Tulo ka Makalingaw nga Paagi sa Pagsugod sa Family History
Gusto ka bang mobati og usa ka bahin sa butang nga mas labaw kaysa imong kaugalingon? Ania ang tulo ka makalingaw nga paagi sa pagsugod sa family history ug tulo ka himan nga imong magamit sa paghimo niini.
1. Pagkat-on sa mga sugilanon sa pamilya
Ang kasaysayan sa pamilya mas labaw kay sa pangalan lamang ug mga petsa—mga sugilanon kini bahin sa imong pamilya. Pagkat-on sa mga sugilanon sa mga sakop sa pamilya pinaagi sa pag-interbyu sa buhi pang mga kaliwatan, sama sa mga ginikanan, mga apohan, mga iyaan ug uyoan. Kon daghan kang nahibaloan bahin sa imong pamilya, mas makakat-on ka og daghan bahin sa imong kaugalingon.
-
Pangita og mga timailhan nga makatabang sa pagpangolekta og mga sugilanon sa pamilya diha sa LDS.org.
2. Pagrekord sa mga sugilanon sa pamilya
Samtang makig-istorya ka sa mga sakop sa pamilya, kuhaa ang ilang mga sugilanon. Magamit nimo ang FamilySearch.org o ang FamilySearch Memories nga application sa pag-upload og mga litrato, mga audio files, sinulat nga mga istorya, ug daghan pa.
3. Pangita og mga pangalan sa pamilya nga madala sa templo
Ang pagdala og mga pangalan sa pamilya ngadto sa templo usa ka talagsaong paagi nga mahimong mas makahuluganon ang pagsimba sa templo. Mahimo kang mogamit sa descendancy view diha sa FamilySearch.org aron mapangita ang imong katigulangan kinsa nagkinahanglan nga mahuman ang buhat sa templo para kanila.
-
Sulayi ang descendancy view diha sa FamilySearch.org.
Paghimo og tumong sa pagpili og usa niining mga pamaagi sa pagsugod sa buhat sa family history, ug sinatia ang kalipay nga moabut gumikan sa pagbati “sa kasingkasing sa mga anak ngadto sa ilang mga amahan” (tan-awa sa Malaquias 4:5-6).
Walay pag-uswag? Bisitaha ang FamilySearch.org para sa dugang pang mga ideya, mga tip, ug mga tools.