Мормоны Номын семинарын суралцагчийн гарын авлага (2024)

Агуулга
Нүүр хуудас
Мормоны Номын семинарын суралцагчийн гарын авлага-ын оршил
Мормоны Ном—Оршил материал
Мормоны Номын удиртгал хэсгүүд
1 Нифай 1–5
1 Нифай 6–10
1 Нифай 11–15
1 Нифай 16–22
2 Нифай 1–2
2 Нифай 3–5
2 Нифай 6–10
2 Нифай 11–19
2 Нифай 20–25
2 Нифай 26–30
2 Нифай 31–33
Иаков 1–4
Иаков 5–7
Инос–Мормоны үгс
Moзая 1–3
Moзая 4–6
Moзая 7–10
Moзая 11–17
Moзая 18–24
Moзая 25–28
Мозая 29–Алма 4
Алма 5–7
Алма 8–12
Алма 13–16
Алма 17–22
Алма 23–29
Алма 30–31
Алма 32–35
Алма 36–38
Алма 39–42
Алма 43–52
Алма 53–63
Хиламан 1–6
Хиламан 7–12
Хиламан 13–16
3 Нифай 1–7
3 Нифай 8–11
3 Нифай 12–16
3 Нифай 17–19
3 Нифай 20–26
3 Нифай 27–4 Нифай 1
Moрмон 1–6
Moрмон 7–9
Ифер 1–5
Ифер 6–11
Ифер 12–15
Moронай 1–6
Moронай 7–9
Моронай 10

1 Нифай 6–7: “Бурханы зүйлсийг” тодорхойлох нь

“1 Нифай 6–7: ‘Бурханы зүйлсийг’ тодорхойлох нь,’” Мормоны Номын багшийн гарын авлага (2024)

“1 Нифай 6–7: ‘Бурханы зүйлсийг’ тодорхойлох нь,’” Мормоны Номын багшийн гарын авлага

1 Нифай 6–7

“Бурханы зүйлсийг” тодорхойлох нь

Нифай болон түүний ах нар Ишмэилтэй ярилцсан нь

Хэрэв та хойч үедээ сургамж болгон үлдээх тэмдэглэл бичих байсан бол юу оруулах байсан бэ? Нифай бичээснүүд нь Бурханыг баярлуулж, Есүс Христийг дагахыг бусдад ятгахыг хүсэж байгааг илэрхийлсэн. Энэ хичээл нь танд Мормоны Номын зорилгыг ойлгох нь таны суралцахад болон амьдралд хэрхэн тусалж болохыг ойлгоход тусална.

Яагаад Мормоны Номыг судалдаг вэ?

Найз тань танаас дараах асуултуудыг асууж байна гэж төсөөлөн бод.

Шашны болон сайн хүн болох талаар олон ном байдаг, би яагаад заавал Мормоны Номыг унших ёстой вэ? Энэ намайг юунд хүргэх вэ? Энэ нь бусад номоос юугаараа өөр эсвэл илүү сайн бэ?

Нифай өөрийн санаа, зорилго, тэмүүлэл, Мормоны Номд хийсэн зүйлийн тэмдэглэлээ хуваалцсан. Эдгээр зорилгыг мэдэх нь бидэнд бид яагаад номыг унших ёстой талаар мөн энэ нь бидэнд юу хийж өгч чадахыг ойлгоход тусална.

1 Нифай 6:3–6-г уншиж, Нифайн тэмдэглэлээ хөтлөх зорилгыг тодорхойлсон үг, хэллэгийг тэмдэглэх талаар бодож үз. “Абрахам, … Исаак, … Иаковын Бурхан” (4-р шүлэг) бол Есүс Христийн нэр юм гэдгийг мэдэх нь тустай байж болох юм.

Зураг

дүрс, тэмдэглэх

Дараах асуултад хариул.

Нифайн хийсэн зүйлээ яагаад тэмдэглэснийг та хэрхэн тайлбарлах вэ?

