirake ao ni kaotako nako, bwa otam e na kona n riki bwa te kainibaire ibukiia te botannaomata. (D&C 115:5). Karina te mwae aei ma te kakatonga ao uringnga kabaeam.
Bokin Rikirakem I Bon Iroum ae Uarereke
Ngkana ko katabwanina taneiai aikai ao karikirake ibukin ataakin am waaki, ko na karekea te titika ae te koora are e kanimwaki i akuun am boki n Rikirakem I Bon Iroum. Karina te bong are ko katia iai ataakin am waaki aei. Am boki ae uarereke ao tienero a na riki bwa am rekooti i bon iroum ni bwaai ni kabane aika a raraoi ake ko a tia ni katiai.
Karakaan Beeba ni kinaaki
Ngkai ko waakirake man te roro teuana nakon teuana, ko na bon ataaki iroun am bitiobi ke am beretitenti n te mwaanga ma te beeba ni kinaaki ao ni kabwaninana. Kawakinna n te tabo ae onoti bwa e na kauriingko ni bwaai ake ko a tia n reiakin ni katiai n am ririki ni Biiaiwe, Mwaea maite, ao n Raurere.
Reebenin Koroboki aika tabu
Ngkai ko katiai taneiai ao karikirake ibukin ataakin am waaki, ko na karekea te reeben ni mwakena am boki ae tabu n taekan ataakin am waaki. Reeben bon karan ataakin am waaki: mainaina ibukin te onimaki, koora ni babobo ibukin te tamaroa, ao e nako riki. Am mataniwii e na anganiko te reeben aei ni boowiia Kairake n Aine.
Kinakin Aron Maiun te Aine Ni Koaua
Ngkana e bane Rikirakem I Bon Iroum, ko na korea am koaua n am tienero ao karekea am intawiu ma te bitiobi ke te beretitenti n te mwaanga. E na kona n reke iroum te Kinaaki n Aron Maiun te Aine Ni Koaua. Te matarion e a tia ni bitaki bwa e na karinaki te kanikina n rooro aika a kakaokoro ao n airi ma te tembora. Iai naba te rubii ae uarereke mai nuukan rootin te mwaea maite. Te ruubi aio ae kanikinaea ae ea bane iroum Rikirakem I Bon Iroum ao kakaawakin te tamaroa ae boou. Te rubii e na kauringko bwa te kairake n aine ae kokoaua e rangi ni kakawaki ao bwa e “bati riki boona nakoni momi” (Taekan Rabakau 31:10).
Karineaia BIIAIWE
Imwiin karekean am matarion, ko kona ni waaki nakon karekean te Karine ni Biiaiwe man manga warekan ana Boki Moomon ao karaoan riki mwakuri n ibuobuoki, n ikotaki ma buokan temanna te ataeinaine ma Rikirakena ibon Irouna.
Kabwarabwaraan tamnei iroun Titita Dalton © Busath Photography; line drawings © Dover Boretiaki; rosebud iroun Traci O’very Covey; tamnei iroun Robert Casey
Kabwarabwaraan tamnei iroun John Luke © IRI