Mga Panimulang Materyal

Ang Plano ng Kaligtasan

Ang Plano ng Ama sa Langit para sa Kanyang mga Anak

Sa ating mortal na paglalakbay, madalas na may mga tanong tungkol sa layunin at kahulugan ng buhay: Saan ako nanggaling? Bakit ako narito? Saan ako pupunta? Kapag alam mo ang mga sagot sa mga tanong na ito, makatutulong ito sa iyo na harapin ang mga hamon ng buhay at manatili sa landas ng tipan ng Panginoon. Ang lesson na ito ay makatutulong sa iyo na maunawaan at madama ang kahalagahan ng plano ng Ama sa Langit.

Ang plano ng Ama sa Langit

• Sa palagay mo, anong kaalaman ang hindi ka mabubuhay kung wala ito? Bakit?

Sa pamamagitan ng mga banal na kasulatan at makabagong paghahayag, nalaman natin ang tungkol sa buhay bago tayo isinilang, ang Pagbabayad-sala ng Tagapagligtas, kabilang-buhay, at marami pang ibang aspeto ng ating buhay na walang hanggan. Magiging mahirap mabuhay kung wala ang kaalamang ito. Pag-isipan sandali ang nalalaman mo tungkol sa plano ng Ama sa Langit. Pag-isipang mabuti kung ano kaya ang buhay mo kung wala ang kaalamang iyon.

Sa pag-aaral mo ngayon, hingin ang patnubay ng Espiritu Santo upang matulungan ka na matutuhan pa ang tungkol sa mapagmahal na plano ng Ama sa Langit para sa Kanyang mga anak.

Ang plano ng Ama sa Langit sa Aklat ni Mormon

Maraming itinuturo ang Aklat ni Mormon tungkol sa plano ng Ama sa Langit. Ipinahayag ni Pangulong Russell M. Nelson na: “Pinatototohanan ko na ang Aklat ni Mormon ay tunay na salita ng Diyos. Nilalaman nito ang mga sagot sa pinakamahahalagang tanong sa buhay” (Russell M. Nelson, “Ang Aklat ni Mormon: Ano Kaya ang Buhay Ninyo Kung Wala Ito?,” Liahona, Nob. 2017, 62). Narito ang ilang tanong na sinasagot ng Aklat ni Mormon. Pumili ng kahit dalawang tanong at basahin ang scripture passage na tumutulong sa pagsagot sa tanong.

• Ano ang itinuturo ng Aklat ni Mormon tungkol sa buhay bago tayo isinilang? (Alma 12:25, 30; ang pariralang “pagkakatatag ng daigdig” ay tumutukoy sa buhay bago tayo isinilang.)

• Ano ang tungkuling ginagampanan ni Jesucristo sa plano ng Ama sa Langit? (Alma 22:12–14)

• Ano ang layunin ng buhay? (Alma 34:32–33)

• Ano ang mangyayari kapag namatay tayo? (Alma 40:11–14, 21–23)

• Ano ang mangyayari kung wala ang Pagbabayad-sala ni Jesucristo? (2 Nephi 9:6–11)

1. Sagutin ang mga sumusunod na tanong:

   • Anong mga katotohanan o doktrina ang natukoy mo mula sa mga talatang binasa mo?

   • Anong mga salita o parirala sa mga talata ang nagtuturo ng katotohanan o doktrina na natukoy mo?

   • Alin sa mga turo tungkol sa plano ng Ama sa Langit ang lubos mong ipinagpapasalamat? Bakit?

Ang plano ng Ama sa Langit at ang aking buhay

Ipinaliwanag ni Pangulong M. Russell Ballard ng Korum ng Labindalawang Apostol kung paano makatutulong sa ating buhay ang pag-unawa sa plano ng kaligtasan ng Ama sa Langit.  Basahin ang teksto sa ibaba:

Answers to Life’s Questions

M. Russell Ballard delivers a message titled "Answers to Life’s Questions."

Tayong mga mortal ay may limitadong pananaw sa buhay mula sa walang hanggang pananaw. Ngunit kung alam at nauunawaan natin ang plano ng Ama sa Langit, natatanto natin na ang pagdanas ng mga paghihirap ay isa sa mga pangunahing paraan para masubukan tayo. …

Sa pamamagitan ng pagtuon at pagsunod sa mga alituntunin ng plano ng Ama sa Langit para sa ating walang hanggang kaligayahan, maaari nating ihiwalay ang ating sarili sa kasamaan ng mundo. Kung wasto ang ating pagkaunawa sa kung sino tayo, bakit narito tayo sa mundo, at saan tayo patutungo pagkatapos ng buhay na ito, hindi matitinag ni Satanas ang ating kaligayahan kahit sa ano pa mang uri ng tukso. Kung determinado tayong mamuhay ayon sa plano ng Ama sa Langit, gagamitin natin ang kalayaang pumili na ibinigay sa atin ng Diyos sa paggawa ng mga desisyon batay sa inihayag na katotohanan, at hindi batay sa mga opinyon ng iba o sa kasalukuyang pag-iisip ng mundo. (M. Russell Ballard, “Answers to Life’s Questions,” Liahona, Mayo 1995, 23–24)

2. Sagutin ang mga sumusunod na tanong.

   • Paano naiimpluwensyahan ang buhay mo ng iyong kaalaman tungkol sa plano ng Ama sa Langit?

   • Ano ang ilang sitwasyon kung saan maiimpluwensyahan ng nalalaman mo tungkol sa plano ng Ama sa Langit ang mga desisyong gagawin mo?

