En Lōn̄ Peran n̄an Jibadekļo̧k

Anij enaaj kōjerbal kōj n̄an kōm̧m̧an oktak elan̄e jenaaj jelmae mijak.

Āinwōt ritōmak ro, ej juon menin aikuj n̄an peran ilo iien kein, ilo iien en̄jake ko ad ilo jerbal in karejar. John (et kein kar ukōti) kar jiton̄e bwe en jerbal in karejar n̄an Peter, juon membōr eo ejanin̄ kar itok n̄an kweiļo̧k ko an ward eo. John ekar mijak in etal ippān Peter, kōnke ejan̄in kar ioon e im ejaje kōn bwebwenatoin. Akō ilo an kemeemej ko̧o̧njel eo n̄an “iakwe, kwaļo̧k, im karwainene,” John ekar jar kōn tōl im mootļo̧k ilo an jino mōtta ippen Peter. Ekar bōk an iien jeļā kajjeen Peter, ilo an ekut an loļo̧k, call ļo̧k, im jejjo iien etal n̄an m̧ōn̄ā jibbon̄ jokani. John ekar eddōkļo̧k ilo an jeļā kajjeen Peter, im Peter ekar lōke mōttā eo aerro. N̄e ej aikuj jipan̄, ekar juon men n̄an jibadekļo̧k John, eo ekar m̧ōņōņō n̄an uwaak.

Juon raan, John ekar en̄jake bwe bōlen Peter ej pojak kōn juon karuwainene n̄an rool tok n̄an jar. Juon iaan iien loļo̧k ko, ekar bōk lon̄tak idea eo āinwōt ne ejjeļo̧k men eo. Peter ekar bōjrak. “Ijanin bar jar ium̧win 17 iiō,” ekar ba. “Ak kwojeļā, ij ļōmņak imaron̄.” Ke Peter ekar itok n̄an ward eo, John ekar pād ijo n̄an karuwainene e im jijjōt ippān. John ekar en̄jake m̧ōņōņō ekar maron̄ joļo̧k mijak eo an. Kōn kijejeto, em̧m̧aan rein rekar jino mōttā me ekar kōjeraam̧m̧an mour ko aer.

Bōk Peran Ekāāl

Bwebwenato in Ester ilo Kallim̧ur M̧okta (lale Ester 1–10) ej katakin elōn̄ katak ko ak ekkā jeļā kar āinwōt bwebwenato in peran. Ester ekar juon riju kōrā em̧m̧an dettan ke kar kāālete āinwōt lerooj im kar kwaļo̧k eļap peran ke ekar kajekdoon mour eo an n̄an kōjpārok armej ro an.

Kōn riab, kiin̄ eo kar kabwebweik n̄an jeki juon leta bwe aolep Riju ilo aelōn̄ eo ren mane er. Ester ekar ļōmņak kōn juon karōk emenin aikuj n̄an wōr tōmak im bōlen enij kar edde eo iien n̄an ukōte ļōmņak eo an kiin̄ eo.

Ilo iminene in m̧anit eo an, n̄an kepaak kiin̄ eo ilo ejjeļo̧k karuwainene emaron̄ bokļo̧k n̄an mej. Ak ekar wōnm̧aanļo̧k ilo peran kōn karōk eo an im kajjitōk ippān armej ro an n̄an jitļo̧k ippān (lale Esther 4:16). Kōn makūtkūt in peran eo an im makūtkūt an ro jet, ekar maron̄ ba n̄an kiin̄ eo n̄an joļo̧k leta eo an. Jar ko an Ester im armej ro an ekar uwaak.

Jemaron̄ reiļo̧k n̄an Ester āinwōt juon waanjon̄ak in peran, aaet ilo jerbal in karejar, ilo ad likūt mijak ko ad n̄an jeļā kajjeen juon armej im jipan̄ ilo apan̄ ko aer.

Pedped in Katak ko n̄an Ļōmņak kaki

Ta eo jemaron̄ kōm̧m̧ane eļan̄n̄e jej loe kōj namojin ta eo jemenene kake n̄e jerbal in karejar?

John ekar jar kōn tōl an Anij. Kōn jipan̄ eo an Anij, jemaron̄ anjo̧ ioon mijak (lale Sam Ko 34:4).
Jemaron̄ barāinwōt jar n̄an en̄jake iakwe eo an Irooj n̄an ro jet. “Yokwe weeppān ej joḷọk lōḷñọñ” (1 Jon 4:18).
Āinwōt Ester, jemaron̄ kōjerbal jitļo̧k im jar n̄an kōkajoor tōmak ko ad n̄an jerbal (lale Ester 4:3).
Jemaron̄ lōke bwe ewōr kajoor ilo kōjparok bujen ko (lale Katak im Bujen Ko 110:9). Mour kōn bujen ko ad ekōm̧m̧an bwe n̄an bōk jipan̄.
Jemaron̄ kōkajoor tōmak ko ad ilo jitļo̧k im bōk ilo būrueer kallim̧ur ko an Irooj n̄an kōj Lale kallim̧ur kein ilo eoon kein: Duteronomi 31:6; Aiseia 41:10; 2 Timote 1:7; Katak im Bujen Ko 6:33.

Ta Eo Jemaron̄ Kōm̧m̧ane?

En lōn̄ peran n̄an jibadekļo̧k Men̄e ej n̄an jeļā kajjeen juon armej ak n̄an karuwainene er n̄an kōm̧m̧an juon men bwe kōjeraam̧m̧an mour eo aer, Anij enaaj jipan̄ eok.