Kom̧ Naaj Anemkwōj
Jisōs Kraist ej meram eo jej aikuj kotak lōn̄ļo̧k men̄e ilo iien ko remarok ilo mour in ad.
Ro jeiū im jatū rejitōnbūro, ij lukkuun m̧ōņōņō n̄an kōnono n̄an kom̧ jān Africa. Ej juon kōjeraaṃṃan bwe ewōr technology rainin im n̄an kōjerbale ilo wāween eo em̧m̧antata n̄an kom̧ ijoko kom̧ij pād ie.
Ilo Jeptōm̧ba 2019, Sister Mutomba im n̄a, ke kom̧ro ej jerbal in tōl ilo Maryland Baltimore Mission, ekar wōr iien em̧m̧an n̄an loļo̧k jet jikin bwebwenato in Kabun̄ in ilo Palmyra, New York, ke kom̧ij pād ilo kweilo̧k an an ritōl ro an mijen. Kom̧ro kar kōjeṃḷọk loļo̧k eo ammim n̄an Bukwin Wōjke Eo Ekwojarjar. Kōttōbar eo ammim n̄an lolo̧k Bukwin Wōjke Eo Ekwojarjar ekar jab n̄an bōk menin kabwilōn̄lōn̄ ko rejenolo̧k ak juon visōn, ak kom̧ro ekar en̄jake an Anij pād ilo jikin in ekwojarjar. Būruōm̧ ekar obrak kōn kam̧m̧oolol kōn Rikanaan Josep Smith.
Ke kom̧ro ej ro̧o̧l, Sister Mutombo ekar kile ke elap aō ettōn̄dikdik ke ij kattōr, innām ekar ba, “Ta ne ekam̧ōņōņōik eok?
Iaar ba, “Nathalie, m̧ool eo aolep iien enaaj wōt anjọ ioon bōd, im marok eban wōnm̧aanļo̧k wōt ioon laļ in kōn wōt kar Jepļaaktok in gospel eo an Jisōs Kraist.”
Anij Jemed im Jisōs Kraist rekar loļo̧k Josep Smith n̄an kōro̧o̧ltok meram eo ekar jako, innām jekar bōk “jeļāļo̧kjeņ kōn men ko, … āinwōt aer kar waļo̧k, im āinwōt aer naaj [waļo̧k]” (Katak im Bujen Ko 93:24).
Ālkin ilōn̄in ļo̧k 200 iiō ko, elōn̄ rekar wōt kappukot m̧ool ko reaikuji n̄an erom̧ jet iaan anemkwoj eo kōn m̧wiļ im riab ko me rikapo eo ej kajedeede ipaļaakin laļ in. Elōn̄ raar “pilo jān m̧oņ ko rettino an armej raņ” (Katak im Bujen Ko 123:12). Ilo naan ko an n̄an riEpesōs, Paul ekar ba: “Kwōn ruj, kwe eo kwoj kiki, im jerkak jān ro re mej, im Kraist enaaj rome eok” (Epesōs 5:14). Rilo̧mo̧o̧r eo ekar kallim̧ur bwe E enaaj jipan̄ ineek eddo ko an aolep ro rej itok n̄an E (lale 2 Nipai 10:14).
Jiln̄uul-ḷalem iiō ko rem̧otļo̧k, jinō im jema rekar bar pilo im rekar lukkuun kōņaan kappukot n̄an jeļā m̧ool eo im rekar inepata kōn ia eo renaaj loe. Mama im baba rekar jimo̧r ļo̧tak ilo bukwōn, ijo m̧anit an kajjojo’ ekar lukkuun tōt okraņ ilo mour ko an baam̧le ko. Rekar jimo̧r etal jān bukwōn eo ke raar dik im kar itok n̄an jikin ko, n̄an pukōt em̧m̧anļo̧k in mour.
Rekar m̧are im kar jino baam̧le eo aer ilo juon wāween eo em̧m̧an. Enan̄in kar ralitōk armej ilo em̧ jidikdik eo—m̧am̧a im baba, sister ro aō ruo im n̄a, im juōn rilikum̧ eo ekkā an pād ippām̧im. Ikar ļōmņak n̄e jān kar mo̧o̧l in baam̧le, āinwōt ke jekar jab mālim in kōjota ilo juōn wōt tebōļ ippān m̧am̧a im baba. Ikar ļōmņak n̄e kōmij lukkuun juon baam̧le, āinwōt ekar jab mālim am̧ kōjota ilo juon wōt tabōļ eo wōt ippān m̧am̧a im baba. N̄e baba ej ro̧o̧ltok jān jikin jerbal, ilo iien eo wōt ej deļon̄ tok m̧weo, rekar ba bwe kōmin diwōj im etal n̄an nam̧ōj. Ekadu iien ammim kiki, kōm ban kiki bwe ejabwe lukkuun iakwe ilo mour in pālele eo an m̧am̧a im baba. Mweeo m̧ōm̧mim edik, ekar juon jikin emarok. Mokta jen ammim ioon mijenede ro, kōm kar pād ilo elōn̄ kabun̄ ko reoktak aolep Jabōt. Ekar lukkuun alikkar bwe m̧am̧a im baba rekar pukōt men eo ļal in ejjab maron̄ letok.
