Jos I Stretem Polisi long saed blong Fasin blong Witnesem Ol Odinens

Long wan jeneral konfrens lidasip miting, taem ia we ol Jeneral Atoriti mo Ol Jeneral Ofisa blong Jos oli stap kasem ol instraksen we oli kam long Fas Presidensi, Presiden Russel M. Nelson i bin anaonsem ol niu jenis long polisi blong Jos long saed blong olgeta we oli save stap olsem ol witnes long ol baptaes mo ol siling.

Wan leta blong Fas Presidensi, we deit blong hem i 2 Oktoba 2019, i putum ditel blong ol niu jenis ia:

“Olsem we ol prisaeding atoriti oli invaetem olgeta:

1. “Eni memba we i holem wan tempol rekomen we i laef, mo tu, wan limit yus rekomen, i save stap olsem wan witnes long wan proksi baptaes.

2. “Eni memba we i endao wetem wan tempol rekomen we i laef, i save stap olsem wan witnes blong siling blong wan we i laef, o wan proksi siling.

3. “Eni memba blong Jos we i baptaes, mo hemia i tekem tu ol pikinini mo ol yut, oli save stap olsem wan witnes blong baptaes blong wan we i laef i stap.”