Мормоны Номын семинарын суралцагчийн гарын авлага (2024)

Агуулга
Нүүр хуудас
Мормоны Номын семинарын суралцагчийн гарын авлага-ын оршил
Мормоны Ном—Оршил материал
Мормоны Номын удиртгал хэсгүүд
1 Нифай 1–5
1 Нифай 6–10
1 Нифай 11–15
1 Нифай 16–22
2 Нифай 1–2
2 Нифай 3–5
2 Нифай 6–10
2 Нифай 11–19
2 Нифай 20–25
2 Нифай 26–30
2 Нифай 31–33
Иаков 1–4
Иаков 5–7
Инос–Мормоны үгс
Moзая 1–3
Moзая 4–6
Moзая 7–10
Moзая 11–17
Moзая 18–24
Moзая 25–28
Мозая 29–Алма 4
Алма 5–7
Алма 8–12
Алма 13–16
Алма 17–22
Алма 23–29
Алма 30–31
Алма 32–35
Алма 36–38
Алма 39–42
Алма 43–52
Алма 53–63
Хиламан 1–6
Хиламан 7–12
Хиламан 13–16
3 Нифай 1–7
3 Нифай 8–11
3 Нифай 12–16
3 Нифай 17–19
3 Нифай 20–26
3 Нифай 27–4 Нифай 1
Moрмон 1–6
Moрмон 7–9
Ифер 1–5
Ифер 6–11
Ифер 12–15
Moронай 1–6
Moронай 7–9
Моронай 10

Авралын төлөвлөгөө: Тэнгэрлэг Эцэгийн хүүхдүүддээ зориулсан төлөвлөгөө

“Авралын төлөвлөгөө: Тэнгэрлэг Эцэгийн хүүхдүүддээ зориулсан төлөвлөгөө,” Мормоны Номын багшийн гарын авлага (2024)

“Авралын төлөвлөгөө,” Мормоны Номын багшийн гарын авлага

Оршил

Авралын төлөвлөгөө

Тэнгэрлэг Эцэгийн хүүхдүүддээ зориулсан төлөвлөгөө

Зураг

Их зөвлөгөөн

Бидэнд мөнх бус аяллын маань хугацаанд, Би хаанаас ирсэн бэ? Би яагаад энд байгаа вэ? Эндээс би хаашаа явах бол? гэх мэтчилэн амьдралын зорилго, утга учрын тухай асуултууд байнга тулгардаг. Эдгээр асуултын хариуг олж мэдэх нь амьдралын сорилтуудыг даван туулж, Их Эзэний гэрээний зам дээр үлдэхэд тусална. Энэ хичээл танд Тэнгэрлэг Эцэгийн төлөвлөгөөний ач холбогдлыг ойлгож, мэдрэхэд тусална.

Тэнгэрлэг Эцэгийн төлөвлөгөө

Ямар мэдлэггүйгээр та амьдарч чадахгүй байх байсан гэж бодож байна вэ? Яагаад?

Судар, орчин үеийн илчлэлтээр дамжуулан бид мөнх бус амьдралын өмнөх амьдрал, Аврагчийн Цагаатгал, үхлийн дараах амьдрал, бидний мөнх оршихуйн бусад олон элементийн талаар мэдлэг хуримтлуулсан. Энэ мэдлэггүй бол амьдрахад хэцүү. Тэнгэрлэг Эцэгийн төлөвлөгөөний талаар юу мэддэг талаараа бодож үзэхэд цаг гарга. Тэрхүү мэдлэггүй байсан бол таны амьдрал ямар байх тухай тунгаан бодоорой.

Өнөөдөр та нарын мэдэж авсанчлан, Тэнгэрлэг Эцэгийн хүүхдүүддээ зориулсан хайрын төлөвлөгөөний тухай суралцахдаа тусламж авахын тулд Ариун Сүнсний нөхөрлөлийг эрэлхийлээрэй.

Мормоны Ном дахь Тэнгэрлэг Эцэгийн төлөвлөгөө

Мормоны Номд Тэнгэрлэг Эцэгийн төлөвлөгөөний тухай заасан зүйл их байдаг. Ерөнхийлөгч Рассэлл M.Нэлсон ийн хэлсэн. Мормоны Ном бол үнэхээр Бурханы үг гэдгийг би гэрчилж байна. Үүнд амьдралын хамгийн чухал асуултуудын хариултууд бий” (Рассэлл М.Нэлсон, “Мормоны Ном: Үүнгүйгээр таны амьдрал ямар байх байсан бэ?,” Ensign эсвэл 2017 оны 10-р сарын Ерөнхий чуулган, 55). Мормоны Номоос хариултыг нь олох хэдэн асуултыг энд үзүүлэв. Дор хаяж хоёр асуулт сонгоод, асуултад хариулахад туслах хэсгийг судраас уншаарай.

