Ti kakoauaa
Elaine S. Dalton (i nuka), beretitenti, Mary N. Cook (maing), moani kauntira; ao Ann M Dibb, kauoman ni kauntira.
Ti kakoaua bwa raoiroin temanna te aine, ae e kairaki iroun te Tamnei, e kona ni bita te aonaaba Ngkai aia beretitenti ni kabuta Kairake n Ataeinaine, ti a tia ni kamataua taraia ataeinaine n te bwai are a kakoaua be riai n tei bwa te tia kakoaua, ni maiuakina katein te euangkerio, ao ni karaoa te bitaki. E bon kamimi bwa temanna te aine e kona ni kakoroa nanona ngkana e raoiroi, e kakauongo nakon bwanaan te Tamnei ae Raoiroi ae maaraara ao e beebete aoimwiina e karaoia.
Ngke e korea te katebwi ma teniua n taekan te onimaki Iotebwa Timiti, e kabwarabwarai bwaai ni kabane are ti kona ao n riai ni kakaei bwaai aikai n te aro bwa ti na karekea te mwaaka ao korakoran te Tamnei ae Raoiroi. E ataia bwa ti na kainnanoa rimwian te tia Kamaiu n te taeka ao ao te mwakuri. E ataia bwa man karaoan aio e na katauraoira bwa ti na tau ibukin kakabwaia n te tembora.
Kakoauako I bon Iroum
Ko na kanga ni karaoa aio? Ko na kanga ni kairiia tabeman n iriiran ana banna ni katoto te Tia Kamaiu, maiuakinan te raoiroi, ao te katauraoi nakon te tembora? Te moan, Kakoauako Ibon Iroum! Ungan nanom ao korakoram a na buokiko bwa ko na riki bwa te tia kairiiri, ao kabanean nanom nako iai e na karaoa te bitaki n te ririki aio. Am iango nako, kukune ao mwakuri a kona ni kaeta te aonaaba ngkai ao n taai aika a na roko.
Ibukin te aonaaba n rabakau aika a boou ae ko maeka iai, iai am kona ni kaona te aonaaba ni bwaai aika raraoi, a tamaroa ao n tau ni kamoamoaki. Iai i tabonibaim te kona ni kakoaua ana euangkerio Iesu Kristo nakon te aonaaba ae bwanin. Ake ngkoa te roro mai imwaaina ae iai irouna te konabwai aio, te kakabwaia, ao te tai.
Teniua Bwaai n ikotaki ma Teuana—Ni Katoa bong!
Ti kakoaua iroum. Ngkai te tai ni ikotaki ao ni moana te bitaki are e na kakorakoraki ao ni kakabwaiaia tabeman. Ti kaoko bwa ko na reitanako karaoan teniua bwaai ni katoa te bong—n ikotia ma teuana.
-
Tataro ni katoa ingabong ao ni katoa tairiki.
-
Wareware n Ana Boki Moomon ni katoa nimaua te miniti ni katoa bong.
-
Matangare!
-
N raonakina, ti kaoko bwa ko na ongeaaba ao ni maiuakina te riai inanon Ibukin Kakorakoraia Kairake. A na taneiai ma katei aikai. Tibwaia ma tabeman riki. Ao riiki bwa aia banna ni katoto aika taan kakoaua.
Te ririrki aio, Kakoaua bwa Natin te Atua te aine ngkoe, are tangiriko ao e na buokiko. Kakoaua inanon te Tia Kamaiu Iesu Kristo. Ngaia otam. Bon am kantaninga. Am Kakairi ao te Tia Kabooa maium. Kakoauako ibon Iroum! Kakoaua korakoraia kairake n ataeinaine ae a maiuakin katei aika a raraoi. Ti kona ni kabane ni kakaei bwaai aikai ake a raoiroi, ao a tamaroa, tatangiraki, ao ni kamoamoaki. Ti kona ni karaoa te bitaki inanon ara aonaaba.
Ti kakoaua bwa ngkami te roro are aia koaua ao aia mwakuri e na bita te aonaba. Ti kakoauai ngkami!