Нифайн хэлснээр, түүний бичээснүүд нь биднийг Есүс Христэд итгэхийг ятгах зорилготой байсан бөгөөд зөвхөн Бурханд таалагдах зүйлсийг агуулсан байдаг.

Мормоны Номыг уншсан туршлагынхаа тухай бодох цаг гарга.

Мормоны Ном нь танд Бурханы таалалд нийцэх зүйлийг мэдэхэд тусалж байна уу? Хэрэв тийм бол хэрхэн тус болсон бэ?
Мормоны Ном Есүс Христэд илүү ойртож, аврагдахад тань тусалж байгаа юм шиг санагдаж байна уу? Яагаад тийм эсвэл яагаад үгүй вэ?
Бурханы зүйлсийг мэдэж, Есүс Христэд илүү ойртох нь таны амьдралд ямар адислал болж болох вэ?

Есүс Христ рүү эргэж, Бурханд таалагдах зүйлсийг мэдэх

Мормоны Номыг уншиж байхдаа Нифайн зорилгыг олж мэдэх нь судраас суралцах ашигтай ур чадвар юм. Та 1 Нифай 7-г судалж байхдаа үүнийг хийх боломжтой болно.

Нифайн 1 Нифай 7-д өгүүлсэн үйл явдлуудыг гурван үндсэн хэсэгт хувааж болно. Хэсэг тус бүрийн дараах дүгнэлтийг унш. Нэгийг нь сонгоод цааш нь судалж, Бурханыг баярлуулж, Христэд ирэхэд бидэнд туслах бүхнийг эрэлхийл.

1-р хэсэг. 1 Нифай 7:1–5. Нифай болон түүний ах нар Ишмаелын гэр бүлийг амлагдсан нутаг руу явах аяндаа нэгдэхийг ятгахаар дахин Иерусалим руу буцаж ирэв. Энэ нь Нифайд болон түүний ах нарт гэрлэж, гэр бүлтэй болох боломж байсан.

2-р хэсэг. 1 Нифай 7:6–18. Лемен, Лемүел хоёр Нифайг аглаг буйдад үхүүлэхээр хүлж үлдээжээ. Гэвч Нифай агуу итгэлтэй байсан бөгөөд Их Эзэн түүнийг гайхамшигтай байдлаар чөлөөлсөн.

3-р хэсэг. 1 Нифай 7:17–22. Нифай ах нарынхаа өөрийг нь алахыг завдсаныг чин сэтгэлээсээ уучилсан бөгөөд тэр бүлэг Лихай, Сариа хоёр луу буцаж ирэв.

Зураг

дүрс, тэмдэглэх

Судлахаар сонгосон судрын хэсгийг тэмдэглээд, дараах асуултуудад хариул.

Хичээлээ судлах явцдаа та Бурханы таалалд нийцэх, Христ рүү ирэхэд тань туслах юу сурч мэдсэн бэ?

Таны олж мэдсэн зүйл таны амьдралд хэрхэн туслах вэ?

Та Есүс Христэд ирэхэд тань туслах, Бурханд таалагдах зүйлсийг эрэлхийлж байхдаа өнөөдөр судалж байсан туршлагаа эргэцүүлэн бод.

Зураг

дүрс, тэмдэглэх

Дараах асуултад хариул.

Хэрэв та хичээлдээ ийм байдлаар тууштай хандвал судар судлах тань хэрхэн сайжирч болох вэ?

Нэмэлт: Илүү ихийг судлахыг хүсэж байна уу?

Мормоны Номыг чин сэтгэлээсээ судалж, түүнд агуулагдах үнэнийг тэмдэглэснээр ямар адислал ирж болох вэ?

Зүүн Европоос ирсэн залуучууд Мормоны Номыг уншиж, сурч мэдсэн зүйлээ тэмдэглэж авсан туршлагаа дүрсэлсэн дараах видео бичлэгийг үз.

Яагаад Их Эзэнд гэр бүл чухал вэ? Би өөрийн гэр бүлдээ одоо ямар өөрчлөлт хийж болох вэ?

