Faqet e Parathënies së Librit të Mormonit

Faqja e Titullit

Qëllimi i Librit të Mormonit

Përse na nevojitet Libri i Mormonit, kur ne tashmë e kemi fjalën e Perëndisë në Bibël? Në faqen e titullit të Librit të Mormonit, profeti Moroni na ndihmon të kuptojmë se përse Libri i Mormonit është kaq i rëndësishëm. Ky mësim ka si qëllim të të ndihmojë t’i kuptosh dhe shpjegosh qëllimet e Librit të Mormonit.

Rëndësia e njohjes së qëllimit të diçkaje

A ke parë ndonjëherë një mjet të tillë si ai në figurën vijuese? Përfytyro se si do t’ia shpjegoje qëllimin dhe vlerën e një mjeti të panjohur dikujt tjetër.

• Pse na ndihmon ta dimë e ta kuptojmë qëllimin ose vlerën e diçkaje përpara se ta përdorim ose t’ua tregojmë të tjerëve?

• Si mund të lidhet kjo me të kuptuarit e qëllimit dhe vlerës së Librit të Mormonit?

Merre në shqyrtim se sa i/e sigurt te vetja do të ndiheshe po t’ia shpjegoje qëllimin dhe vlerën e Librit të Mormonit dikujt që nuk ka asnjë njohuri për të. Teksa e studion këtë mësim, kërko rreth asaj që të ndihmon t’i kuptosh qëllimin dhe vlerën e Librit të Mormonit dhe se si mund t’ua tregosh të tjerëve këtë që ke kuptuar.

Të kuptuarit e qëllimit dhe vlerës së Librit të Mormonit

Kopjoje fjalinë e paplotë vijuese në ditarin tënd të studimit.

Libri i Mormonit u shkrua për të …

Faqja e titullit përmban fjalët e fundit që shkroi Moroni në fletën e fundit të fletëve të arta. Lexoji faqen e titullit dhe tre paragrafët e parë të parathënies së Librit të Mormonit. Kërko mënyra për ta plotësuar fjalinë e mësipërme. Pyetjet e mëposhtme mund të të ndihmojnë teksa e bën këtë.

• Për kë u shkrua Libri i Mormonit?

• Për kë flet Libri i Mormonit?

• Përse u shkrua Libri i Mormonit?

(Për informacion shtesë, shih “Një Shpjegim i Shkurtër mbi Librin e Mormonit” në faqet e parathënies.)

Plaku Ulises Soares, i Kuorumit të Dymbëdhjetë Apostujve, dëshmoi mbi qëllimet e Librit të Mormonit.

“Unë dëshmoj se Libri i Mormonit është mjeti i Perëndisë për realizimin e mbledhjes së Izraelit në kohën tonë dhe për t’i ndihmuar njerëzit që të arrijnë ta njohin Birin e Tij, Jezu Krishtin.” (Ulises Soares, “Dalja në Dritë e Librit të Mormonit”, Liahona, maj 2020, f. 35)

• Çfarë ke mësuar nga studimi yt vetjak dhe nga thënia e Plakut Soares mbi qëllimet e Librit të Mormonit?

Një e vërtetë që mund të kesh përcaktuar, është se Libri i Mormonit u shkrua për të ndihmuar të mblidhej Izraeli dhe për t’i bindur të gjithë njerëzit se Jezusi është Krishti.

• Çfarë prove të kësaj sheh në paragrafin e dytë të faqes së titullit?

Zgjidh një nga veprimtaritë e mëposhtme për ta përfunduar.

Veprimtaria A: Libri i Mormonit ka si qëllim të ndihmojë për të mbledhur Izraelin

Libri i Mormonit i referohet shpesh besëlidhjes që bëri Zoti për ta mbledhur Izraelin. Lexo thënien nga Presidenti Rasëll M. Nelson dhe dy ose tre nga referencat e shkrimeve të shenjta më poshtë.

“[Në] Librin e Mormonit, do të mësoni doktrinën e mbledhjes, të vërteta rreth Jezu Krishtit, Shlyerjes së Tij dhe plotësinë e ungjillit të Tij që nuk gjendet në Bibël. Libri i Mormonit është qendror për mbledhjen e Izraelit. Në fakt, nëse nuk do të kishte Libër të Mormonit, mbledhja e premtuar e Izraelit nuk do të ndodhte.” (Rasëll M. Nelson dhe Uendi W. Nelson, “Shpresa e Izraelit [takim shpirtëror mbarëbotëror për rininë, 3 qershor, 2018]”, pjesë e shtuar në revistat New Era dhe Ensign, f. 13, ChurchofJesusChrist.org)

• 1 Nefi 15:14–18

• 1 Nefi 22:11–12

• 2 Nefi 29:14

• Mormoni 9:36–37

• Moroni 10:31

• Si mendon se mund të ndihmojë Libri i Mormonit për të mbledhur Izraelin?

Përsiat se si Libri i Mormonit të ka ndihmuar ty ose të tjerë për t’u mbledhur në Kishën e vërtetë të Jezu Krishtit. Merre parasysh t’i mbash shënim bekimet që kanë ardhur për shkak të kësaj mbledhjeje.

• Si do të ishte ndryshe jeta jote pa Librin e Mormonit?

• Kujt mund t’i tregosh për Librin e Mormonit?

