E haere te tuhaʼa ʼahuru i hea

E aha te tupu i ni’a i te moni tā ʼoutou e ʼaufau nei nō te tuhaʼa ʼahuru ?

E rave ’outou i te ʼohipa ʼia noaʼa tā ʼoutou moni.
E hōroʼa ʼoutou e 10 i niʼa i te hānere nō tā ʼoutou moni ʼāpī nō te tuhaʼa ʼahuru (hiʼo PH&PF 119).
E hōroʼa ʼoutou i tā ’outou tuha’a ’ahuru i te hōʼē melo nō tō ʼoutou ʼepisekoporaʼa ʼaore rā peresideniraʼa ʼāmaʼa ʼaore rā e hāpono ʼoutou i te reira nā roto i te itenati i te donations.lds.org.
I te pū faʼatereraʼa o te ʼĒkālesia, ʼo te Peresideniraʼa Mātāmua, te Pupu nō te Tino ʼAhuru ma Piti ʼÂpōsetolo te pupu nō te Haʼapaʼoraʼa i te mau Tuhaʼa ʼAhuru (hiʼo PH&PF 120). Mai tei arataʼihia e te Fatu, e rave rātou i te mau faʼaotiraʼa faʼauruhia e nāhea ʼia faʼaʼohipa i teie mau moni moʼa o te tuhaʼa ʼahuru.

E nehenehe te tuhaʼa ʼahuru e faʼaʼohipahia nō :

Te paturaʼa ʼe te ʼatuʼaturaʼa i te mau hiero, te mau fare pureraʼa, ʼe te tahi atu mau fare a te ʼĒkālesia.
Te faʼatereraʼa i te mau faʼanahoraʼa haʼapiʼiraʼa a te ʼĒkālesia.
Te neneʼiraʼa i te mau pāpaʼiraʼa moʼa ʼe te tahi atu mau materia.
Te raveraʼa i te māʼimiraʼa ʼāʼamu ʼutuāfare.
Te hōroʼaraʼa nō te ’ohipa tōtauturu.
Te raveraʼa i te ʼohipa misiōnare.
Te hōroʼaraʼa nō te mau faʼaʼoaʼoaraʼa a te ʼĒkālesia nō te auhoaraʼa i te mau melo o te pāroita ʼaore rā ʼāmaʼa.

Mau fa’ahōho’ara’a nā David Habben