Амласан газар дээр үр хүүхэдтэй болохын тулд Лихайн хөвгүүд гэрлэх шаардлагатайг судруудад өгүүлдэг бөгөөд орчин үеийн бошиглогчдоор дамжуулан гэр бүл бол бидний мөнхийн хувь заяаг хэрэгжүүлэх Их Эзэний төлөвлөгөөний гол цөм гэдгийг бид сурдаг. Дараах эх сурвалж нь бидэнд гэр бүлийн ач холбогдлыг болон тэдгээрийн үзүүлэх нөлөөг гүн гүнзгий ойлгоход туслах боломжтой.

“Гэр бүл: Дэлхий дахинаа өргөх тунхаг,” ChurchofJesusChrist.org
Julie B. Beck, “Teaching the Doctrine of the Family,” Ensign, Mar. 2011, 12–17
Сайн мэдээний сэдэв, “Гэр бүл,” topics.ChurchofJesusChrist.org

Би бусдыг хэрхэн уучлах вэ?

Арван хоёр төлөөлөгчийн чуулгын ахлагч Жэффри Р.Холланд дараах зүйлийг заасан.

Зураг
Ахлагч Жэффри Р.Холланд

Христ Шинэ Гэрээний үед “Уучлагтун, тэгвэл та нар мөн уучлагдана” [Лук 6:37] гэж заасан. Харин бидний өдөр “Их Эзэн, бибээр өршөөх түүнийгээ би өршөөх болно, харин бүх хүмүүнийг уучлах нь та нараас шаардагдана” (Сургаал ба Гэрээ 64:10). “Гэвч та нарын зарим нь үнэхээр зовлон зүдгүүртэй амьдарч байгаа бол Аврагчийн юу гэж хэлээгүйд анхаарах нь чухал. “Та нарт бусдаас болж тохиолдсон, тэрхүү гомдмоор явдлаас үүссэн жинхэнэ шаналал эсвэл бодит зовлонг та нар мэдэрч болохгүй” гэж Тэр хэлээгүй. “Бүрэн уучлахын тулд та нар хор хөнөөлтэй харилцаагаа үргэлжлүүлэх эсвэл хүч хэрэглэсэн, хөнөөлтэй нөхцөл байдал руу эргэн очих хэрэгтэй” гэж Тэр хэлээгүй. Дэндүү их гомдоох явдал тохиолдсон ч гэсэн, хэрвээ бид хөлөө жинхэнэ эдгэрлийн зам дээр тавих юм бол зовлон шаналлаа даван гарч чадна. Энэ бол бидний хүн нэг бүрийг “Ирж, Намайг дага” [Лук 18:22] хэмээн дууддаг Назарын Есүсийн алхсан өршөөлийн зам билээ. (Жэффри Р.Холланд, “Эвлэрлийн тохируулал,” 2018 оны 10-р сарын Ерөнхий чуулган, 71–74)

Далын гишүүнээр үйлчилж байхдаа ахлагч Ларри Ж.Эко Хок дараах зүйлийг хуваалцсан.

Зураг
Ахлагч Ларри Ж.Эко Хок

Ах, эгч нар аа, зовлон шаналал авчирсан хүмүүс бидний амьдралд байдаг уу? Бид дургүйцэл, уур хилэнгээ бүрэн үндэслэлтэй гэж бодон, дотроо хадгалсаар байгаа юу? Бидний бардамнал бусдыг өршөөж, тавьж явуулахад саад болж байна уу? Би та бүхнийг бүрэн уучлан өршөөж, дотроосоо илаарьшихад уриалж байна. Хэдийгээр өршөөл өнөөдөр ирэхгүй байж болох ч хэрэв бид өршөөхийг хүсэж, үүний төлөө ажиллах юм бол энэ нь эцэстээ надад ирсний адил та нарт ч мөн адил ирэх болно. (Ларри Ж.Эко Хок, “Эзэн уучилсны адил та нар ч бас уучил,” 2018 оны 4-р сарын Ерөнхий чуулган, 15)