Faamoemoega—Pe Aisea

Fausia le Faatuatua ma le Faalolotoina o le Liua

Na aoao mai i tatou e lo tatou perofeta, o Russell M. Nelson, e faapea “I aso a sau, o le a le mafai ona ola ai faaleagaga e aunoa ma le taiala, taitaiga, faamafanafanaga, ma le faatosinaga faifai pea a le Agaga Paia, “Faaaliga mo le Ekalesia, Faaaliga mo o Tatou Olaga,” Ensign po o le Liahona, Me 2018, 96).

E le mafai ona faamalosia ia aafiaga faaleagaga, ae e mafai e tolauapiga ona fesoasoani e fatufatu ia faatulagaga e ese mai faalavefau o le olaga ia e mafai ona faigofie atu ai mo alii talavou ona lagonaina le Agaga, faateleina lo latou faatuatua ia Keriso, ma tautino atu e mulimuli ia te Ia.

Fuafua gaoioiga e amatalia ai talanoaga po o tulaga o le a fesoasoani i alii talavou ia liua atoatoa i le talalelei a Iesu Keriso. E mafai ona fesoasoani ia faufautua i alii talavou ia latou iloa le Agaga ao latou faasoa atu o latou lava aafiaga ma molimau atu i lona moni. Tuu i alii talavou ia i ai ni a latou taimi paganoa e mafaufau loloto ai, tomanatu ai, ma tusi ia latou api talaaga: o le taimi lea e tele ina aoao mai ai, taiala, ma faamafanafanaina i latou e le Agaga. A o maua e alii talavou ni aafiaga faaleagaga, mafaufau pe faapefea ona e fesoasoani ia i latou ia iloa le mea la e tupu.

Manatua e faateleina le faatuatua ma le liua o se alii talavou na o se toatasi, [o lona uiga] sa manuia lena tolauapiga. Sa auauna atu le Alii ta’itasitasi, ma o tolauapiga taitasi atonu sa faia e fesoasoani ai i le na o le toatasi.

Faalauiloa le Usoga Faaleuso ma le Lotogatasi o le Korama

“Ma sa ia poloaiina i latou ia lē tatau ona i ai se finau o le tasi ma le isi, ae e tatau ona latou tagai i luma ma le mata e tasi, i le faatuatua e tasi ma le papatisoga e tasi, ua fili faatasi o latou loto i le lotogatasi ma le alofa o le tasi i le isi” (Mosaea 18:21).

O tolauapiga e maua ai avanoa e fausia ai le usoga faaleuso ma le lotogatasi o korama. Afai e lagonaina e i latou tou te galulue faatasi le alofa ma le talitonuina, ua agai i luma le galuega a le Alii.

A o outou fuafuaina ia gaoioiga o le tolauapiga, vaavaai mo auala e mafai ai e alii talavou ona galulue faatasi, faataunuuina le galuega faigata o se vaega, siitia faigauo, ma atiina’e le lotonuu i le tasi ma le isi. E mafai e faufautua ona faamalosiauina le taitaiga faaleautalavou ia avea ai le lotogatasi ma faamuamua o gaoioiga taitasi.

Atiina A’e Tomai, Maufetuunai, ma le Tiutetauave

Tomai

“Ma o nei mea uma ua mo le manuia o le ekalesia a le Atua soifua, ina ia mafai e tagata taitoatasi ona faalelei atili ana taleni, ina ia mafai e tagata taitoatasi ona maua ni isi taleni, ioe, e sautuaselau lava” (Mataupu Faavae ma Feagaiga 82:18)

Fuafua gaoioiga e faatele ai ia tomai i mafaufauga‑taua, atiina ae le maufetuunai, ma faamalosi ai le tiutetauave faaletagata lava ia. Mafaufau i gaoioiga e mafai ona aoao atu ai tomai e pei o fesootaiga ma isi, lipea masani o fale ma taavale, fesoasoani muamua, kuka, ma isi mea. E manaomia e alii talavou ona atinae tomai o le a fesoasoani ia i latou e saunia ai mo lo latou lumanai.

