Mitondra ny Kilonga Mody

Afaka Mahazo Anjara amin’ ireo Fitahiana avy amin’ ny Fisoronana ny Rehetra

Azonao ampiasaina ity lesona sy asa atao ity hianarana bebe kokoa mikasika ny tarigetran’ ny Kilonga amin’ ity volana ity.

Rehefa nandika ny Bokin’ i Môrmôna i Joseph Smith dia nanana fanontaniana izy sy i Oliver Cowdery mpitantsorany. Nandeha nivavaka mikasika izany tany an’ ala izy ireo. Rehefa nivavaka izy ireo, “dia nidina teo amin’ ny rahon’ ny hazavana ny iraka iray avy any an-danitra.” I Jaona Mpanao Batisa io iraka io. Napetrany teo amin’ ny lohan’ i Joseph sy i Oliver ny tanany ary nomeny ny Fisoronana Aharôna izy ireo. Dia nodidian’ i Jaona Mpanao Batisa i Joseph sy i Oliver mba hifampanao batisa. Fotoana fohy taorian’ izay dia tonga teto an-tany ny Apôstôly Petera, Jakôba ary Jaona ary nanome ny Fisoronana Melkizedeka an’ i Joseph sy i Oliver. Teto an-tany indray ny fisoronan’ Andriamanitra. (Jereo ny Joseph Smith—Tantara 1:68–72.)

Afaka mahazo tsodrano sy ôrdônansy lehibe isika amin’ ny alalan’ ny fisoronana. Tafiditra ao anatin’ ireo tsodrano ireo ny tsodrano omena ny zazakely vao teraka, ny tsodrano omena ny marary ary ny tsodrano omena ny zanaka amin’ ny alalan’ ny rainy na ireo mpihazona ny fisoronana mendrika hafa. Tsy maintsy mandray ôrdônansin’ ny fisoronana vitsivitsy isika mba hiverenana any amin’ ny Ray any an-danitra. Ny sasany amin’ ireo ôrdônansy ireo dia ahitana ny batisa asitrika, ny fandraisana ny fanomezana ny Fanahy Masina, ary ireo ôrdônansy masin’ ny tempoly izay afaka mamehy ny fianakaviana hiaraka mandrakizay. Any amin’ ny tempoly koa dia azo atao ny manatanteraka ôrdônansy ho an’ ireo olona izay efa nodimandry nefa tsy nahazo ireo fitahian’ ny filazantsara. Afaka mahazo anjara amin’ ireo fitahiana avy amin’ ny fisoronana ny rehetra!

Hira sy Soratra Masina

• Mifidiana hira mikasika ny fisoronana avy ao amin’ ny Chants pour les enfants

• Fotopampianarana sy Fanekempihavanana 84:35

Ianao Irery Ihany

Vakio ny Joseph Smith—Tantara 1:68–73 ao amin’ ny Voahangy Lafo Vidy. Ampiasao ireo andinin-tsoratra masina ireo mba hanampy anao hameno ny banga etsy ambany etsy. Soraty eo amin’ ny taratasy iray hafa ireo zavatra izay nianaranao avy amin’ ny famakiana ireo andininy ireo.

1. “Ny Fisoronana Aharôna … dia mihazona ny fanalahidin’ ny fanompoan’ ny , ary ny filazantsaran’ ny .”

2. no natao batisa voalohany.

3. I Oliver Cowdery dia nanao batisa an’ i .

4. I Jaona Mpanao Batisa dia niasa teo ambany fitarihan’ i , , ary .

5. Taty aoriana i Petera sy i Jakoba ary i Jaona dia nanome ny Fisoronana an’ i Joseph sy i Oliver.

Valiny: 1. anjely, fibebahana; 2. I Oliver Cowdery; 3. Joseph Smith; 4. Petera, sy i Jakoba ary i Jaona;5. Melkizedeka.

Asao atao mikasika ny FNT Manampy ny Olona ny Fisoronana

Ny fisoronan’ Andriamanira dia ilay hery hanompoana sy hitahiana ny olona amin’ ny alalan’ ireo ôrdônansy sy tsodrano. Ataovy ao anatin’ ireto sary ireto ny sarin’ ny tenanao mandray anjara ao anatin’ ilay zava-miseho.

Manamasina sy mizara ny fanasan’ ny Tompo ireo mpihazona ny fisoronana. Ataovy ny sarin’ ny tenanao mipetraka eo amin’ ny seza vonona ny handray ny fanasan’ ny Tompo.

Azo omena ny marary ny tsodranon’ ny Fisoronana. Ataovy ny sarin’ ny tenanao matory eo am-pandriana fa marary.

Azo fehezina miaraka amin’ ny alalan’ ireo ôrdônansy any amin’ ny tempoly ny fianakaviana. Ataovy ny sarin’ ny fianakavianao eo anoloan’ ny tempoly.

Ôrdônansin’ ny fisoronana ny batisa sy ny fandraisana ny fanomezana ny Fanahy Masina. Ataovy ny sarin’ ny tenanao mijoro eo anoloan’ ny fitoeran-drano fanaovana batisa.

Ankavia: Ny Famerenana tamin’ ny Laoniny ny Fisoronana Melkizedeka, nataon’ i Kenneth Riley © 1965 IRI; etsy amin’ ny zorony: sary nataon’ i Phyllis Luch © 1988 IRI; Omeo Tsodrano amin’ ny Anarany Izy Ireo, nataon’ i Walter Rane © IRI; ankavanana: sary nataon’ i Rebecca Miller