Мормоны Номын семинарын суралцагчийн гарын авлага (2024)

Агуулга
Нүүр хуудас
Мормоны Номын семинарын суралцагчийн гарын авлага-ын оршил
Мормоны Ном—Оршил материал
Мормоны Номын удиртгал хэсгүүд
1 Нифай 1–5
1 Нифай 6–10
1 Нифай 11–15
1 Нифай 16–22
2 Нифай 1–2
2 Нифай 3–5
2 Нифай 6–10
2 Нифай 11–19
2 Нифай 20–25
2 Нифай 26–30
2 Нифай 31–33
Иаков 1–4
Иаков 5–7
Инос–Мормоны үгс
Moзая 1–3
Moзая 4–6
Moзая 7–10
Moзая 11–17
Moзая 18–24
Moзая 25–28
Мозая 29–Алма 4
Алма 5–7
Алма 8–12
Алма 13–16
Алма 17–22
Алма 23–29
Алма 30–31
Алма 32–35
Алма 36–38
Алма 39–42
Алма 43–52
Алма 53–63
Хиламан 1–6
Хиламан 7–12
Хиламан 13–16
3 Нифай 1–7
3 Нифай 8–11
3 Нифай 12–16
3 Нифай 17–19
3 Нифай 20–26
3 Нифай 27–4 Нифай 1
Moрмон 1–6
Moрмон 7–9
Ифер 1–5
Ифер 6–11
Ифер 12–15
Moронай 1–6
Moронай 7–9
Моронай 10

Сүнсээр заалгаж суралцах: “Ариун Сүнсний хүчээр”

“Сүнсээр заалгаж суралцах: ‘Ариун Сүнсний хүчээр,’” Мормоны Номын багшийн гарын авлага (2024)

“Сүнсээр заалгаж суралцах,” Мормоны Номын багшийн гарын авлага

Оршил

Сүнсээр заалгаж суралцах

“Ариун Сүнсний хүчээр”

Зураг

Судраас судлах

Мормоны Номд бошиглогчид Ариун Сүнсний үүргийг онцлон тэмдэглэсэн байдаг. Тэнгэрлэг Эцэг, Есүс Христ хоёр танаас Өөрсдийг нь таньж мэдэн, “Ариун Сүнсний хүчээр” (Моронай 10:5) үнэнийг мэдэж авахыг хүсдэг. Энэ хичээл нь таны сүнслэг өсөлт хөгжил, ахиц дэвшилд чухал ач холбогдолтой Ариун Сүнсний гол үүргийг таньж мэдэхэд тусална.

Сүнслэг харилцаа

Дэлхийд бий болсон олон төрлийн харилцааны хэрэгслийн тухай болон тэдгээр нь таны амьдралд хэрхэн нөлөөлж болох талаар бод. Дэлхий дахинд харилцаа холбоог ихээхэн өргөжүүлсэн нэг чухал хэрэгсэл бол ухаалаг утас юм.

Зураг

Ухаалаг утас

Хүмүүс байнгын холбоотой байхад ухаалаг утас ямар үүрэг гүйцэтгэж чадах вэ?
Энэ нь мэдлэг олж авах, ертөнцийн талаар илүү ихийг ойлгоход нь хүнд хэрхэн тусалж чадах вэ?

Ямар нэг биет харилцааны хэрэгслээс илүүтэйгээр, бидний мөнх бус амьдралын замд сүнслэг харилцаа холбоо ямар чухал болохыг Тэнгэрлэг Эцэг төгс мэдэж байсан. Түүнтэй холбоотой байж, одоогийн аз жаргал, ирээдүйн авралд тань хэрэгтэй бүхнийг ойлгоход тань туслах Ариун Сүнсийг Тэр бидэнд өгсөн.

Амьдралдаа Ариун Сүнсний нөлөөг мэдэрсэн мөчүүдээ мөн Түүний нөлөө таны амьдралыг хэрхэн адисалсан тухай бод. Ариун Сүнсээр заалгасан эсэх эсвэл Түүний нөлөөг бүхэлд нь мэдэрсэн эсэхдээ та эргэлздэг байж болох юм. Ариун Сүнсний амин чухал үүргийг судалж, таних явцдаа Түүний нөлөө таны амьдралыг хэрхэн адислахыг бодож, дараах асуултуудыг тунгаан бод.

Ариун Сүнсний үүргийг би хэр сайн ойлгосон бэ?
Ариун Сүнсний нөлөөг амьдралдаа хэрхэн илүү сайн урих вэ?
Өнөөг хүртэл амьдралдаа би Ариун Сүнсийг хэрхэн таньж, мэдэрсэн бэ?

Ариун Сүнсний хоёр үүрэг

Ариун Сүнс олон зорилготой, мөн төрөл бүрийн үүрэг гүйцэтгэдэг. Дараах судруудыг уншаад Ариун Сүнсний хоёр чухал үүргийг олж мэдээрэй.

