Ainikien Armej ro Rekwojarjar ilo Raan Ko Āliktata

Irooj Ekar Dāpij Wōt Kallim̧ur eo An.

Jān Jose Luis Scotland Palomino, Esmeraldas, Ecuador

N̄an baam̧le eo aō im n̄a, kōjeraam̧m̧an ko an Irooj rekar itok ālkin aō kar pokake.

Ruo allon̄ ālikin aō kar kūr āinwōt juon rikapilōklōk ilo ippān stake būreejtōnji eo am, ekar jako jerbal eo aō. Ikar inepata kōn elmen aō nej kabwe aikuj ko an kōrā eo ippa im ajri ro nejimro.

Ilo aō bar kabbok juon jerbal kāāl, ikar leļo̧k aō n̄an kūr eo aō, eo ekar letok juon iien em̧m̧an n̄an jerbal ippān ro jeiū im jatū. Ilo m̧ool, ikar jino poub ilo kūr eo aō jon̄an kōrā eo ippa ekar awol elan̄e ewōr remaron̄ jipan̄ ilo jet iaan jerbal ko aō.

Juon bon̄ ewōt m̧okta jān nokon in jota, ekar riin̄ telephone eo. Juon brother ekar lukkuun nan̄inmej ilo stake eo am ekar aikuj juon kōjeraam̧m̧an, im kar kajjitōk ippa n̄an etal im loļo̧k. Ilo juon iien emōkaj, ikar kōm̧m̧ane bwe juon mōtta en itok ippa.

Ke kōm kar tōparļo̧k, ekar m̧ōkaj aō kile brother eo enan̄inmej im kar kam̧m̧oolol bwe ekar calltok. Jejjo̧ raan m̧oktaļo̧k, ekar intōpiu ippān n̄an juon kūr ilo stake. Ālkin am kar kapiti im kōjeraam̧m̧an, jekar ba n̄ane ke jenaaj bar rool ļo̧k n̄an lale ejet an pād.

Ekar rum̧ij aō tōparļo̧k m̧weeo bwe itutu, ak ekar wōr jidik iien n̄an am kōm̧m̧ane juon nokon in jota ekadu. Jekar kālet n̄an aloje juon pija kōn Ilaisha im kōra ippān Zarephath.

Ke kōrā eo emej leo paleen ekar kōpopo n̄an kōm̧ate m̧ōn̄ā eo āliktata kijen im ļaddik eo nejin, Ilaisha ekar ba, “Kwōn kōṃṃan jān e juon aō kek e dik ṃokta, im bōktok ñan eō, im tokālik kwōn kōṃṃan ñan kwe im ḷadik eo nejiṃ.” Kōn an pokake, “Pilawā amej eo e [jāmin] dikḷọk ilo nien, im e [jāmin] jako oil jān bato eo, ṃae raan eo ñe Jeova ej [jilkinḷọk] wōt ioon āneo” (1 Kiin̄ Ro 17:13–14).

Naan ko an Ilaisha “kōm̧m̧ane jān e juon ao … m̧okta ” kar dipej būruō. Kōn dān in kimjalal ilo meja, ikar ba n̄an kōrā eo ippa, “En̄nin! Mokta, jej aikuj kōm̧m̧ane aolep ta ko Irooj ej kakien, im ālikin kōjeraam̧m̧an enaaj itok.”

Āinwōt an kakūr mool kallm̧ur eo an Ilaisha n̄an kōrā eo emej pāleen, m̧ōn̄ā ko kijed im oil ekar “jab maat” ke ekar ejjeļo̧k aō jerbal. Irooj ekar jeļā kōn apan̄ in jāān, im Ekar kōjeraam̧m̧an kōj. Jibbon eo ālikin nokon in jota eo, kar letok juon aō jerbal.

Ijeļā bwe Irooj ej dāpij kallim̧ur ko An Kōn en̄jake in, tōmak eo aō eļap, āinwōt kam̧oolol eo aō n̄an E.