Te mau ’api nō Pātifita
Te tāuturu nei te pū i te mau tamari’i ’ia ’ata’ata
’Ua ha’amauhia te pū nō te mau tamari’i SOS nō Papara i te matahiti 1994. Tē rohi nei te pū nō te hōro’a i te hō’ē nohora’a ’e te hō’ē fa’aeara’a pāpū nō te mau tamari’i i reira ho’i te mau taea’e ’e te mau tuahine, ’e te feiā ’āpī e tītau ra i te orara’a hau ’e te here, e nehenehe ai e tupu i te pa’ari i roto i te hō’ē orara’a ūtuāfare.
Tē ōpuara’a a te pū, o te pāhonora’a ïa i te mau hina’aro tōtiare, i te pae o te ferurira’a, i te pae tino ’e i te pae vārua nō te mau tamari’i tāta’itahi e ora ra i reira. E ora te tamari’i tāta’itahi i roto i te hō’ē pupu ūtuāfare e pae e tae atu i te ono tamari’i, e hō’ē metua vahine rave tāmau, e vahine pa’ari a’e.
I teie taime tei ni’a i te faito e 55 tamari’i e ora nei i roto i te mau fare.
’Ahuru ’e ma hō’ē o te mau fare e 20 matahiti te tahito, ’ua puta te tapo’i, ’e tē fa’atupu nei te reira i te tahi mau fifi. ’Ua tātā’ihia te mātāmua o teie nā ahuru ma hō’ē fare, ’e ’ua tārenahia te tātā’ira’a o te tahi atu pu’era’a.
Tē parau ra ’o Arthur Perry, te ra’atira nō te ’ohipa tōtauturu i Pape’ete, « ’Ua ha’amaita’ihia mātou i te tāuturura’a i te pū o te mau tamari’i SOS i Papara. »
Tē parau fa’ahou ra ’o Perry ē, « nā roto i te tātā’ira’a i te mau tāpo’i fare, te ha’amaita’i ra ïa tātou i te huru orara’a o te vāhi nohora’a o teie mau tamari’i. Te hina’aro nei mātou e tu’u i te hō’ē ’ata’ata i ni’a i te hōho’a mata o te mau tamari’i e te mau mama e ha’apa’o ra ia ratou. »
Tē hōro’a nei LDS Charities ’āpitihia i te tā’atira’a nō te pū o te mau tamari’i SOS, nō te hōro’a i te mau māteria e tītauhia nō te tātā’i i te mau tapo’i fare.
Tē ’āpiti nei te LDS Charities i te mau fa’anahora’a ’ati a’e Pātifita nei ’o tē hāro’aro’a nei i te mau hina’aro hō’ē roa o te mau huira’atira tā rātou e tāvini nei, ’e ’a tāuturu ai nō te fa’atupura’a i te mau rāve’a nō te fenua iho.