Ho an’ny ray aman-dreny

Miresaka an’i Kristy isika

Placeholder credit line

Ry ray aman-dreny malala,

Nampianatra ny olony i Nefia fa tena ilaina ny mametraka ny Tompo ho lohalaharana eo amin’ny fiainantsika. Nanoratra izy hoe: “Ary miresaka an’i Kristy isika, mifaly amin’i Kristy, mitory an’i Kristy, maminany ny amin’i Kristy, ary manoratra araka ny faminaniantsika mba hahafantaran’ny zanatsika ny loharano azony andrandraina ho famelana ny fahotany” (2 Nefia 25:26). Azonao atao ny mamerina mijery ireto lahatsoratra manaraka ireto miaraka amin’ny fianakavianao mba hampitodika azy ireo sy ny olon-kafa tianao ho amin’ny filazantsaran’i Jesoa Kristy, sy ho amin’ny fitarihany, ary ho amin’ireo fitsipika feno fahendrena izay hanampy antsika hikatsaka Azy ao anatin’ny tontolo iray misafotofoto sy maoderina.

Fifanakalozan-kevitra momba ny filazantsara

Natao ho an’ny rehetra ny filazantsaran’i Jesoa Kristy

Mila ny fanantenana sy ny fanavotana omen’ny filazantsara sy ny Sorompanavotan’i Jesoa Kristy ny olon-drehetra. Iaraho midinika amin’ny fianakavianao ny fampianarana sasantsasany avy amin’ny lahatsoratry ny Loholona Jeffrey R. Holland mikasika ny fomba ahafahanao mitia sy mizara ary manasa olona iray handray sy hiaina ny filazantsaran’i Jesoa Kristy (jereo ny pejy 4).

Fitsipika feno fahendrena ho an’ny fampiasana ny haino vaky jery

Ny teknôlôjia sy ny haino vaky jery dia fitaovana manampy tokoa rehefa ampiasaina araka ny tokony ho izy. Avereno jerena ireo fitsipika arahina sasany ao amin’ny pejy 22 ary ifanakalozy hevitra ny fenitry ny fianakavianao momba ny fampiasana ny haino vaky jery. Ampiasao “fanontaniana hosaintsainina,” ka eritrereto ny zavatra izay mizotra tsara sy izay azo hatsaraina.

Manaraka ny Mpamonjy amim-pinoana

Ao amin’ny lahatsorany ao amin’ny pejy 40, ny Loholona Benjamin M. Z. Tai dia mizara fomba efatra anampian’ny Mpamonjy antsika. Rehefa avy mamerina mijery an’ireo miaraka amin’ny fianakavianao ianao dia resaho ny fomba nanampiana anao rehefa nanaraka ny Mpamonjy tamim-pinoana ianao.

Sahanasa mampiala voly ny fianakaviana ao amin’ny Avia, hanaraka Ahy

Mahita an’i Kristy ao amin’ny zava-drehetra

2 Nefia 11:4

Tian’i Nefia hino an’i Jesoa Kristy ny vahoakany ary hahita fa ny lalàn’i Mosesy dia nampitodika azy ireo tany amin’ny Mpamonjy. Nampianatra izy hoe: “Ary ny zavatra rehetra izay efa nomen’ Andriamanitra ny olona hatry ny fiandohan’izao tontolo izao dia tandindony.”

Ny zavaboarin’ Andriamanitra dia afaka mampitodika antsika any amin’i Jesoa Kristy raha toa ka mifikitra mafy Aminy ny fifantohantsika. Tia nampianatra ny olony momba an’i Jesoa Kristy sy ny fomba nampitodian’ny lalàn’i Mosesy azy ireo tany Aminy i Nefia.

Fifanakalozan-kevitra: Amin’ny fomba ahoana no maha tandindon’i Kristy an’ireo tandindona maoderina momba ny Paska?

Ohatra—Atody: tandindon’ny fiainam-baovao. Mampahatsiahy antsika ny fiainam-baovao amin’ny alalan’ny fitsanganana amin’ny maty. Ambonin’izany, rehefa vaky ka misokatra, dia mety ho toy ny fasana foana, tandindon’ny fasan’i Kristy.

Zanak’ondry:

Lisy na voninkazo:

Inona koa ireo fombafomba hafa mahazatra amin’ny Paska ananan’ny fianakavianao izay maneho an’i Kristy?

Nalefan’i Becca Aylworth Wright

Nalaina tao amin’ny gazetiboky Ho zatovo mahery! 

Ny laharana amin’ity volana ity dia laharana manokana mitondra ny lohahevitra hoe “Jesoa Kristy no maha Zatovo mahery.”

Vakio ny hafatra avy amin’ny Loholona Jeffrey R. Holland mikasika ny fomba ahafahan’ny zatovo tsirairay mahazo hery ao amin’i Jesoa Kristy.

Mitadiava lahatsoratra mikasika ny fomba ampaherezan’ny Mpamonjy antsika hanohitra ny adin-tsaina, ny alahelo, ny fahotana, ny henatra, ny fahalemena, ny fanaon’izao tontolo izao, sy ny tebiteby, ary koa ireo lahatsoratra mikasika ny fomba ampaherezany antsika hanompo sy hiomana ary hiova.

Ankafizo ny peta-drindrina manentana ny fanahy sy ny sarin’ny Mpamonjy.

Nalaina tao amin’ny gazetiboky Namana

Arahabaina nahatratra ny Paska!

Mitadiava tantara sy fiaraha-mientana hanampiana ny fianakavianao hanana Paska manan-danja sy mifantoka amin’i Kristy.

Vonona ho amin’ny fihaonamben’ny Fiangonana maneran-tany

Faly ve ianao hijery ny fihaonambe amin’ny volana manaraka? Ny Namana amin’ity volana ity dia manana sahanasa ho an’ny zanakao eo am-pihainoan’izy ireo.

Mitoetra ho lavitry ny loza rehefa an-jotra

Mamakia tantara iray momba ny ankizivavy iray izay nahatsapa ny Fanahy Masina nitaona azy mba tsy hijery horonan-tsary ratsy. Afaka mahita loharanom-pitaovana bebe kokoa momba ny fiarovana amin’ny haino vaky jery ianao ao amin’ny Friend.ChurchofJesusChrist.org.

Mianara avy amin’ny Bokin’i Môrmôna

Mitadiava fiaraha-mientana fanao isan-kerinandro, tantara ao amin’ny soratra masina aseho an-tsary ary misimisy kokoa mba hanampiana amin’ny fanaovana ny fanandalinan’ny mpianakavy soratra masina ho mahafinaritra.