5 ka Mga Paagi sa Pagpanalipod sa Pagtuo (nga walay Mahitabo nga Panagbingkil)
Gikan sa usa ka artikulo ni Elder Von G. Keetch sa Seventy
Dili kinahanglan nga magkasumpaki tali sa duha ka mga baruganan sa ebanghelyo sa pagbarug alang sa kamatuoran samtang magtahud ug maghigugma usab sa uban. Ang atong lig-on nga kombiksyon sa kamatuoran dili gayud makapahimo kanato nga mobuhat sa paagi nga walay pagtahud o masuk-anon ngadto sa uban. Apan sa samang higayon, ang atong tinguha sa pagpakita og kamabination ug gugma ngadto sa tanan kinahanglan dili gayud makapakunhod sa atong katungdanan sa pagbarug sa kamatuoran.
-
Maangkon nato ang dakong kalampusan kon kita makigtambayayong sa kada usa. Kon atong limitahan ang atong kaugalingon ngadto sa 140 ka mga karakter diha sa pag-post og mensahe sa social media, kasagaran dili kita masabtan. Kasagaran, mas daghan kaayo ang mahimo sa tinagsa-tagsa, mag-atubangay, sa ingon ang mga indibidwal magkasinabut sa usag usa.
-
Hinumdumi nga ang atong unang tumong mao ang pagsabut sa panglantaw sa uban. Kon tahuron lang nato sila isip mga tawo ug mosabut sa ilang mga panan-aw nga kita epektibong makasulti ngadto sa uban.
-
Mangita og mga paagi nga kita morespeto sa managlahi nga mga panglantaw ug kauban gihapon sa pagpuyo sa katilingban. Kita kinahanglang mobarug alang sa sukaranang mga katungod sa uban, sa pag-ila sa ilang katungod sa pagpahayag sa ilang mga opinyon ug mamulong sa unsay ilang gituohan, kon kita molaum sa uban nga molaban alang sa atong sukaranang mga katungod.
-
Ang pagsabut sa usag usa usa ka proseso—nga diin mahimo kanunay sa usa ka tawo sa taas nga panahon. Ang uban tingali dili gayud modawat sa atong mga panglantaw, apan makahimo kita sa paghunong sa paggamit sa mga pulong sama sa panatiko ug kasilag.
-
Motan-aw sa usag usa nga natural nga maayo ug resonable, bisan og kita dunay sukaranan nga mga panglantaw nga dili gayud dawaton sa uban.