Zotërimi Doktrinor: 1 Nefi 3:7

“Unë do të Shkoj dhe do të bëj Gjërat që Zoti ka Urdhëruar”

Në një mësim të mëparshëm, mësove se Zoti përgatit gjithnjë një udhë për ne që ta plotësojmë atë Ai na urdhëron të bëjmë. Ky mësim mund të të ndihmojë të mësosh përmendsh referencën dhe frazën kyç të shkrimit të shenjtë për 1 Nefi 3:7, të shpjegosh doktrinën dhe t’i zbatosh parimet e marrjes së njohurisë shpirtërore në situata nga jeta reale.

Shpjego dhe mëso përmendsh

Një qëllim i zotërimit doktrinor është të të lejojë të ushtrohesh për shpjegimin e të vërtetave të ungjillit të Jezu Krishtit me vetë fjalët e tua. Ka mënyra të panumërta se si mund ta bekosh jetën e atyre që ke përreth ndërsa e kupton dhe e shpjegon më mirë doktrinën e Shpëtimtarit që gjenden te shkrimet e Tij të shenjta.

Lexo te 1 Nefi 3:7 dhe përmblidhe atë të mëson ai me vetë fjalët e tua.

Përpiqu të mendosh për një situatë në të cilën të vërtetat e dhëna mësim në këtë varg mund ta ndihmojnë dikë. Pastaj përgjigju për pyetjet vijuese:

• Çfarë të vërtetash nga ky varg do t’i tregoje dikujt në situatën që mendove? Përse?

• Cilat janë mënyrat e ndryshme se si Perëndia mund të përgatitë një udhë për ne që ta plotësojmë atë që Ai kërkon?

• Çfarë përvojash mund të tregosh që e ilustrojnë të vërtetën se Perëndia përgatit një udhë që ne të plotësojmë çfarëdo që Ai na kërkon të bëjmë?

Kalo disa minuta duke mësuar përmendsh referencën dhe frazën kyç të shkrimit të shenjtë për 1 Nefi 3:7: “Unë do të shkoj dhe do të bëj gjërat që Zoti ka urdhëruar”. Një mënyrë për ta bërë këtë është të mendosh për urdhërimet e ndryshme që ka dhënë Zoti dhe ta përsëritësh në mendjen tënde frazën kyç të shkrimit të shenjtë pas secilit.

Ushtroje vënien në zbatim

Ne të gjithë do të përballemi me situata të vështira dhe do të na kërkohet nga Perëndia të bëjmë gjëra të vështira në jetën tonë. Zbatimi i parimeve të marrjes së njohurisë shpirtërore mund të të ndihmojë ta forcosh besimin tënd te Jezu Krishti teksa përballesh me këto situata.

Lexoji skenarët vijues dhe zgjidh një tek i cili dëshiron të përqendrohesh për veprimtarinë e radhës.

1. Sara e do Zotin dhe dëshiron të shërbejnë në Kishën e Tij. Sidoqoftë, ajo kohët e fundit ka marrë një detyrë në Kishë për të cilën nuk ndihet e kualifikuar që ta plotësojë. Ajo e pranoi detyrën por heziton të veprojë më tej.

2. Roza ndihet keq me veten sepse e ka të vështirë të mbajë një urdhërim të caktuar. Ajo i është bindur urdhërimit me raste, por nuk e ka bërë në mënyrë të qëndrueshme.

Vepro me besim

Lexo paragrafët 5–7 në pjesën “Marrja e Njohurisë Shpirtërore” te Dokumenti Bazë i Zotërimit Doktrinor (2022).

1. Përgjigju për pyetjet vijuese:

• Si mund ta ndihmojë thënia e Plakut Holland te paragrafi 6 Sarën ose Rozën?

• Nëse Sara ose Roza nuk mund ta plotësojë menjëherë atë që kërkon Perëndia, si mund ta ndihmojnë atë të vërtetat rreth Atit Qiellor te paragrafi 7?

• Nëse ke pasur mendime të ngjashme me të Sarës ose Rozës, çfarë të ka ndihmuar ose mund të të ndihmojë të ecësh përpara me besim te Jezu Krishti?

Shqyrtoji konceptet dhe pyetjet me një këndvështrim të përjetshëm

Lexo paragrafin 8 në pjesën “Marrja e Njohurisë Shpirtërore” te Dokumenti Bazë i Zotërimit Doktrinor. Merr parasysh të shenjosh të paktën dy fraza ose ide që ti mendon se mund ta ndihmojnë Sarën ose Rozën.

2. Përgjigju për pyetjet vijuese:

• Si mund ta ndihmojë secila nga frazat që zgjodhe Sarën ose Rozën?

