iTabagone

Vakananuma tiko na Turaga Ena Veisiga

Ira na noda itokani, tavi e vale, vuli lesoni, TV—na veika oqo e gadrevi kina na noda vakasama. Ia ena vei macawa, eda yalataka vua na Tamada Vakalomalagi “me [da] na vakananuma [Na Luvena, o Jisu Karisito]” (V&V 20:79).

A tukuna o Peresitedi Eyring “eda digidigi ena veisiga” me vukei keda meda vakananuma na iVakabula. Saga me dua na nomu lalawa ena vula oqo mo vakananuma vakalevu kina na iVakabula ena veisiga. Cakava e dua na nomu ivolanivula ka yalataka mo qarava e dua na ka ena veisiga. A toqa o Peresitedi Eyring na ka me vaka na wilika na ivolanikalou, masu ena vakabauta, ka qarava na iVakabula kei na vuqa tale na tamata. Ka tu talega na ka me vaka na vola na ivolaniveisiga, tiko ena soqoni ni Lotu, vakarorogo tiko kina koniferedi raraba, lako ki na valetabu, lagata na serenilotu—kei na vuqa tale na ka! Ni da vakananuma na iVakabula ena veisiga, e yalataka o Peresitedi Eyring ni “na lakovi keda mai vakamalua … na veivakalougatataki … [ka] na siviraki keda meda tisaipeli nona na Turaga o Jisu Karisito.”