Riki bwa te Mwaane ae Kakaonimaki n te Nakoanibonga
David L. Beck (nuka), beretitenti; Larry M. Gibson (maing), moan kauntira; ao Adrián Ochoa (atai), kauoman ni kauntira.
Imwaain otinakomi man te Buraimwarii, e mwaiti mai buakomi ae uringa te katebwi ma teniua n n taekan te Onimaki ao ni kantaningaia bwa kam kona n uringnga inanomi. Te ririki aio ngaira aika beretitentii ti kakaewenakoi ngkami ni waaki nako iaon ami ururing ae bebete ao n reiakini ni koaua ae kananonaa te Burabeti are Iotebwa Timiti ngke e taku ti rimwin ana kauring Bauro. Ti buti ngkami ni kamatebwaii bwaai aika a kakaawaki n tatabeua nako ake a taekinaki n te katebwi ma teniua n taekan te onimaki, n ana Boto n Iango te Miutuo n te ririki aio. Ti kaoi ngkami ni karaoi bwaai aika kam reiakin. Ao ti kaoi ngkami n tibwa te kukurei ma tabeman bwa maiuakinan katei aikai a na rin inanon maiumi.
Katoton te katei aio bon titebo ma are kam kamanena inanon te burokuraem ae boou Beku nakon te Atua: reiakinna, mwakuriia, tibwauaia. Irakin kawai aika bebete aika teniua aikai e na buokiko n riki bwa te mwaane ae kakaonimaki n te nakoanibonga.
E kabwarabwaraa te katebwi ma teniua n taekan te onimaki n te mwakoro, “Ti kakoaua ae ti riai ni ni kokoaua, n eeti, n itiaki, n akoi ao n ibuobuoki, te nanoanga, te iraorao, [ao] raoiroi” (e katuruturuaki taekana). N riki n ai aron e moa riki nakon aron ni karaoia—bon aron are antai ngkoe. Karaoan te etieti, koaua, te itiaki, ao tabeua riki are kaokoroko mairouia ataeinimwaane ake am roro. Ngkana a noora tamaroam tabeman, a na tangira anuam are iai iroum. Ngkai ko reiakina tabem n te nakoanibonga ao ni mwakuri iaoia, ko na bitaki. Ngkana ko waaki “karaoa ae raoiroi nakoia aomata ni kabane,” ko na kakabwaia ao ni bita aron maiuia aomata.
Banna ni Katooto aika Tamaroa
Ben bon te banna ni katoto ae korakora ni buokaia tabeman ao n riki bwa kakabwaiaia inanon maiuia. E tarataraia aomata ake aki kikinaki ke aki namakinna bwa a na boo ibuako. E iangoia riki tabeman nakon tabeakinana ibon irouna. Ngke e mwaing Kelon nakon ana uoote Ben, E kabwarabwara maiuna Kelon “akea bwa tii te bwatei” are nakon te kawai ae kairua. E namakina bwa akea ana iango. Ma ibukin ana banna ni katoto te rao ae Itiaki ni Boong Aika Kaitira ao moa riki ngkai bon raraona ae tatangiria, Ben, e nooria bwa iai karaoana ae raoiroi riki. Ben e kaoa Kelon ni ira ana waaki ni kakukurei te Ekaretia. Ni botaki aikai e noria Kelon bwa iai te bwai ae kaokoro n aroia ataeinimwane akekei. E tangiria ni kan riki bwa aekakiia. E aki rang koaua bwa tera, ma e ataia bwa e tangiria. E tangiria ni kukurei n aekaia.
E tataro nakon te Atua ao e ataia bwa e kainnanoa kaainakin te Ekaretia. E bwabetitoa raraona Ben ngke 16. E taku Kelon ni bwabetitoakina, “I a tia ni kunea te rau, ao I namakina bain te Tia Kamaiu n tangira ngke I otinako man te nei. I a kukurei ibukiia raao ake a maiuakina are a kakoaua.”
Mwaakan te Nakoanibonga ae te Aaron
Doctrine ao Covenants 58:27–28 ae taku bwa mwaane a na ingainga ni katabeia ni bwaai aika a raoiroi, bwaai aika mwaiti man oin nanoia n te aro bwa a na uota te raoiroi ae bati;bwa te mwaaka iai iroura. E mena te mwaaka iroumi. Kamwa tia ni mwiokoaki ma te mwaaka n te nakoanibonga ae te Aaron. Ti tangiri ngkami, ao ti ataia bwa kam kona ni karaoi bwaai aika korakora ngkana kam riki bwa mwaane aika kakaonimaki n te nakoanibonga.