Ko Hono Tokoniʻi ʻo e Niʻihi Kehé ʻi he Tuí

ʻOku talamai ʻe Palesiteni ʻUkitofa ko ʻetau tui ki he ʻOtuá kuo pau ke “ō fakataha mo e ngāué.” ʻOkú ne pehē, ko e taimi ʻoku fetākinima ai ʻetau tuí “mo e faʻa ngāué,” ʻokú ne “fakafonu … e moʻuí ʻaki e nonga mo e ʻofa.” Te tau lava, fakataha mo e talaʻofa ʻo e tāpuakí ni ke fai ha tokoni, pea te tau lava ʻo fakatokangaʻi ʻeni ʻi heʻetau moʻuí, kapau te tau ʻai ha taimi ke tau fai ai ha ngāue tokoni ʻoku fonu ʻi he tuí. Te ke lava ʻo lotu ʻi he pongipongi kotoa ʻo kole ki he ʻEikí ha tokoni ʻi hono tokoniʻi ʻo e niʻihi kehé. Hange ko ʻení, kole ange ke Ne fakahā atu ha taimi ʻoku fie maʻu tokoni ai hao tokoua pe tuofefine ʻi ha ngāue, pe ko ha taimi ʻoku fie maʻu fakahīkihikiʻi ai ha kaungāmeʻa. Hili iá, ko e taimi te ke maʻu ai ʻa e ueʻí, ngāueʻi ia! Kapau te ke ʻai ke ke angaʻaki e ngaahi lotu mo e tokoni ko ʻení, ʻe tāpuekina leva ʻe hoʻo faʻangāue faivelengá hoʻo moʻuí pea mo e moʻui ʻa e niʻihi kehé. ʻOku palōmesi ʻa Palesiteni ʻUkitofa te ke “lava ʻo liliu ʻa e fakafoʻituituí, ngaahi fāmilí, ngaahi puleʻangá, pea mo māmani.”