Үүрэг 1: 2 Нифай 26:12–13; 3 Нифай 28:11
Үүрэг 2: 1 Нифай 10:19; Моронай 10:4–5

Та юу олж мэдсэн бэ?

Арван хоёр төлөөлөгчийн чуулгын ахлагч Квинтин Л.Күкийн хэлсэн дараах мэдэгдлийг унш.

Зураг
Ахлагч Квинтин Л.Күк

Ариун Сүнс бүх үнэнийг, ялангуяа Аврагчийг илчилдэг илчлэгч бөгөөд гэрчлэгч юм. Ариун Сүнсгүйгээр бид Есүс бол Христ гэдгийг үнэхээр мэдэж чадахгүй. Түүний хамгийн чухал үүрэг бол Эцэг мөн Хүүг мөн Тэдний нэр, алдар сууг гэрчлэх явдал юм. (Квинтин Л.Күк, “Бошиглогчдод үргэлжлэн ирсээр буй илчлэлт ба бидний амьдралыг удирдан чиглүүлэх хувийн илчлэлтийн адислал,” 2020 оны 4-р сарын Ерөнхий чуулган, 118)

Судалсан судрын эшлэлүүд, ахлагч Күкийн хэлсэн үгээс та ямар үнэнийг олж тодорхойлж болох вэ?

Таны олж мэдсэн байж болох нэг чухал үнэн бол Ариун Сүнс үнэнийг зааж, Тэнгэрлэг Эцэг, Есүс Христ хоёрыг гэрчилдэг гэсэн үнэн юм.

Энэ болон үүнтэй төстэй үнэнийг судар дээрээ эсвэл судлах тэмдэглэлдээ тэмдэглэж аваарай. Үнэнийг тогтмол тэмдэглэж авах нь таны сүнслэг ой санамжийг хүчирхэгжүүлж, шаардлагатай үед Ариун Сүнс тэднийг санаанд тань авчрах боломжтой болно (Иохан 14:26-г үзнэ үү.)

Ариун Сүнсний дээрх хоёр үүргийг ойлгосноор таны амьдралд ямар тустай вэ?

Ариун Сүнстэй холбоотой, мөн таны амьдралд Ариун Сүнс нөлөөлснийг хэрхэн анзаарсан тухайгаа чимээгүй тунгаан бодоорой.

Тэнгэрлэг Эцэг, Есүс Христ хоёртой илүү ойр болоход тань Ариун Сүнс хэрхэн тусалсан бэ?
Ариун Сүнс үнэний тухай гэрчилж байгааг та хэзээ мэдэрсэн бэ?
Ариун Сүнсийг мэдрээгүй гэж бодож байгаа бол та юу хийх ёстой вэ?

Ариун Сүнсийг мэдэрч, урих

Ариун Сүнс бидэнтэй олон арга замаар харилцана. Сүнс таны оюун ухааныг гэгээрүүлж, амар амгалан, баяр баясгаланг мэдрэхэд тусалж, зөв зүйлийг хийхэд чиглүүлнэ (Сургаал ба Гэрээ 11:12–13; Галат 5:22–23-ыг үзнэ үү). Судруудад Түүний нөлөөг ихэвчлэн бидний “мэдрэх” “намуухан зөөлөн дуугаар” дүрсэлдэг ( 1 Нифай 17:45-ыг үзнэ үү).

Арван хоёр төлөөлөгчийн чуулгын ахлагч Роналд А.Расбанд Ариун Сүнсний бидэнтэй харилцах арга замуудын заримыг ийн хуваалцсан.

Зураг
Ахлагч Роналд А.Расбанд

Өөрийн туршлага дээр үндэслэн хэлэхэд, Сүнс бидэнтэй ихэвчлэн мэдрэмжээр харилцдаг. Та үүнийг таныг өдөөдөг танил, ойлгомжтой үгсээс мэдэрдэг. …

… Сүнс бидэнтэй бидний мэдрэх үгээр ярьдаг. Эдгээр мэдрэмж ямар нэгэн зүйлийг хэл, хий мөн тодорхой байдлаар хариу үйлд хэмээн зөөлөн нудардаг. Хэрэв бид шүтэн бишрэхдээ хайнга, хэнэггүй байж, дэлхийн зүйлд татагдах юм бол мэдрэх чадвар маань буурсан байхыг олж мэднэ. (Роналд А.Расбанд, “Ариун Сүнс биднийг хөтлөг,” 2017 оны 4-р сарын Ерөнхий чуулган, 82)

Та Ариун Сүнсний нөлөөг ямар ямар арга замаар мэдэрсэн бэ?
Ариун Сүнсийг мэдэрснээ таних нь таны амьдралд хэрхэн адислал болох вэ?

