Vakatuburi na Noqu Bisini ni Keke Raisi
Lordita Yagomyom
Misamis Occidental, Philippines
Droini mai vei Carolyn Vibbert
Au a vinakata meu vakauta yani na luvequ tagane ki kaulotu, ia na volitaki ni dua na kilo 2 paudi) na bibingka (keke raisi) ena veimacawa me rawa niu tokoni koya ena nona kaulotu.
Na luvequ ena veivuke tiko ena kena qaravi na bula vakailavo ni matavuvale ka sa rui leqataka vakalevu na ituvaki vakailavo me rawa ni logaloga vinaka ena nona lako. E a dua dina na ka dredre ki na neitou matavuvale me keitou rawa ilavo. Au a marautaka na luvequ yabaki 25 ena nona gagadre dodonu me qarava na Turaga, ia au vakila ni keitou na gadreva eso na cakamana me rawa ni vakavotukana na nona tatadra ni kaulotu.
Au lewena e dua na ilawalawa ni bula rawati koya. Ena noqu sasaga kei na vakabauta, au kila ni na kalougata kina noqu matavuvale. Ena dua na bose, au vakauqeti meu gole yani ki na makete. E kea, au raici ira na marama era volitaka tiko na veika kamikamica vakavanua e dau laukana. Keirau mai veidinadinati kei na dua na marama. Au tukuna vua niu na biuta vua na noqu ivoli ena mataka me volitaka kau na qai mai kumuna na veika e rawa ena yakavi. Na veidinadinati oqori e vinaka vei keirau ruarua. Au qai mai kunea tale e levu me ra volivolitaki. Na noqu bisinisi e qai tubu kina 10 na volivolitaki ena gauna au tiko kina ena ilawalawa ni bula rawati koya.
Au vulica meu wasea na ilavo ni bisinisi mai na noqu ilavo ga o au kau mani saumi au talega kina. Au vulica meu kua ni vakalusi gauna ena veika e sega ni voli tiko ka vakanamata ga ki na veika e rawa ilavo tiko. Au vulica talega me sala ni volivolitaki ena veimaliwai raraba ena mataveilawa. Na noqu itokani ena ilawalawa ni bula rawati koya e vukei au meu tauyavutaka e dua na noqu akaude ni Facebook. Mai kea, keitou vulica na tawapeketaki kei na vakayacani ni veika e volitaki. E tubu sara na noqu bisinisi ka yaco me sa cegu mai na watiqu mai na cakacaka kaukauwa e veivakaocai me rawa ni vukei au.
E dua e tarogi au se sa vakacava tiko na noqu veivoli. Au tukuna yani vua ena marau, au sa volitaka tiko qo e 12 na kilo (26 paudi) ni keke raisi.
“Sa totoka sara na 12 na kilo ena dua na macawa!” e kaya mai o koya.
“E sega, taciqu,” au kaya. “Au volitaka e 12 na kilo dua na siga.”
E tukuna o luvequ tagane ni sa marau sara o koya ni sa rawa ni qarava na neitou gagadre na noqu bisinisi.
“Sa kena irairai au sa na rawa ni lako ki kaulotu tudei,” e kaya o koya.
E sa veiqaravi tiko oqo o koya ena Tabana ni Kaulotu na Phillipines San Pablo. Au sa vakavinavinaka sara ki na ituvatuva ni bula rawati koya. E dina sara na Turaga Nona a kaya, “Sa noqu inaki meu vakarautaka na veika oqo me yaga vei ira na noqu tamata” (V&V 104:15).