A mataku kain au utu n tamnei ibukiia ikawai. E bongana kabanean au tai irarikiia, ao N na kanga ni kabwarabwara bwa bukin tera ngkai I aki matakuakin tamnei akanne?

Rineakin te bwai ae eti ma am utu e kona ni matoatoa ma raraom—n taai tabetai e matoatoa riki. E raoiroi riki bwa ko na aki ira nanom. E ngae n anne e kona n tiaki arona ngkai, karimoakin te Atua ni maium e na kakabwaia am utu ao ni karaoiko bwa te banna ni katoto nakoia. Ma bon am utu, ao e bongana kabanean am tai ma ngaiia. Ko kona n tuatua tamnei tabeua ake ko atai bwa a kaunga ke waaki ni kakukurei n aron takakaro ke te nakonako ae abwabwakitamwatamwa.

E kakaawaki kaongoakiia am utu n ataa anuam ae korakora, n te nanorinano. Tatae ma te koaua nakoia n aron ae bukin tera ko aki rinei ni matakuakin aekaki n tamnei akanne. Tataro bwa a na iai te korakora iroum n taekina aio nakoia ao ana iai tamnein te atatai iai. Te kantaninga bwa a na karineko am utu ibukin aio, ao ko na kawakina te Tamnei inanom ngkai ko kaotinakoi bwaai aika bubuaka.