Menin ekkar wōnm̧aaļo̧k wōt m̧ae iien eo Elder im Sister Hutchings, mijenede ripālele ro rerūtto rekar kūr n̄an jerbal ilo Zaire (e bun̄bun̄ rainin kōn DR ak Congo ak Congo-Kinshasa). Ke kōm eaar jino bwebwenato ippān mijenede rein rem̧m̧an, kōm eaar āinwōt enjeļ ro me rekar itok jān Anij, iaar lo bwe ejino oktaļo̧k baam̧le eo aō. Ālkin aō kar peptaij, kōm kar lukkuun jino eddōkļo̧k ilo juon mour ekāāl kōn wōt kar jepļaaktok eo an gospel in. Naan ko an Kraist rekar jino lapļo̧k ilo ad. Rekar jino kōmeramļo̧k am̧ meļeļe im kar jino kaijoļjoļ n̄an kōm, ke kōm̧ eaar bōk m̧ool rekar kam̧ōņōņō kōm kar lo merem eo, im meram in ekar meramļo̧k im meramļo̧k kajjojo raan.
Jeļa in etke gospel in ekar jipan̄ kōm erom̧ eļapļo̧k āinwōt Rilo̧mo̧o̧r. Kilep in mweo̧ imōmim ekar jab oktak, bar wāween am̧ iaio̧. Ak ikar kam̧oole juon oktak in bōro ilo jinō im jema ilo am̧ kar jar kajjojo raan, jibbon̄ im jota. Kōm kar katak kōn Bok in Mormon; kōm̧m̧ani nokon in jota an baam̧le; Jeluukuun kiiō erom̧ juon baamļe ilo m̧ool. Aolep Jabōt kōmij ruj in 6:00 awa jibbon̄, im kōppopo in etal im jar, im kōm kar maron̄ etal elōn̄ awa ko n̄an pād ilo kweilo̧k ko an Kabun̄ aolep wiik ilo ejjeļo̧k eļļotaan. Ekar juon iien em̧m̧an n̄an kam̧ool e. Kōm, ro raar pād ilo marok, kar joļo̧k marok jān kōm (lale Katak im Bujen Ko 50:25) im lo “meram eļap” (2 Nipai 19:2).
Ij keememej juon raan ke iaar jab maron̄ ruj in jimarok n̄an nokon in jibbōn an baam̧le, ikar eļļotaan n̄an sister eo aō, “Ejjeļo̧k men en em̧m̧an ļo̧k jej kōm̧m̧ane ilo mweō jān, jar wōt, jar, jar.” Jema ekar ron̄ n̄aan ko aō. Ij keememej paaktokin ke ej lukkuun iakwe im lukkuun katakin eō “Toon wōt am̧ pād ilo m̧wiin, kwonaaj jar, jar, jar.”
N̄aan ko an jema ekar pād ilo aolepān mour eo aō. Kwojeļā ta eo Sister Mutomba im n̄a kōmij kōm̧m̧ane n̄an ajri ro nejimro rainin? Kōmij jar, jar, im jar. En̄in ej imminene eo ammim.
Juon armej eo ekar ļotak tok im pilo im Jisōs Kraist ekar kōmouri, ālkin kajjirere kake jān ro riturin im Parisi ro, rekar ba:
“Armej etan Jisōs eaar iiōk bwidej, im kōkapit meja, im ba n̄an eō, Kwōn ilo̧k n̄an Siloam, im kwaļe; innām iar ilo̧k im kwaļe, im loļo̧kjeņ. …
“… Juon men [in] I jeļā, I kar pilo, kiiō ij[maron̄]” (Jon 9:11, 25).
Jekar bar pilo im kiiō jemaron̄ loļo̧kjeņ. Jepļaaktok eo an gospel eo ekar ukōt mour eo an baamļe eo aō jān iien eo. Meļeļe kōn etke gospel eo ekar kōjeraam̧m̧ane jilu epepen ilo baam̧le eo aō im enaaj wōnm̧aanļo̧k wōt ilo epepen kane rej itok.
