Sau, Mulimuli Mai ia te A’u
E faapefea ona faamanuia e le Alii i latou o e auauna ia te Ia?
Mataupu Faavae ma Feagaiga 30–36
5–11 Aperila
Ina ua maea ona valaauina e tuua lona aiga ina ia auauna atu i se misiona, sa folafola atu ia Thomas B. Marsh le tele o faamanuiaga mo osigataulaga sa ia faia e auauna atu ai (tagai i le Mataupu Faavae ma Feagaiga 31:2, 5, 7).
Faatasi ai ma Uso Marsh, e toatele na mauaina faamanuiaga a o latou saili e faatulaga le Ekalesia toefuataiina a le Alii i le lalolagi atoa. O se tasi o faataitaiga o Johann ma Theresia Huber, o e sa fesoasoani e faatulaga le Ekalesia i Auseteria i le popofou o le vaitau o le 1900.
Faatuatua i le Feagai ai ma Puapuaga
Ina ua papatiso le aiga o Huber i le Ekalesia ma tuua le Katoliko, o le ekalesia toatele lea i Auseteria, sa tulai mai ni faafitauli faaagafesootai ma faaletulafono. Ina ua iloa e tagata e le auai le fanau a Huber i le tautau atu, sa latou faamatauina i latou e aveese tamaiti i o latou fale. Sa fai atu isi ia Theresia e tuua Johann.
Faamanuiaga ma Avanoa Fou
Ina ua maea le Taua Muamua a le Lalolagi, na soloia tapu faalelotu sa i ai muamua, ma mafai ai e tagata ona faatinoina ma le saoloto lo latou faatuatua. Sa leoleoina pea e le Alii le aiga o Huber a o faaauau ona latou faasoa atu le talalelei, ma e lei umi ae amata ona feiloai se paranesi laitiiti i le fale o le au Huber. Na valaauina Johann e avea ma peresitene muamua o le paranesi i Auseteria. Sa ia auauna atu mo le 25 tausaga.1
Talanoaga
Na faapefea ona faamanuiaina oe ma lou aiga e le Alii a o e auauna atu ia te Ia?