Ngaahi Talanoa ʻo Sīsuú
Naʻe Foaki Mai ʻe Sīsū e Sākalamēnití
Naʻe ʻafioʻi ʻe Sīsū kuo mei ʻosi hono taimi ʻi māmaní. Naʻá Ne fakatahaʻi ʻEne kau ʻAposetoló ki he ʻOhomohe fakaʻosí. Naʻá Ne ʻoange ʻa e sākalamēnití mo kole ange ke nau manatuʻi maʻu pē Ia.
Naʻe hāʻele ʻa Sīsū ki he ngoué ke lotu. Naʻe mamahi koeʻuhí ko e angahala mo e ngaahi meʻa fakamamahi kotoa ʻi he moʻui ʻa e taha kotoa pē. Pea toki pekia leva ʻi he kolosí mo telio ʻi ha fonualoto.
Naʻe ō mai ha kau fafine ki he fonualotó ʻi he pongipongi Sāpate, hili e toetuʻu ʻa Sīsuú. Kuo ʻosi tekaʻi ʻa e fuʻu maka ʻi he matapaá, pea naʻe ʻikai ha taha ʻi loto! Naʻe ʻi fē nai ʻa Sīsū?
Naʻe toe moʻui Ia! Na‘e mamata ʻa Mele Makitaline kia Sīsū. Naʻá ne ʻaʻahi ki Heʻene kau ʻAposetoló koeʻuhí ke nau mateuteu ke akoʻi ʻa e ongoongoleleí ʻi he hili ʻEne hāʻele hake ki he langí.
Ko e taimi ʻoku ou toʻo ai ʻa e sākalamēnití, ʻoku ou manatu kia Sīsū. ʻOku ou manatuʻi na‘á Ne moʻui mo pekia pea toetu‘u maʻaku kae malava ke u toe moʻui!