Jisōs Kraist ej meram eo ej romaak ilo marok. Eō ej ļoor E “jāmin etal ilo marok, a enaaj an meram in mour” (Jon 8:12).
Enan̄in kar juon iiō kōtaan 2016 im 2017, armej ro ilo laļ en an Kasai raar ioon juon jerata eļap. Ekar juōn iien eo eļap an marok n̄an armej ro kōnke aitwerōk ikōtaan doudul in armej kōn m̧anit im kajoor an kien. Jorrāān eaar ajedeed jān jikin ko ilo Kasai Central Province n̄an aolepen Kasai en. Elōn̄ armej rekar ko jen m̧ōko m̧weer n̄an jokwe im kitileek ilo mar ko. Ekar ejjeḷọk kijed m̧ōn̄ā im nim̧edr dān ak aolep men, im ilubwiljin armej rein rekar jejo̧ iaan membōr ro an Kabun̄ eo an Jisōs Kraist im Armej ro Rekwojarjar ilo Raan Ko Āliktata ilo eria eo an Kananga. Jet iaan membōr ro an Kabun̄ in rekar mej jen ritariņa ro.
Brother Honoré Mulumba jān Nganza Ward ilo Kananga im baam̧le eo an rekar bar jet ian armej ro rekar pād wōt ilo aer kitileek ilo m̧oko m̧weer, jab jeļā ia eo renaaj etal n̄an e kōnke aolep iaḷ ko emōj aer kilōk. Juon raan jet ritariņae em̧m̧aan ro rekar kile Brother Mulumba im baam̧le eo an, ilo juon joteen rekar diwōjļo̧k im kajjieon̄ kapok vegetable ko ilo jikin kallib eo an baam̧le n̄an m̧ōn̄ā. Juon kumi in ritariņae aar itok n̄an m̧weeo im̧weer im innām kar kadiwōjļo̧k er im ba n̄an er n̄an ļoor imminene ko an ritariņae ro aer ak maron̄ mej.
Brother Mulumba ekar peran im ba ļo̧k n̄an er, “N̄a ij juōn membōr ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata. N̄a im baam̧le eo aō em̧ōj am kar bōk Jisōs Kraist im kōm̧ij tōmak ilo E. Tōmak ko am̧ enaaj pedped wōt ilo bujen ko im naaj pojak in mej.”
Rekar ba ļo̧k n̄an er, “Kiiō ke emōj ami kāālet Jisōs Kraist, ānbwinimi kidu kan renaaj kan̄n̄i,” im rekar kallim̧ur bwe renaaj bar ro̧o̧l tok. Bōtaab rekar jab bar ro̧o̧l tok, im baam̧le in rekar pād wōt ijōn iuwmin ruo allōn̄ im rekar jab bar lo er. Brother Mulumba im baam̧le eo an rekar dāpij wōt meram in tōmak eo aer. Rekar keememej bujen ko aer im kar joor jān jorrāān.
Jisōs Kraist ej meram eo jej aikuj kotak lōn̄ļo̧k men̄e ilo iien ko remarok ilo mour in ad (lale 3 Nipai 18:24). N̄e jej kāālet n̄an ļoore Kraist, jej kāālet n̄an oktak! Juon em̧m̧aan ak kōrā ej oktak n̄an Kraist enaaj kapen jān Kraist, im jenaj kajjitōk, āinwōt an kar Paul kar kōm̧m̧ane, “Irooj, ta eo inaaj kōm̧m̧ane?” (Jerbal 9:6). Jenaaj “ļoor bun̄tōn neen” (1 Piter 2:21). Jenaaj “etetal, āinwōt Ear etetal” (1 Jon 2:6). (lale Ezra Taft Benson, “Lotak jān Irooj,” Tambuli, Oct. 1989, 2, 6.)
Ij kaṃool bwe E eo ekar mej, ekar kallib, im bar jerkak ilo raan eo kein kajilu im ekar walļōnļo̧k nan lan̄ bwe kwe im n̄a jān maron̄ bōk kōjeraaṃṃan ko an jab wabanban im mour ijo eutiejtata. E ej “meram eo, … mour eo, im m̧ool eo” (Ether 4:12). E ej uwaak eo im un n̄an pok ko an laļ in. E ej jon̄ak eo em̧m̧antata an mour ijo eutiejtata, aaet Jisōs Kraist. Ilo etan Jisōs Kraist, amen.