Mga Panimulang Materyal

Matuto sa pamamagitan ng Pananampalataya

Ang Responsibilidad ng Estudyante

Mahal ka ng Ama sa Langit at ni Jesucristo at nais Nilang ituro sa iyo ang ebanghelyo sa pamamagitan ng kapangyarihan ng Espiritu Santo. Ano ang magagawa mo upang matanggap pa kung ano ang handa Nilang ituro sa iyo? Ang lesson na ito ay makatutulong sa iyo na matuto mula sa iyong pag-aaral at karanasan sa seminary sa pamamagitan ng pag-unawa sa ibig sabihin ng matuto sa pamamagitan ng pananampalataya kay Jesucristo.

Nais ng Panginoon na may pagsisikap

Panoorin ang video na “Isang Natatanging Dakilang Tungkulin,” na matatagpuan sa SimbahanniJesucristo.org, mula sa time code na 2:16 hanggang 3:49 o basahin ang pahayag sa ibaba. Isipin ang mga sitwasyon kung saan maiaangkop ang pahayag na ito.

Itinuro ni Pangulong Russell M. Nelson:

An Especially Noble Calling

Sister Jones draws on the example and teachings of Joseph Smith to encourage women in striving to fulfill their great spiritual potential.

Nais ng Panginoon na may pagsisikap, dahil naghahatid ito ng mga gantimpala na hindi darating kung wala ito. (Russell M. Nelson, sa Joy D. Jones, “Isang Natatanging Dakilang Tungkulin,” Liahona, Mayo 2020, 16)

• Paano natin maiaangkop ang pahayag ni Pangulong Nelson sa ating buhay? Halimbawa, paano ito maiaangkop sa gawaing misyonero, pagmiministeryo, o pag-aaral?

• Sa iyong palagay, paano ito maiaangkop sa pag-aaral ng ebanghelyo ni Jesucristo sa seminary ngayong taon?

Upang tulungan kang masuri ang iyong sariling pag-aaral ng ebanghelyo, isipin ang mga sumusunod na tanong:

• Anong mga pagsisikap ang ginagawa mo sa kasalukuyan upang matutuhan ang ebanghelyo ni Jesucristo? Paano mo inanyayahan ang Diyos na turuan ka?

• Nadarama mo ba na nakukuha mo ang mga resultang gusto mo at kailangan mo? Bakit oo o bakit hindi?

Habang pinag-aaralan mo ang lesson na ito, mag-isip ng mga paraan na gusto mong matuto at umunlad ngayong taon sa seminary. Hingin ang patnubay ng Ama sa Langit sa pamamagitan ng Espiritu Santo upang tulungan kang malaman kung paano isabuhay ang lesson na ito.

Mga turo sa Aklat ni Mormon

Basahin ang kahit dalawa sa mga sumusunod na doctrinal mastery passage, at alamin kung ano ang nagagawa ng ating sariling mga pagsisikap at hangarin at kung ano ang ginagampanan ng Diyos sa pag-aaral natin ng ebanghelyo.

• 2 Nephi 28:30

• 2 Nephi 32:3

• 2 Nephi 32:8–9

• Eter 12:6

• Moroni 10:4–5

• Ano ang nakita mo na makatutulong sa iyo na mas matuto mula sa Diyos sa panahon ng seminary?

• Sa iyong palagay, ano ang mga magiging resulta kung umasa ang isang tao na bibigyan siya ng Diyos ng kaalaman ngunit hindi naman siya nagsisikap? O kung nagsisikap siya pero hindi naman siya humihingi ng tulong sa Diyos? Bakit?

Batay sa napag-aralan mo sa ngayon, ibuod sa isang pangungusap ang naunawaan mo tungkol sa pag-aaral ng ebanghelyo.

Mababago ba ng seminary ang iyong buhay?

Seminary Can Change Lives

President Thomas S. Monson teaches how seminary can help you build and strengthen your testimony. "Effort is required," he says. "But it is effort you will never, ever regret."

Basahin ang sumusunod na pahayag ni Pangulong Russell M. Nelson, at alamin kung ano ang makatutulong upang malaman kung babaguhin ng seminary ang iyong buhay.

Kapag mas tinutularan ninyo ang halimbawa ni Jesucristo, mas magtatagumpay kayo.

Ano, kung gayon, ang makatutulong sa inyo na maging tapat na disipulo ni Jesucristo? Ang isang sagot ay ang seminary at institute—hindi lamang pagdalo kundi aktibong pakikibahagi sa klase at tapat na paggawa ng anumang assignment na ibinigay. …

Ang maka-graduate mula sa seminary at institute ay magpapaibayo sa kakayahan ninyong magpakahusay sa pinakamahahalagang bagay na gagawin ninyo sa buhay. Tunay na kagalakan ang mapapasainyo! (Russell M. Nelson, “A Personal Invitation to Participate in Seminary and Institute,” Peb. 2019, ChurchofJesusChrist.org)

• Ano ang pinakamahalaga sa iyo sa pahayag ni Pangulong Nelson? Bakit?

