Mai Paris ki Sapporo
E duidui na yasai vuravura keitou tiko kina, ia e tautauvata na veika keitou vakila ni tara volekati keitou na valetabu!
Na yacaqu o Rachel. Au tiko volekata na Valetabu e Paris France.
Na valetabu e bibi kina noqu matavuvale. Ni se bera ni tara na valetabu e Paris, keitou dau lako vakamatavuvale kina Valetabu e Frankfurt Germany vakavica ena dua na yabaki. E tini na auwa na draiva yani kina ka lesu mai.
Keitou taleitaka na neitou sarava na kena sa tara na valetabu vou. Ena veimacawa, keitou dau lako sobu kei rau na neitou itubutubu me keitou lako i raica na kena sa tara tiko. E liu eratou basuraka sobu e dua na vale makawa qai kelia yani e dua na qara levu. Sa qai tekivu na kena tara na valetabu ka cecere tikoga ki cake. Sega ga ni bera sa duri tu na vale ni Turaga!
Keitou sa nanamaki sara me keitou lako yani ki valetabu ena dua na vakaveitacini siga. Na tuakaqu o Esther, sa na rawa me caka papitaiso o koya. Keitou sa sega ni rawa ni waraka na gauna me keitou lako yani kina. Keitou taleitaka na valetabu ka marautaka ni rawa ni dua ena neitou vanua!
Na yacaqu o Koshi. Au tiko volekata na Valetabu e Sapporo Japani. Au dau taleitaka na dabe tu ena katubaleka ni neitou vale ka vakasarava na tara ni valetabu.
Ena gauna ni dolararaba, au sureta e dua noqu itokani vinaka me lako mai kei keitou. E sa totoka vua na veika kecega.
Au dau taleitaka na vakatabui ni valetabu me kena siganisucu. E noqu siganisucu talega na siga oya. Vaka talega kina na nona o Peresitedi Monson. Keitou a tiko vata kei rau na noqu itubutubu ena gauna e vakatabui kina.
Au vakavinavinaka niu tiko volekata na valetabu. Niu dau sotava na siga dredre e koronivuli, au dau taubale curu mai na rara ni valetabu ka lako yani ki vale. Au vakila na nona lomani au na Tamada Vakalomalagi niu dau tiko e kea. Au sa nanamaki ena gauna au rawa niu curuyani kina ka caka papitaiso ka meu na qai vakamau talega kina.