“Inona no fahamarinana ampianarin’ny 1 Nefia sy ny 2 Nefia antsika momba an’i Jesoa Kristy?,” Liahona, mar. 2024.
Avia, hanaraka Ahy
Inona no fahamarinana ampianarin’ny 1 Nefia sy ny 2 Nefia antsika momba an’i Jesoa Kristy?
Teo am-pamaranana ny asa sorany i Nefia dia nilaza hoe: “Ary raha mino an’ i Kristy ianareo dia hino ireto teny ireto, satria tenin’i Kristy ireo” (2 Nefia 33:10). Fahamarinana maro momba ny toetran’ny Mpamonjy sy ny fiainany ary ny Sorompanavotana no hita ao amin’ny zavatra nianarantsika tao amin’ny Bokin’i Môrmôna hatreto tamin’ity taona ity.
Come unto Me [Mankanesa atỳ amiko], nataon’i Eva Timothy
Toetran’i Kristy
-
Feno faharetana sy lemim-panahy ary faharipo Izy (jereo ny 1 Nefia 19:9).
-
Hahatsiaro antsika mandrakariva Izy (jereo ny 1 Nefia 21:14–16).
-
Manasa ny olona rehetra hanatona Azy Izy (jereo ny 2 Nefia 26: 24, 33).
Light and Truth [Fahazavana sy Fahamarinana], nataon’i Simon Dewey
Ny asa fanompoan’i Kristy
-
Nampianatra ny filazantsarany sy nanasitrana ny marary Izy (jereo ny 1 Nefia 11:24, 27–31).
-
Naneho ohatra momba ny fankatoavana tamin’ny fanaovana batisa Azy Izy (jereo ny 1 Nefia 10:9; 2 Nefia 31:7–12).
-
Nohomboana tamin’ny hazo fijaliana Izy, napetraka tao am-pasana ary namangy ny Nefita taorian’ny Fitsanganany tamin’ny maty (jereo ny 1 Nefia 19:10–11; 2 Nefia 26:1).
The Crucificion [Ny fanomboana an’i Kristy], tsy fantatra ny mpanao hoso-doko nanao azy.
Ny Sorompanavotan’i Kristy
-
Nanavotra antsika tamin’ny alalan’ny sorona nataony Izy (jereo ny 2 Nefia 2:6–7).
-
Nanatanteraka “ny sorompanavotana tsisy fetra” izay mandresy ny fahafatesana ara-batana sy ara-panahy Izy (2 Nefia 9:5–22).
-
Afaka manome hery antsika Izy rehefa manam-pinoana Azy isika ary misafidy ny hibebaka (jereo ny 2 Nefia 31:13).