• Paano ka makapagtutuon sa pagsunod kay Jesucristo sa panahon ng iyong pag-aaral sa seminary?

• Sa iyong palagay, ano ang ibig sabihin ng “aktibong pakikibahagi” sa seminary?

Paano matuto sa seminary

1. Isulat ang iyong payo para sa sumusunod na sitwasyon.

   

   Ipagpalagay na dadalo sa seminary ang binatilyo sa larawang ito sa unang pagkakataon. Nais niyang espirituwal na matuto at umunlad ngunit hindi siya sigurado kung paano ito gawin. Batay sa natutuhan mo ngayon at sa iyong nakaraang karanasan sa seminary at simbahan, isulat ang payong ibibigay mo sa kanya.

   Tiyaking isama

   • ang maaari niyang gawin bago magklase, habang nagkaklase, at pagkatapos ng klase upang madagdagan ang kanyang espirituwal na kaalaman

   • kung paano siya magtutuon sa pagsunod sa Tagapagligtas at anyayahan ang Espiritu Santo na turuan siya

Magtakda ng mithiin na lalong matuto sa iyong pag-aaral sa seminary ngayong taon. Upang magawa ito, maaari mong sagutin ang mga sumusunod na tanong:

• Ano ang inaasam mong matutuhan sa seminary ngayong taon?

• Ano ang handa mong gawin upang maipakita sa Panginoon na gusto mong matuto mula sa Kanya at maging higit na katulad Niya?

Opsiyonal: Gusto Mo Bang May Matutuhan Pa?

Ano ang magagawa ko upang matanggap at maalala ang nais ng Ama sa Langit na ituro sa akin?

Ipinaliwanag ni Elder Richard G. Scott (1928–2015) ng Korum ng Labindalawang Apostol:

Isulat at ingatan ang mahahalagang bagay na natutuhan ninyo mula sa Espiritu. Makikita ninyo na kapag isinulat ninyo ang isang mahalagang impresyon, madalas ay darating ang iba pa na hindi ninyo sana natanggap. Gayundin, magagamit ninyo ang espirituwal na kaalamang natamo ninyo habambuhay. Sa tuwina, araw o gabi, saan man kayo naroon, anuman ang ginagawa ninyo, maghangad na makahiwatig at tumugon sa tagubilin ng Espiritu. Maghanda ng isang piraso ng papel o card upang maisulat ang tagubiling iyon.

Magpasalamat sa Panginoon para sa espirituwal na tagubilin na natatanggap ninyo at sundin ito. Ang kasanayang ito ay magpapatibay sa kakayahan ninyong matuto sa pamamagitan ng Espiritu. Lalo kayong gagabayan ng Panginoon sa inyong buhay. Mas marami kayong matututuhan kapag kumilos kayo ayon sa kaalaman, karanasan, at inspirasyong ipinarating sa inyo ng Espiritu Santo. (Richard G. Scott, “How to Learn by the Spirit,” New Era, Set. 2014, 48)

Bakit mahalaga ang pakikibahagi ko sa klase?

Itinuro ni Elder Richard G. Scott (1928–2015) ng Korum ng Labindalawang Apostol:

Ang desisyon [ng mga estudyante] na makibahagi ay paggamit ng kanilang kalayaang pumili na nagtutulot sa Espiritu Santo na maiparating ang mensaheng angkop sa pangangailangan ng bawat isa sa kanila. …

Ang pakikibahaging iyon ang magbibigay sa buhay [ng mga estudyante] ng patnubay ng Espiritu. … Ang pakikibahagi sa klase ay nagtutulot sa mga indibiduwal na maranasan ang paggabay ng Espiritu. Natututuhan nilang makilala at madama kung ano ang espirituwal na patnubay. (Richard G. Scott, “To Learn and to Teach More Effectively” [Brigham Young University Education Week devotional, Ago. 21, 2007], 4–5, speeches.byu.edu)

Sinabi ni Elder David A. Bednar ng Korum ng Labindalawang Apostol:

Ang tunay na pananampalataya ay nakatuon sa Panginoong Jesucristo at palaging humahantong sa pagkilos. …

… Ang matuto sa pamamagitan ng pananampalataya ay nangangailangan ng espirituwal, mental, at pisikal na pagsisikap, at hindi basta pagtanggap lamang. Sa katapatan at patuloy na paggawa nang may pananampalataya naipapakita natin sa ating Ama sa Langit at sa Kanyang Anak na si Jesucristo, na tayo ay handang matuto at tumanggap ng tagubilin mula sa Espiritu Santo. (David A. Bednar, “Maghangad na Matuto sa Pamamagitan ng Pananampalataya,” Liahona, Set. 2007, 19–20)

1.3.3 Spiritual Learning Requires Effort

Elder Bednar teaches the youth the importance of using their agency by acting in a way that invites the Holy Ghost into their classroom expereince (David A. Bednar, The Doctrine and Covenants-Welcome to Seminary DVD).