Vaavaai ni auala e fesoasoani ai i alii talavou e atiina a’e le mautinoa e ala i le tuuina atu o avanoa e aoao ai ma faataitai ia tomai fou i faatulagaga moni o le olaga. A o latou galulue e atiina a’e ni tomai fou, aoao i latou faapea atonu o le a latou le faaatoatoaina ni tomai fou e aunoa ma le faataitai ma ni taumafaiga tele.

Maufetuunai

“Aisea tatou te manaomia ai se faatuatua le maluelue faapena? Aua foi o loo i luma atu aso faigata. I le lumanai, o le a seasea lava faigofie pe lauiloa le avea ma se tagata faatuatua o le Au Paia o Aso e Gata Ai. O le a tofotofoina i tatou taitoatasi” (Russell M. Nelson, “Faasaga Atu ma le Faatuatua i le Lumanai,,” Ensign po o le Liahona, Me 2011, 35 35 ).

O le maufetuuna’i o “se gafatia e toe maua mai ai pe o le faigofie ona fetuutuunai i luitau patino. Fuafua ia aafiaga e atiinae ai le maufetuunai. E ao i alii talavou ona talitonu ia i latou lava—e mafai ona latou tosinaina ia taunuuga i o latou olaga e ala i faaaliga, taumafaiga, galulue faatasi, “A o atiina a’e e fanau le maufetuuna’i, latou te talitonu vaaiga faalemafaufau, atamai, ma tomai. Faatasi ai ma lenei uiga faaalia, latou te taulai atu ai i mea e mafai ona latou faia nai lo le nopia’i ai i mea e le mafai ona latou puleaina.

A o galulue faatasi alii talavou i tulaga faigata faaletino, latou te atiina a’e le fetuutuunai e galulue ai ma ni ‘aitia eseese ma aoao ai pe faapefea ona toe fiti mai mai toatuga. E oo ina latou maua le lotofaafetai mo faamanuiaga faigofie o le olaga. Latou te atiina a’e se faatuatua malosi lea e mafai ai ona latou agai i luma ma le fesoasoani a le Atua, tusa lava pe feagai ma luitau ogaoga o le olaga.

Tiutetauave

“E le amata e le Atua i le fesili mai e uiga i o tatou gafatia, ae na o lo tatou avanoa, ma afai tatou te faamaonia lo tatou faalagolagoina, o le a ia faateleina lo tatou gafatia” (Neal A. Maxwell, “O Le Auaunaga, E Le o le Tulaga, E Faitaulia,” Ensign, July 1975, 7).

O le tolauapiga ma isi gaoioiga o faatulagaga ia e mafai ai e alii talavou ona aoaoina le tiutetauave e ala i aafiaga moni. E tuputupu ae alii talavou a o latou taliaina le tiutetauave ma faamae’a ia tofitofiga.

Pe a fuafuaina ia gaoioiga, e mafai e faufautua ona fesoasoani e faailoa ia tiutetauave e mafai ona faamatuu atu i alii talavou. E ao i faufautua ona taiala ia au peresitene o korama a o latou faamatuu atu i ai ma tulitatao ia tofitofiga. Tulitatao e taua tele i le tiutetauave faafaiaoga. Fesoasoani i taitai o le autalavou a o latou vaavaai mo avanoa e faaaofia ai alii talavou uma. Faataga alii talavou e taitai.

O le ausiaina o mea faigata e aoao atu ai le tiutetauave faaletagata lava ia. O aafiaga i fafo e maua ai avanoa sili mo alii talavou e faia mea faigata. E fesoasoani taitai o korama ma faufautua o korama i alii talavou ia ausia ia sili atu nai lo le mea sa latou talitonu e mafai, e ala i le ofoina atu o le faamalosiauga, alofa, ma le naunautai i le taimi o le galuega. Aua le aveesea le lu’i; na o le fesoasoani lava ia i latou ia faamanuiaina. Lagolago i latou i tiutetauave fou e fesoasoani ai ia latou tuputupu ae.