• Çfarë di rreth Atit Qiellor dhe mënyrës se si Ai i trajton fëmijët e Tij që mund të të ndihmojë?

• Si mund të ndihmojë të parit e situatës në kontekstin e planit të shpëtimit?

Kërko kuptueshmëri të mëtejshme nëpërmjet burimeve të caktuara në mënyrë hyjnore

Lexo paragrafin 11 në pjesën “Marrja e Njohurisë Shpirtërore” te Dokumenti Bazë i Zotërimit Doktrinor.

3. Përgjigju për pyetjet vijuese:

• Kur do t’i këshilloje Sarës ose Rozës të kërkonte për të vërteta që mund ta ndihmonin?

Gjej disa minuta për të kërkuar burime të caktuara në mënyrë hyjnore për të vërtetat që mendon se gjejnë zbatim për situatën. Një burim që mund të zgjedhësh është lista e fragmenteve të zotërimit doktrinor që gjenden në fund të materialit Dokumenti Bazë i Zotërimit Doktrinor. Merr parasysh të lexosh frazat kyç të shkrimit të shenjtë për fragmentet e Librit të Mormonit, duke kërkuar ato që mund të jenë të dobishme. Sigurohu të përfshish referencën 1 Nefi 3:7 si një nga burimet e tua.

• Çfarë gjete që mund ta tregosh?

• Si kanë sjellë të vërtetat që gjete një ndryshim në jetën tënde?

12 Fragmentet e Para dhe Frazat Kyç të Zotërimit Doktrinor

Manual i Mësuesit për Librin e Mormonit (2024)

Referenca e Shkrimit të Shenjtë	Fraza Kyç e Shkrimit të Shenjtë
Referenca e Shkrimit të Shenjtë 1 Nefi 3:7	Fraza Kyç e Shkrimit të Shenjtë “Unë do të shkoj dhe do të bëj gjërat që Zoti ka urdhëruar.”
Referenca e Shkrimit të Shenjtë 2 Nefi 2:25	Fraza Kyç e Shkrimit të Shenjtë “Adami ra që njerëzit të mund të jenë; dhe njerëzit janë, që ata të mund të kenë gëzim.”
Referenca e Shkrimit të Shenjtë 2 Nefi 2:27	Fraza Kyç e Shkrimit të Shenjtë “Ata janë të lirë të zgjedhin lirinë dhe jetën e përjetshme … ose … robërinë dhe vdekjen.”
Referenca e Shkrimit të Shenjtë 2 Nefi 26:33	Fraza Kyç e Shkrimit të Shenjtë “Të gjithë janë njësoj para Perëndisë.”
Referenca e Shkrimit të Shenjtë 2 Nefi 28:30	Fraza Kyç e Shkrimit të Shenjtë Perëndia “do t’u jap[ë] fëmijëve të njerëzve rresht pas rreshti, parim pas parimi”.
Referenca e Shkrimit të Shenjtë 2 Nefi 32:3	Fraza Kyç e Shkrimit të Shenjtë “Ushqehuni me bollëk me fjalët e Krishtit; pasi, vini re, fjalët e Krishtit do t’ju tregojnë të gjitha gjërat që ju duhet të bëni.”
Referenca e Shkrimit të Shenjtë 2 Nefi 32:8–9	Fraza Kyç e Shkrimit të Shenjtë “Ju duhet të luteni gjithmonë.”
Referenca e Shkrimit të Shenjtë Mosia 2:17	Fraza Kyç e Shkrimit të Shenjtë “Kur jeni në shërbimin e bashkëqenieve tuaja, ju jeni vetëm në shërbimin e Perëndisë tuaj.”
Referenca e Shkrimit të Shenjtë Mosia 2:41	Fraza Kyç e Shkrimit të Shenjtë “At[a] që zbatojnë urdhërimet e Perëndisë … janë të bekuar në të gjitha gjërat.”
Referenca e Shkrimit të Shenjtë Mosia 3:19	Fraza Kyç e Shkrimit të Shenjtë “Zhv[ishe] njeriun e natyrshëm dhe … bëh[u] një shenjtor nëpërmjet shlyerjes së Krishtit Zot.”
Referenca e Shkrimit të Shenjtë Mosia 4:9	Fraza Kyç e Shkrimit të Shenjtë “Besoni në Perëndinë; … besoni se ai ka të gjithë diturinë.”
Referenca e Shkrimit të Shenjtë Mosia 18:8–10	Fraza Kyç e Shkrimit të Shenjtë “Pagëz[ohuni] në emrin e Zotit, si një dëshmi … që ju keni hyrë në një besëlidhje me të.”

© 2023 by Intellectual Reserve, Inc. All rights reserved.