“Ikar Baj Wōt Kotak Eok,” Liaona, Juļae/O̧k. 2022.
Ainikien Armej ro Rekwojarjar ilo Raan Ko Āliktata
Ikar Baj Wōt Kotak Eok
En̄jake eo ekajoor ekar itok ioō ekar lukkuun kajoor jon̄an ikar wōtlo̧k n̄an bukien neeō.
Ke ej jilu aō iiō im ikar jab kōņaan etal jān aujpitōļ, ijo ro jinō im jema rekar pād im kōkm̧anm̧an aer mour ālkin kar aer pād ilo juon itaak in wa.
Photograph courtesy of the author; photograph corners form Getty Images
Ikar en̄taan ilo elōn̄ iiō ko kōn metak im inepata kōn juon itaak ilo wa ippān jinō im jema im n̄a ke ekar jilu aō iiō. Ļaddik eo jatū ejan̄in kar ļōtak ekar jab mour.
Ilo kar 25 iiō in kemeemej joreen eo, ikar bar keememej ļo̧k. Jet allōn̄ tokālik, iļakkar baj en̄taan wōt ke juon m̧ōtta ekar ba in oktak n̄an Jema Ilan̄. Ikar ettōn̄ im ikar kajjitōk, “Enaaj kōm̧m̧ane ta n̄an n̄a?”
En̄taan eo aō ekar wōnm̧aanļo̧k. Ālikin bar juon iiō im ruo, ikar m̧ōk in metak im metak eo aō ekar oktak n̄an illu. Ikar bōke rōjan̄ eo an eo m̧ōtta im jino oktak n̄an Anij.
“Ne kwoj lukkuun ped ijin, jilkintok juon—jabdewōt,” ikar jar. “Ij aikuji juon!”
Raan eo ekar itok im bar etal ilo aō kar jutak ilo iaļ in kōjem eo aō, kōtar kōn ejjeļo̧k kōjatdikdik.
“Lale, Anij, ejjeļo̧k ej kea!” Iaar ba. “Ejjeļo̧k rekar itok!”
Ilo an dān in kōmjaļaaļ wanlaltak jen meja, ikar jidik jidik deļo̧n̄ m̧wem̧ō im kiļōke kōjem eo. Ikar walōn̄ļak ilo jikinwe ko en̄jake ebweer. Ak ke ikar ped ilo lōn̄ in jikinkwe ko, juon en̄jake ekajoor ekar itok ioō. Ekar lukkuun kajoor jon̄an ikar wōtlo̧k n̄an bukien neeō.
Innem ļōmņak in ekar itok n̄an kōlmenļo̧kjeņ e aō: “ReNae, ikar baj wōt kotak eok.”
Jemedwōj Ilan̄ ekar jilkintok ļōmņak in ekajoor n̄an n̄a ilo wāween eo ejouj iien eo eļap aō aikuji. Ikar jeļā bwe E ej iakwe n̄a im bwe E ej jeļā wōn n̄a. Eaar lukkuun iakwe eō jon̄an ekar letok n̄an n̄an anemkwoj ilo mour in. Eban booje n̄a ak jabdewōt n̄an ļoor E, ak E im Nejin rej karuwainene kōj n̄an itok n̄an Er (lale Matu 11:28–30).
Jān raan eo, ikar jeļā bwe imaron̄ pedped ioon E. Mour in aō em̧m̧anļo̧k kiiō kōnke ikar niknik n̄an ļoore E im ron̄jak E aolep raan. Ilo an Jemedwōj Ilan̄ im Jisōs Kraist kōtļo̧k bwe in en̄jake metak, Rej barāinwōt letok aenōm̧m̧an, meļeļe, kajoor, im peran bwe in ekkatak jān kōm̧m̧ani men ko reppen. En̄jake metak ej jipan̄ n̄a meļeļe im jipan̄ ro jet rej en̄taan.
Jemaron̄ jab lukkuun jeļā kōn ta ko ro jet rej jelm̧ae, ak jemaron̄ kwaļo̧k ad iakwe n̄an ro ipelaakid. Ij kam̧oolol bwe ijeļā bwe Jemedwōj Ilan̄ ej iakwe n̄a im ron̄jake n̄a n̄e ij kūr n̄an E.