Мормоны Ном мөнх бус амьдралын өмнөх амьдралын тухай юу заадаг вэ? (Алма 12:25, 30; “дэлхийн үүслээс” гэдэг хэлц нь мөнх бус амьдралын өмнөх амьдралыг илэрхийлнэ.)
Тэнгэрлэг Эцэгийн төлөвлөгөөнд Есүс Христ ямар үүрэг гүйцэтгэдэг вэ? (Aлмa 22:12–14)
Амьдралын зорилго юу вэ? (Алма 34:32–33)
Биднийг үхэхэд юу болдог вэ? (Алма 40:11–14, 21–23)
Есүс Христийн Цагаатгал байгаагүй бол юу болох байсан бэ? (2 Нифай 9:6–11)

Зураг

тэмдэглэх шигтгээ зураг

Дараах асуултуудад хариул.

Та уншсан шүлгээсээ ямар үнэнийг эсвэл ямар сургаалыг олж тодорхойлсон бэ?
Шүлгүүдийн ямар үг, хэллэг таны тодорхойлсон үнэн эсвэл сургаалыг зааж байна вэ?

Тэнгэрлэг Эцэгийн төлөвлөгөө ба миний амьдрал

Арван хоёр төлөөлөгчийн чуулгын ерөнхийлөгч М.Рассэлл Баллард бид Тэнгэрлэг Эцэгийн авралын төлөвлөгөөг ойлгох нь бидний амьдралд ямар тустайг тайлбарлажээ. Та “Амьдралын тухай асуулт, хариулт” видеог цагийн код 10:37-оос 12:09 хүртэл үзэж эсвэл дараах бичвэрийг уншиж болно.

Зураг
Ерөнхийлөгч М.Рассэлл Баллард

Мөнх бус хүмүүн бид амьдралыг мөнхийн хэтийн төлөвийн хувьд хязгаартай хардаг. Гэвч хэрэв бид Тэнгэрлэг Эцэгийн төлөвлөгөөг мэддэг мөн ойлгодог бол бэрхшээлд хэрхэн хандах нь бидний соригдох гол арга замуудын нэг болохыг ухамсарладаг. …

Бид мөнхийн аз жаргалынхаа төлөө Тэнгэрлэг Эцэгийн төлөвлөгөөний зарчмыг баримтлан, түүнд төвлөрснөөр дэлхий ертөнцийн ёс бус байдлаас өөрсдийгөө тусгаарлаж чадна. Хэрэв бид өөрсдийгөө хэн бэ, яагаад энэ дэлхий дээр байгаа, мөнх бус амьдралын дараа хаашаа явах вэ гэдгээ баттай ойлговол Сатан ямар ч төрлийн уруу таталтаар бидний аз жаргалд заналхийлж чадахгүй. Хэрэв бид Тэнгэрлэг Эцэгийн төлөвлөгөөний дагуу амьдрахаар шийдсэн бол шийдвэр гаргахдаа бусдын үзэл бодлоос эсвэл дэлхий ертөнцийн өнөөгийн бодол санаанаас үл хамаарах илчлэгдсэн үнэнд тулгуурлах Бурханы өгсөн ёс суртахууны сонгох эрхийг ашиглана. (M. Russell Ballard, “Answers to Life’s Questions,” Ensign эсвэл Liahona, May 1995, 23–24)

Зураг

тэмдэглэх шигтгээ зураг

Дараах асуултуудад хариул.
- Таны амьдралд Тэнгэрлэг Эцэгийн төлөвлөгөөний тухай мэдлэг тань хэрхэн нөлөөлсөн бэ?
- Ямар нөхцөл байдалд Тэнгэрлэг Эцэгийн төлөвлөгөөний тухай мэдлэг тань таны гаргах шийдвэрт нөлөөлж болох вэ?
- Тэнгэрлэг Эцэгийн төлөвлөгөөний тухай мэдлэг амьдралын туршлага, нөхцөл байдлын талаар таны үзэл санаанд хэрхэн нөлөөлөх вэ?

Нэмэлт: Илүү ихийг судлахыг хүсэж байна уу?

Авралын төлөвлөгөө нь яагаад Бурханы хайрын нотолгоо болдог вэ?

Арван хоёр төлөөлөгчийн чуулгын ерөнхийлөгч М.Рассэлл Баллард ийн заасан.

