Faqet e Parathënies së Librit të Mormonit

Parathënia për Librin e Mormonit

Guri Kyç i Besimit Tonë

Jozef Smithi e quajti Librin e Mormonit gurin kyç të besimit tonë. Brenda librit është një ftesë për ta pyetur Perëndinë nëse ai është i vërtetë. Miliona njerëz e kanë ndjekur këtë ftesë dhe kanë marrë një dëshmi nga Fryma e Shenjtë për vërtetësinë e Librit të Mormonit. Ky mësim ka për qëllim të të ndihmojë ta shtosh dëshirën tënde për ta studiuar Librin e Mormonit çdo ditë që të forcosh dëshminë tënde rreth vërtetësisë së tij.

Bekimet nga Libri i Mormonit

• Cilat nga bekimet e mëposhtme mendon se do të ndikonin në mënyrë domethënëse në jetën tënde të përditshme? Çfarë do të ishe i/e gatshëm/me të bëje për t’i marrë ato?

  • një aftësi më e madhe për ta dëgjuar zërin e Shpirtit

  • përgjigjet për pyetjet dhe drejtim në jetën tënde

  • një aftësi më e madhe për t’i bërë ballë tundimit dhe së keqes

Këto janë disa nga bekimet që mund të vijnë nga studimi i Librit të Mormonit.

Lexoje dhe merre parasysh ta shenjosh thënien nga Jozef Smithi te paragrafi 6 i parathënies së Librit të Mormonit.

• Çfarë të bën më shumë përshtypje nga thënia e Jozef Smithit?

Guri kyç i besimit tonë

• Pse guri në pjesën e sipërme qendrore (guri kyç) është kaq i rëndësishëm? Çfarë do t’i ndodhte harkut nëse do t’i hiqej ai?

Presidenti Ezra Taft Benson (1899–1994) dha mësim:

“Libri i Mormonit është gur[i kyç] në dëshminë që japim për Jezu Krishtin, i cili është Vetë gurthemeli i çdo gjëje që bëjmë. Ai dëshmon për realitetin e Tij me fuqi dhe qartësi. …

… Libri i Mormonit është gur[i kyç] i dëshmisë. Pikërisht ashtu si qemeri shembet nëse guri [kyç] hiqet, kështu ndodh me të gjithë Kishën, qëndron ose bie me vërtetësinë e Librit të Mormonit.” (Ezra Taft Benson, “Libri i Mormonit – Gur[i Kyç] i Besimit Tonë”, , tetor 1986, f. 5, 6)

Guri kyç i dëshmisë sonë për Jezu Krishtin

• Çfarë mendoni se do të thotë që Libri i Mormonit është guri kyç i dëshmisë sonë për Jezu Krishtin?

Shkruesit në Librin e Mormonit dëshmuan vazhdimisht për Jezu Krishtin. Për të parë se si individë të ndryshëm gjetën përmendje të Jezu Krishtit në faqet e librit, shihni materialin filmik “Book of Mormon Experiment Honolulu” [“Eksperimenti Honolulu me Librin e Mormonit”] (02:35). Ky material filmik mund të gjendet te ChurchofJesusChrist.org.

Book of Mormon Experiment Honolulu

One of the most criticized texts in religious history, often by people who haven't read a single page, the Book of Mormon is another testament of Jesus Christ. But instead of having us tell you that, we asked the world.

1. Plotëso sa vijon dhe përgjigju për pyetjet më poshtë.

Përzgjidh çfarëdo faqe nga Libri i Mormonit dhe kërko çdo përmendje të Shpëtimtarit në atë faqe.

• Çfarë gjete rreth Shpëtimtarit?

• Çfarë të ndihmojnë fragmentet që gjete që të kuptosh ose të ndiesh rreth Shpëtimtarit?

Mendo se si do të bekoheshe duke pasur një dëshmi më të fortë për Jezu Krishtin. Teksa e studion Librin e Mormonit, kërko përmendje të Jezu Krishtit dhe se çfarë mëson rreth Tij. Ndërsa e bën këtë, njohuria dhe dëshmia jote për Shpëtimtarin do të rriten.

Guri kyç i dëshmisë sonë

• Cila nga deklaratat vijuese i përshkruan më mirë ndjenjat e tua rreth Librit të Mormonit?

  • U mirëbesoj të tjerëve që kanë marrë dëshminë e tyre vetjake dhe më kanë siguruar se Libri i Mormonit është i vërtetë.

  • Nuk jam i sigurt nëse e di që Libri i Mormonit është i vërtetë.

