2011
I Kantaninga Bwa A Na Weteai Nakon te Mition?
Tianuare 2011

I Kantaninga Bwa A Na Weteai nakon te Mition?

Iroun Loran Cook

Tao ko a tia n ongo anenen te Buraimwari “I Kantaninga Bwa A Na Weteaki Nakon Te Mition.” Iai raoi riki aia anene ataei ae bongana ibukin karaoan te mwakuri ni mitinare. E taku: I kan riki bwa te mitinare ngkai. I aki tangiria n tataninga ni karokoa I a ikawai.”1 Elder M. Russell Ballard man Aia Koram Abotoro Ake Tengaun Ma Uoman e kariaia. E taku, “Aomata aika kairake a kainnanoia ni kabaei maiuia ni moantaai te iango ibukin te mwakuri ni mitinare.”2

E ngae n anne, ataakin ae ko kan mitinare ao te namakin ni katauraoi ni mwakuri bon bwaai aika uoua aika kaokoro. Ko na waaki ma ia? Kakorakoraa am koaua ao rabakaum n te euangkerio bon bwaai aika uoua aika moan te tamaroa. Aika inano kawai tabeua ake ko kona ni katauraoi ni karaoa am mwakuri ni mitinare.

1. Te Onimaki

Ti kainnanoa karikirakean ara onimaki. E reirei Iesu Kristo, “Ngkana iai onimakinau iroumi ao e na reke iroumi te mwaaka ni karaoa te bwai are kam tangiria irou.” (Moronaai 7:33).

  • Kamatebwaii booki aika tabu. A reirei ao ni kakoaua Iesu Kristo.

  • Kataa te onimaki ni kaitarai oin am kanganga ibon irouia. Onimakinan Iesu Kristo e na karaua nanom n tain taian kanganga ao ni buokiko n tokanikai iaon kanganga nako.

  • Karekea te tararua ae korakora iaon rabwatam am iango man reiakinan bonganan te reirei, te kamarurung ao te maiuraoi.

  • Teimatoa ni waakina te raira n nano, ongeaaba nakon tuua, aki mamatam, ao tataro ni kaitiaka maium.

  • Ibukia ataeinimwaane, kamwakura te onimaki inanon Iesu Kristo man reiakinan kakoroan tabem n te nakoanibonga.

2. Tamnei

Unimwaane Ballard e reirei naba, “Mitinare a kainnanoa te itiaki n rabwata ao n tauraoi n te maiu n tamnei.”3

  • Kamatebwai ao irii kainibairei inanon Ibukin Kakorakoraia Kairake.

  • Ukoukora Ana Kairi te Tamnei ae Raoiroi man te aki mamatam, kamatebwaian boki aika tabu, ao tataro ibukin kairakim.

  • Wareka aron ana bwaintangira nako te Tamnei inanon Doctrine ao Covenants 46:11–26. Tataroakinna ni kakaea bwa ko na kunei bwaintangira n te maiu n Tamnei. Ukoukori aia reirei am karo ao taan kairiri bwa a na buokiko ni karikirakei bwaintangira n te maiu n tamnei.

  • Titirakiniko, “Taian boki aika I wareki ao burokuraem n te terewition ao taian tamnei aika I matakuakin a tabekai rake? Ngkana a aki, iangoa arona ae ko kona ni kakaea riki te kakukurei ae tamaroa riki.

  • Reireiniko ni kakauonga ibukin ana kairi te tamnei nako.

3. Te tangira

Ko na kainnanoa te tangira ae kororaoi ana tangira Kristo ae itiaki, ni mwakuri raoi bwa te mitinare. Tangiraia tabeman e aki bebete n tainako. E na tangira te mwakuri, te onimaki, te Tamnei ae Raoiroi, ao te kaunganano. E taku Moomon bwa kam kainnanoa te tataro ma korakorami bwa kam aonga ni kaonaki n ana tangira Kristo ae itiaki (tara Moronaai 7:48).

  • Tataro ma te nanorinano ao ni koaua ibukin te kona n tangiria tabeman n ai aron Kristo ngkai E tangiriia.

  • Kaota am tangira ibukiia am utu man karaoan te mwakuri n akoi ibukiia kaain te utu n tatabemaniia Rinea kaain te utu are a kainanoa te tangira ae raka ke tabeakinana ao ni kabanei tabeua te tai ma teuanne ke neienne.

  • Kaota am tangira ibukin temanna ae kainnano man karaoan te mwakuri n akoi ibukin teuanne ke neienne.

4. Ibuobuoki

E reireiniia ana aomata te Uea are Beniamina aron kakaawakin te mwakuri. E taku bwa ngkana ti beku ibukiia tabeman, ti beku ibukin te Atua (taraa Motiaea 2:17).

  • Karaoa te ibuobuoki bwa kateim n tainako. Ko kona ni buoki kaitiakan bwain amwarake imwiin te amwarake n te tairiki, buokiia am koraki n ataei n aia bwai n reirei, taetae nakon are kainnanoa raona, ke buoka kawakinan itiakin rarikim.

  • Tataro ibukin kakorakoram ao kairam inanon iriiran ana banna ni katoto n ana mwakuri ni ibuobuoki te Tia kamaiu.

  • Buoka am kurubu ibukia Kairake n Ataeinimwaane ke Ataeinaine n iangoa karaoan te mwakuri n ibuobuoki.

5. Te Kakao

Aramwa,temanna te mitinare ae korakora n Ana Boki Moomon, e kainanoia koraki ake tiaki membwa n te Ekaretia n “roko ao ni bwabetitoaki nakon te rairanano” (Aramwa 5:62). Ko kona ni ira ana banna ni katoto.

  • Riiki bwa te rao ae raoiroi ao te banna ni katoto nakoia raao ao kaain te utu ake tiaki kaain te Ekaretia.

  • Kakaei aanga n reireiniia raraom ao kain rarikim taekan te euangkerio.

  • Reiakina te euangkerio ao kataneiaiko n reirei ngkai. Butiia am tia kairiri n te uoote ke mwaanga ibukin kairakim iaon arom n anga reirei taekan te euangkerio. Ngkana e riai, irii taian reirei ngkana a reirei taian mitinare aika bwanin aia tai nakoia taan kakaae.

  • Kamatebwai Taekina Au Euangkerio ma am karo ibukin te bootaki ni utu n te tairiki. Ko kona ni ikaruoruo n taetae iaon taian reirei, n reireinia mwakorona, ao kaoaia n tatabemaniia ni kaoti aia koaua n te bwai are ko reiakinna.

Te beku ibukin te mitinare bon te kouru ae bongana karaoana ngkai, ao ni katauraoi ngkai e na katekeraoa maium ni katoabong ni kairiko nakon te mition. Ko aki rangi n uarereke ni waakina am katauraoi—ko na aki tataninga ni karokoa ko a ikawai nakon teuana ke uoua te buuti.

Bwaai aika a na taraaki

  1. “I Tangiria n Riki Bwa te Mitinare Ngkai.” Aia Boki n Anene Ataei, 168.

  2. M. Russell Ballard, “Ko na kanga ni Katauraoi Bwa te Mitinare ae Tamaroa,” Riaona, Maati 2007, 10.

  3. M. Russell Ballard, Riaona, Maati 2007, 12.

Tamnei iroun Sal Velluto ao travis walton