Зураг
Ерөнхийлөгч М.Рассэлл Баллард

Тэнгэрлэг Эцэг биднийг үнэхээр хайрласан тул Тэрээр авралын төлөвлөгөөгөө бэлтгэхдээ Аврагчийг гол хүн болгосон. Есүс биднийг үнэхээр хайрласан тул Тэнгэр дэх агуу зөвлөлийн үеэр Тэнгэрлэг Эцэгийг “Хэнийг илгээх вэ би?” хэмээн асуухад Тэнгэрлэг Эцэгийн бүх сүнсэн хүүхдийн Ууган хүү Есүс Христ “Би энд байна, намайг илгээгтүн” хэмээн хариулсан [Абрахам 3:27]. Тэрээр Эцэгт хандан, “Аав аа, таны таалал хэрэгжих болно, мөн алдар суу үүрд таных байх болно” хэмээн хэлсэн билээ [Mосе 4:2]. Есүс Өөрийн саналаар бидний Аврагч, Гэтэлгэгч болохыг зөвшөөрснөөр бид Тэдэнтэй адил болж, Тэдний оршихуйд эргэн очих боломжтой болсон. (M.Рассэлл Баллард, “Чи Намайг эднээс илүү хайрладаг уу?,” Ensign эсвэл 2021 оны 10-р сарын Ерөнхий чуулган)

Яагаад бидний амьдралд сорилт, бэрхшээл тулгардаг вэ?

Тэргүүн зөвлөлийн ерөнхийлөгч Даллин Х.Өүкс ийн хэлсэн.

Зураг
Ерөнхийлөгч Даллин Х.Өүкс

Биднийг сорих сөрөг талтай хүн бүр нүүр тулж үзсэн билээ. Эдгээрийн зарим нь нүгэлд уруу татах сорилт байдаг. Харин зарим нь хувь хүний нүглээс ангид, мөнх бус байдлын саад бэрхшээл байдаг. Зарим нь асар том байхад зарим нь өчүүхэн жижиг байна. Зарим нь урт хугацааных байхад зарим нь түр зуурынх байдаг. Бидний хэн нь ч энэ бүхнээс чөлөөлөгдөөгүй. Сөрөг тал нь бидэнд Тэнгэрлэг Эцэгийн болоосой хэмээн хүсэж байгаа тэр хүн нь болон өсөж хөгжих боломжийг олгодог. (Даллин Х.Өүкс, “Бүх зүйлд сөрөг тал байх хэрэгтэй,” 2016 оны 4-р сарын Ерөнхий чуулган, 103–106)

Тэнгэрлэг Эцэгийн төлөвлөгөөг мэдэх нь надад хэрхэн туслах вэ?

“Авралын төлөвлөгөө—Бид гэр бүл хэвээр” (4:46) видеонд Авралын төлөвлөгөөний тухай мэдлэг нь гэр бүлийнхээ хэдэн гишүүнийг алдсан залуу эрэгтэйд хүнд сорилтыг даван туулахад нь хэрхэн тусалсныг үзүүлдэг.

Амьдралын зорилго, утга учир юу вэ?

Тэргүүн зөвлөлийн ерөнхийлөгч Даллин Х.Өүкс ийн тайлбарласан.

Зураг
Ерөнхийлөгч Даллин Х.Өүкс

Судруудад “аз жаргалын агуу төлөвлөгөө,” “гэтэлгэлийн төлөвлөгөө,” “авралын төлөвлөгөө” (Алма 42:8, 11, 5) хэмээн нэрлэгддэг энэ төлөвлөгөө нь тэнгэр дэх зөвлөл хуралдахад эхэлсэн тухай Сэргээлтээр илчлэгдсэн. Сүнсний хувьд бид Тэнгэрлэг Эцэг Эхийнхээ адил мөнх амьдралыг хүлээн авахыг хүссэн билээ. Тухайн үед бид бие махбодтой болж мөнх бус оршихуйд амьдрах туршлагагүйгээр өсөж хөгжиж болох дээд түвшиндээ хүрсэн байсан. Бидэнд тэрхүү туршлагыг өгөхөөр Бурхан Эцэг энэ дэлхийг бүтээхээр төлөвлөжээ. Түүний төлөвлөснөөр, дэлхийн амьдралд бид сүнслэг байдлын хувьд өсөж хөгжихөд хэрэгтэй эсэргүүцэлтэй тулгарснаар нүгэл үйлдэн бохирдох байв. Бид мөн бие махбодын үхэлд харьяалагдах байлаа. Тэнгэрлэг Эцэг маань биднийг үхэл, нүглийн савраас суллахын тулд Аврагчийг өгөхөөр төлөвлөсөн байв. Түүний Амилуулалт бүх хүнийг үхлээс гэтэлгэж, цагаатгагч золиос нь бидний өсөлт хөгжилд түлхэц өгөх үүднээс тавьсан нөхцөлийг биелүүлсэн тохиолдолд бүх хүнийг нүглээс цэвэршүүлэх төлөөсийг төлөх байлаа. Есүс Христийн Цагаатгал бол Эцэгийн авралын төлөвлөгөөний гол цөм мөн. (Даллин Х.Өүкс, “Агуу төлөвлөгөө,” 2020 оны 4-р сарын Ерөнхий чуулган, 93)

Тэнгэрлэг Эцэгийн төлөвлөгөөний тоймыг “Амьдралын зорилго, утга учир юу вэ?” (7:43) болон “Бидний мөнхийн амьдрал” (3:46) зэрэг видеог Youtube болон ChurchofJesusChrist.org сайтуудаас тус тус үзээрэй.