  • Unë kam marrë një dëshmi nga Fryma e Shenjtë se Libri i Mormonit është i vërtetë.

• Pse mendon se Ati Qiellor mund të dojë që ta dish se Libri i Mormonit është i vërtetë?

Lexo paragrafin e parafundit te parathënia, si dhe vargjet te Moroni 10:3–5, duke kërkuar se çfarë mund të bësh për të ditur a është i vërtetë Libri i Mormonit.

• Sipas asaj që lexove, çfarë nevojitet të bëjë dikush në mënyrë që ta dijë se Libri i Mormonit është i vërtetë?

Plaku Ulises Soares, i Kuorumit Të Dymbëdhjetë Apostujve, tregoi se si dëshmia e tij për Librin e Mormonit u rrit teksa merrte pjesë në seminar. Nëse dëshiron, mund të shohësh materialin filmik “Dalja në Dritë e Librit të Mormonit”, në dispozicion te ChurchofJesusChrist.org, nga kodi kohor 12:03 deri në 14:12.

Dalja në Dritë e Librit të Mormonit

Plaku Soares përshkruan mrekullitë e shumta që kanë të bëjnë me daljen në dritë të Librit të Mormonit, duke përfshirë mrekullitë që mund të ndodhin në jetën tonë për shkak të këtij anali të shenjtë.

Lexo paragrafin e fundit te parathënia e Librit të Mormonit, duke kërkuar se çfarë njohurie tjetër vjen me një dëshmi për Librin e Mormonit.

• Si mundet të ndikojë në jetën tënde pasja e një dëshmie për Librin e Mormonit?

Studioje Librin e Mormonit çdo ditë

Presidenti Rasëll M. Nelson na bëri premtime të gjithëve ne nëse e studiojmë Librin e Mormonit çdo ditë. Lexo thënien e mëposhtme ose shih materialin filmik “Libri i Mormonit: Si do të Ishte Jeta Juaj pa Të?” te ChurchofJesusChrist.org nga kodi kohor 11:52 deri në 13:05.

Libri i Mormonit: Si do të Ishte Jeta Juaj pa Të?

President Nelson explains the importance of the Book of Mormon, testifies that it teaches of Christ, and encourages us to prayerfully study it every day.

“Unë ju premtoj se, kur e studioni me lutje Librin e Mormonit çdo ditë, ju do të merrni vendime më të mira – çdo ditë. Ju premtoj se, teksa e përsiatni atë që studioni, dritaret e qiellit do të hapen dhe ju do të merrni përgjigje për vetë pyetjet tuaja dhe drejtim për vetë jetën tuaj. Ju premtoj se, ndërsa e zhytni veten përditë në Librin e Mormonit, ju mund të fitoni imunitet kundër të ligave të ditës, përfshirë edhe murtajën dërrmuese të pornografisë dhe varësive të tjera që na mpijnë mendjen.

Sa herë që dëgjoj dikë, përfshirë dhe veten, të thotë: ‘E di se Libri i Mormonit është i vërtetë’, dua ta them me zë të lartë: ‘Gjë e mirë, por nuk mjafton!’ Neve na nevojitet të ndiejmë, në ‘pjes[ën] më [të] thellë’ të zemrës sonë [Alma 13:27], se Libri i Mormonit është pa dyshim fjala e Perëndisë. Ne duhet ta ndiejmë atë kaq thellësisht sa kurrë nuk do të duam të jetojmë qoftë edhe një ditë pa të.” (Rasëll M. Nelson, “Libri i Mormonit: Si do të Ishte Jeta Juaj pa Të?”,  Liahona, nëntor 2017, f. 62–63)

2. Përgjigju për pyetjet vijuese:

   • Çfarë të bën përshtypje nga kjo thënie?

   • Si ndihesh rreth ftesës për ta lexuar Librin e Mormonit çdo ditë?

Nëse nuk e ke bërë këtë, bëj një plan për ta forcuar dëshminë tënde për Jezu Krishtin nëpërmjet një studimi të përditshëm të Librit të Mormonit. Për shembull, mund të përcaktosh se sa minuta në ditë do të studiosh. Mund të planifikosh se si mund të përqendrohesh tek ajo që Libri i Mormonit të mëson rreth Shpëtimtarit. Mendo rreth çdo pengese me të cilën mund të përballesh gjatë studimit tënd të përditshëm dhe atë që mund të bësh për t’i kapërcyer ato.

Fakultative: Dëshiron të Mësosh më Shumë?