Veprimtaria B: Libri i Mormonit ka si qëllim t’i bindë të gjithë njerëzit se Jezusi është Krishti

Mendo rreth asaj që di rreth Jezu Krishtit dhe mënyrës se si Libri i Mormonit ka ndikuar në marrëdhënien tënde me Të. Më pas gjej një moment për të renditur dy ose tre shkrime të shenjta nga Libri i Mormonit të cilat të mësojnë për Jezu Krishtin. Nëse ke nevojë për ndihmë, shih zërin “Jezu Krisht” tek Udhëzuesi për Shkrimet e Shenjta.

• Çfarë të ndihmojnë të kuptosh rreth Jezu Krishtit këto vargje?

1. Plotësoje veprimtarinë vijuese:

   Përfytyro sikur po flet me një shok që ose nuk ka njohuri mbi Librin e Mormonit, ose nuk mendon se është shumë i dobishëm. Çfarë mund t’i tregosh këtij personi për Librin e Mormonit dhe qëllimin e tij? Merr parasysh të përfshish përvoja vetjake, fraza nga faqja e titullit dhe parathënia ose ndonjë referencë nga Libri i Mormonit që e ndien se mund të jetë e dobishme.

Fakultative: Dëshiron të Mësosh më Shumë?

Çfarë burimesh të tjera mund të më ndihmojnë të kuptoj Librin e Mormonit dhe qëllimet e tij?

Materiali filmik i mëposhtëm, në dispozicion te ChurchofJesusChrist.org [https://www.kishaejezukrishtit.org/cfare-eshte-libri-i-mormonit?start=84&count=12&lang=alb-al], ndihmon të shpjegohet natyra dhe qëllimet e Librit të Mormonit.

• The Title Page and Translation of the Book of Mormon

  Elder Russell M. Nelson speaks to seminary students about the Book of Mormon.

• “Çfarë Është Libri i Mormonit? Një Përshkrim 60-Sekondash”] (01:13)

  What is the Book of Mormon? A 60-Second Overview (Duplicate)

  This video sums up the Book of Mormon in 60 seconds. It answers the questions, “What is the Book of Mormon?” “When did it take place?” “Who is in it?” and “Why is it another book of scripture and testament of Jesus Christ?”

• Moroni Preserves the Record for the Latter Days | Moroni 10; Title Page

  Moroni invites all to believe in the power of God and to come unto Christ and be perfected in Him. Moroni counsels us to love God with all our might, mind, and strength. Then he buries the plates to fulfill the Lord’s purposes.

Çfarë kuptimi kanë disa nga termat te faqja e titullit?

Përkufizimet e mëposhtme mund të të ndihmojnë të kuptosh disa nga termat nga faqja e titullit e Librit të Mormonit.

• Shtëpia e Izraelit u referohet pasardhësve të Abrahamit, Isakut dhe Jakobit. Përveç këtyre, shtëpia e Izraelit përfshin ata që nuk janë pasardhës faktikë të Abrahamit, Isakut dhe Jakobit, por e kanë pranuar mesazhin e ungjillit të rivendosur dhe kanë hyrë në Kishën e rivendosur nëpërmjet besëlidhjeve dhe ordinancave të domosdoshme.

• Termi judenj fillimisht i referohej kujtdo nga fisi i Judës (njërit prej dymbëdhjetë fiseve të Izraelit). Shkruesit e Librit të Mormonit, sidoqoftë, shpesh e përdornin këtë term për t’iu referuar të gjithë atyre që jetonin në Mbretërinë Jugore të Judës në kohët e Dhiatës së Vjetër (2 Nefi 30:4; 33:8), ndonëse ata mund të ishin pasardhës të fiseve të tjera të Izraelit (Alma 10:3). Ai gjithashtu u referohet “njerëz[ve] që praktikojnë fenë, mënyrën e jetesës dhe traditat e judaizmit, por mund të jenë ose të mos jenë të lindur judenj” (Udhëzuesi për Shkrimet e Shenjta, “Judenj”, scriptures.ChurchofJesusChrist.org).

• Johebrenj do të thotë “kombet” (Bible Dictionary, “Gentile”). “Nganjëherë përcakton njerëz që nuk janë të prejardhjes izraelite, nganjëherë njerëz që nuk janë të prejardhjes judease dhe nganjëherë kombe që janë pa ungjillin, edhe pse mund të ketë disa me gjak izraelit mes njerëzve. Ky përdorim i fundit është veçanërisht karakteristik për fjalën siç përdoret në Librin e Mormonit dhe në Doktrina e Besëlidhje” (Udhëzuesi për Shkrimet e Shenjta, “Johebrenj”, scriptures.ChurchofJesusChrist.org).

• Një përmbledhje është një variant i shkurtër i diçkaje.

• Një mbetje është një pjesë e mbetur.

Përse Libri i Mormonit është kaq i rëndësishëm?

Për të kuptuar ndikimin e rëndësishëm që ka pasur Libri i Mormonit në jetën e shumë njerëzve, merre parasysh të studiosh mesazhin e Presidentit Rasëll M. Nelson “Libri i Mormonit: Si do të Ishte Jeta Juaj pa Të?” (Liahona, nëntor 2017, f. 60–63). Kushtoji shumë vëmendje pjesës “Listat e Librit të Mormonit të Presidentit Nelson” në fund të mesazhit.

Si dukej faqja e titullit e Librit të Mormonit në fillim?

Mund të shihni një figurë të faqes së titullit në dorëshkrimin për botuesin këtu.

Mund të shihni një figurë të faqes së titullit në botimin e parë të Librit të Mormonit këtu.