   • Paano makakaimpluwensya ang nalalaman mo tungkol sa plano ng Ama sa Langit sa pananaw mo sa mga sitwasyon at karanasan mo sa iyong buhay?

Opsiyonal: Gusto Mo Bang May Matutuhan Pa?

Paano naging katibayan ng pagmamahal ng Diyos ang plano ng kaligtasan?

Itinuro ni Pangulong M. Russell Ballard ng Korum ng Labindalawang Apostol:

“Lovest Thou Me More Than These?”

President Ballard teaches us how we can show that we love the Savior above all worldly things by believing in Him, serving Him, and serving others.

Gayon na lamang ang pagmamahal ng Ama sa Langit kaya inihanda Niya ang Kanyang plano ng kaligtasan na ang Tagapagligtas ang nasa sentro. At gayon na lamang ang pagmamahal ni Jesus kung kaya’t nang itanong ng Ama sa Langit sa malaking Kapulungan sa Langit kung “Sino ang isusugo ko?” Si Jesus, na panganay sa lahat ng espiritung anak ng Ama, ay sumagot ng, “Narito ako, isugo ako” [Abraham 3:27]. Sinabi Niya sa Kanyang Ama, “Ama, masusunod ang inyong kalooban, at ang kaluwalhatian ay mapasainyo magpasawalang hanggan” [Moises 4:2]. Si Jesus ay nagkusa na maging ating Tagapagligtas at Manunubos upang tayo ay maging katulad Nila at makabalik sa Kanilang piling. (M. Russell Ballard, “Minamahal Mo ba Ako Nang Higit Kaysa mga Ito?,” Liahona, Nob. 2021, 52)

Bakit tayo may mga pagsubok sa buhay?

Sinabi ni Pangulong Dallin H. Oaks ng Unang Panguluhan:

Opposition in All Things

Elder Oaks teaches how various forms of opposition in mortality help to further our growth.

Lahat tayo ay dumaranas ng iba’t ibang uri ng pagsalungat o oposisyon na susubok sa atin. Ilan sa mga pagsubok na ito ay ang mga tuksong magkasala. Ang ilan ay mga hamon sa buhay na walang kinalaman ang sariling kasalanan. May napakalalaki. May maliliit. Ang ilan ay tuluy-tuloy, at may ilang pansamantala lamang. Lahat tayo ay dumaranas nito. Ang pagsalungat ay nagtutulot sa atin na umunlad tungo sa nais ng ating Ama sa Langit na kahinatnan natin. (Dallin H. Oaks, “Pagsalungat sa Lahat ng Bagay,” Liahona, Mayo 2016, 115–16)

Paano makatutulong sa akin ang nalalaman ko sa plano ng Ama sa Langit?

Plan of Salvation - We’re Still a Family

A young man shares how the plan of salvation has helped him to see the blessings that can come through trials.

Ano ang layunin at kahulugan ng buhay?

Ipinaliwanag ni Pangulong Dallin H. Oaks ng Unang Panguluhan:

Ang Dakilang Plano

Itinuro ni Pangulong Oaks ang mga pangunahing bahagi ng plano ng Ama sa Langit, kabilang ang apat na katiyakang ibinibigay sa atin nito upang tulungan tayo sa habang nasa mortalidad.

Tinukoy sa mga banal na kasulatan bilang “dakilang plano ng kaligayahan,” “ang plano ng pagtubos,” at ang “plano ng kaligtasan” (Alma 42:8, 11, 5), ang planong iyan—na inihayag sa Pagpapanumbalik—ay nagsimula sa Kapulungan sa Langit. Noong mga espiritu pa lamang tayo, ninais nating matamo ang walang-hanggang buhay na tinatamasa ng ating mga magulang sa langit. Sa panahong iyon, umunlad tayo hanggang sa makakaya natin nang walang karanasang mabuhay nang mortal sa pisikal na katawan. Upang maibigay ang karanasang iyan, plinano ng Diyos Ama na likhain ang mundong ito. Sa plinanong buhay sa mundo, tayo ay mababahiran ng kasalanan habang dinaranas natin ang pagsalungat na kailangan para sa ating espirituwal na pag-unlad. Mararanasan din natin ang pisikal na kamatayan. Upang matubos tayo mula sa kamatayan at kasalanan, kasama sa plano ng ating Ama sa Langit ang maglaan ng Tagapagligtas. Ang Kanyang Pagkabuhay na Mag-uli ay magliligtas sa ating lahat mula sa kamatayan, at ang Kanyang nagbabayad-salang sakripisyo ay magbabayad ng halagang kinakailangan upang maging malinis ang lahat mula sa kasalanan ayon sa mga kundisyong itinakda para umunlad tayo. Ang Pagbabayad-salang ito ni Jesucristo ay sentro sa plano ng Ama. (Dallin H. Oaks, “Ang Dakilang Plano,” Liahona, Mayo 2020, 93)

Para sa buod ng plano ng Ama sa Langit, maaari mong panoorin ang video na “Ano ang Layunin at Kahulugan ng Buhay?” (7:43), na matatagpuan sa YouTube at SimbahanniJesucristo.org.

What Is the Purpose and Meaning of Life? | Now You Know

God has a plan for us. It's called the plan of salvation, and it contains the answers to life's questions. Jesus Christ is the central figure in God's plan.

Our Eternal Life

We are eternal beings. We lived as spirits before we were born and we will continue to live after we die.