Çfarë është një gur kyç?

Për të mësuar më shumë rreth funksionit të një guri kyç, shih materialin filmik “Shihni te Libri, Shihni te Zoti” nga kodi kohor 05:16 deri në 06:41.

Look to the Book, Look to the Lord

Elder Stevenson explains how the Book of Mormon is the keystone of our religion and how members can gain a testimony of it by reading it.

Sa shpesh e përmend Libri i Mormonit Jezu Krishtin?

Plaku Geri E. Stivenson, i Kuorumit të Dymbëdhjetë Apostujve, dha mësim:

“Ju do të thelloheni nëpër pjesët e këtij libri të çmuar dhe do të ballafaqoheni me Shpëtimtarin tuaj të dashur, Zotin Jezu Krisht, thuajse në çdo faqe. Është përllogaritur se ndonjëra nga format e emrit të Tij është përdorur mesatarisht një herë në çdo 1,7 vargje.” (Geri E. Stivenson, “Shihni te Libri, Shihni te Zoti”, Liahona, nëntor 2016, f. 47)

Si mund të bekohem duke e studiuar Librin e Mormonit?

Presidenti Ezra Taft Benson (1899–1994) dëshmoi:

“Nuk është thjesht se Libri i Mormonit na mëson neve të vërtetën, edhe pse ai vërtet e bën këtë. Nuk është vetëm se Libri i Mormonit dëshmon për Krishtin, edhe pse vërtet e bën atë, gjithashtu. Por atje ka diçka më shumë. Ka një fuqi te libri që do të fillojë të vërshojë në jetën tuaj në çastin që filloni një studim serioz të tij. Ju do të gjeni një forcë më të madhe për t’i rezistuar tundimit. Ju do të gjeni forcë të shmangni mashtrimin. Ju do të gjeni forcën të qëndroni në shtegun e ngushtë dhe të ngushtuar. Shkrimet e shenjta quhen ‘fjalët e jetës’ [Doktrina e Besëlidhje 84:85] dhe askund nuk është ajo më e vërtetë sesa te Libri i Mormonit. Kur filloni të keni uri dhe etje për ato fjalë, ju do ta gjeni jetën në begati gjithnjë e më të madhe.” (Ezra Taft Benson, “Libri i Mormonit – Gur[i Kyç] i Besimit Tonë”, , tetor 2011, f. 56–57)

Presidenti Tomas S. Monson (1927–2018) dëshmoi:

“I përgjërohem secilit prej nesh që me lutje ta studiojë dhe ta përsiatë Librin e Mormonit çdo ditë. Teksa e bëjmë këtë, ne do të jemi në gjendje ta dëgjojmë zërin e Shpirtit, t’i bëjmë ballë tundimit, [t’i] mposhtim dyshimin e frikën dhe të marrim ndihmën e qiellit në jetën tonë. Kështu unë dëshmoj me gjithë zemrën time.” (Tomas S. Monson, “Fuqia e Librit të Mormonit”, Liahona, maj 2017, f. 87)

Si mund të gjej kohë për ta studiuar Librin e Mormonit?

Plaku Geri E. Stivenson, i Kuorumit të Dymbëdhjetë Apostujve, dha mësim:

Look to the Book, Look to the Lord

Elder Stevenson explains how the Book of Mormon is the keystone of our religion and how members can gain a testimony of it by reading it.

“Me qëllim që të ndihmoj që Libri i Mormonit të bëhet gur[i kyç] i dëshmisë suaj, unë po ju bëj një ftesë. Së fundi mësova se shumë të rinj kalojnë një mesatare prej shtatë orësh në ditë duke parë në ekrane televizori, kompjuteri dhe celularë inteligjentë. Duke pasur parasysh këtë, a do të bënit një ndryshim të vogël? A do ta zëvendësoni një pjesë të asaj kohe të përditshme ekrani – veçanërisht kohën kushtuar mediave shoqërore, internetit, lojërave, apo televizionit – me leximin e Librit të Mormonit? Nëse studimet, të cilave iu referova, janë të sakta, ju mund të gjeni lehtësisht kohë për studimin e përditshëm të Librit të Mormonit qoftë edhe për vetëm 10 minuta në ditë. Dhe mund të studioni në një mënyrë që ju lejon ta shijoni dhe ta kuptoni – qoftë në pajisjen tuaj apo në trajtë libri.” (Geri E. Stivenson, “Shihni te Libri, Shihni te Zoti”, Liahona, nëntor 2016, f. 46–47)