Судруудад Ариун Сүнсний нөлөөг хичээнгүйлэн эрэлхийлсэн хүмүүсийн олон жишээ байдаг. Мормоны Номын Нифай мөн Мозаягийн хөвгүүд тэдний жишээ юм.

1 Нифай 2:16–17, Алма 17:2–3 бүлгүүдийг уншихдаа Ариун Сүнсийг урьсан зөв үйлдлийг эрэлхийл.

Эдгээр шүлэг дээр үндэслэн, мөн таны бодлоор Ариун Сүнсийг амьдралдаа урих ямар ямар арга зам байдаг вэ?

Зураг

шигтгээ зураг, тэмдэглэх

Дараах үйл ажиллагааг гүйцэтгэ.

Семинар дээр, гэртээ мөн Сүмд сайн мэдээг судлахдаа Ариун Сүнсийг илүү сайн урьж, түүнээс суралцах төлөвлөгөө гарга. Ариун Сүнсийг амьдралдаа урих тодорхой арга замын талаар, мөн таны амьдралд Сүнсний нөлөөг танихын тулд юу хийж болох талаар тодорхой тусгаарай.

Төлөвлөгөөгөө итгэлтэй гэр бүлийнхээ гишүүн эсвэл найзтайгаа хуваалцаж, ахиц дэвшлээ түүнтэй тогтмол ярилц.

Нэмэлт: Илүү ихийг судлахыг хүсэж байна уу?

Ариун Сүнсний удирдамжийг хүлээн авч, дагахад би хэрхэн бэлтгэх вэ?

Арван хоёр төлөөлөгчийн чуулгын ахлагч Квинтин Л.Күк Ариун Сүнсээр дамжуулан хувийн илчлэлт хүлээн авахад өөрсдийгөө бэлтгэх зарим арга замыг бидэнд заажээ.

Ахлагч Күк бошиглогчид Сүмийг удирдан чиглүүлэх илчлэлт хүлээн авсаар байгаа ба биднийг бас амьдралаа удирдан чиглүүлэх хувийн илчлэлт хүлээн авч чадна хэмээн заасан.

Сүнсийг мэдэрч байгаа эсвэл санамсаргүй бодол, мэдрэмж төрж байгаа эсэхийг хэрхэн тодорхойлох вэ?

Арван хоёр төлөөлөгчийн чуулгын ахлагч Дэвид А.Бэднар, Сюзэн Бэднар эгч хоёр Ариун Сүнсийг хэрхэн мэдэрч, таних талаар тайлбарласныг суралц.

Хэрэв би Ариун Сүнснээс суралцах чадвартаа итгэхгүй байвал яах вэ?

Арван хоёр төлөөлөгчийн чуулгын ахлагч Ричард Г.Скотт (1928–2015) ийн хэлсэн.

Зураг
Ахлагч Ричард Г.Скотт

Эхлээд харахад сүрдмээр юм шиг санагдах ажил үүргийг хичээл зүтгэл гаргаж, Сүнсний мэдрэмжийг таньж дагахыг байнга хичээвэл амархан биелдэг нь цаг хугацаа өнгөрөхийн хэрээр тодорхой болдог. Ариун сүнсээр дамжуулж хүлээн авсан удирдамж чиглэлд итгэх итгэл тань улам бат бөх болно. Сүнсээр удирдуулах талаар туршлагажиж, амжилт олсон үед сонссон, харсан зүйлээсээ хамааралтай байх нь багасаж, мэдрэмждээ итгэх итгэл тань улам бэхэжнэ гэдгийг би гэрчилж байна. (Ричард Г.Скотт, “Сүнсний удирдамж хүлээн авахын тулд,” 2009 оны 10-р сарын Ерөнхий чуулган, 5)

Ариун Сүнс надад өөрөөр хэрхэн тусалж чадах вэ?

Ерөнхийлөгч Эзра Тафт Бэнсон (1899–1994) ийн заасан.

Зураг
Ерөнхийлөгч Эзра Тафт Бэнсон

Тэнгэрлэг Эцэгт хандан таныг үргэлж Сүнсээр адислахыг хүсэн залбир. Бид Сүнсийг ихэвчлэн Ариун Сүнс гэж нэрлэдэг. Ариун Сүнс бол Тэнгэрлэг Эцэгийн бэлэг мөн. Ариун Сүнс танд зөвийг сонгоход тусална. Ариун Сүнс чамайг хилэнцтээс хамгаалах болно. Тэр чамд намуухан, зөөлөн дуугаар зөв зүйл хий гэж шивнэдэг. Чи сайн зүйл хийвэл сайхан мэдрэмж төрөх бөгөөд энэ нь Ариун Сүнс чамтай ярьж байна гэсэн үг. Ариун Сүнс бол гайхалтай хамтрагч юм. Тэр танд туслахад ямагт бэлэн байдаг. (Ezra Taft Benson, “To the Children of the Church,” Ensign эсвэл Liahona, May 1989, 82)