Vlerësoni të Mësuarit Tuaj 1

1 Nefi 1-15

Ky mësim ka për qëllim të të ndihmojë të vlerësosh synimet që ke vendosur dhe rritjen që ke përjetuar deri tani gjatë studimit tënd të Librit të Mormonit.

Studioje Librin e Mormonit Çdo Ditë

• Cilat janë disa gjëra që i bën çdo ditë ose çdo natë?

• Çfarë mund të ndodhte po t’i anashkaloje këto veprimtari për një ditë ose më shumë?

• Pse studimi i përditshëm i shkrimeve të shenjta është diçka që duhet të përpiqemi fort që ta bëjmë?

Zgjidh një nga sa vijon për të përshkruar se si po ecën studimi yt i përditshëm i Librit të Mormonit:

1. Studimi im duket kuptimplotë dhe ka qenë sistematik.

2. Studimi im është i mirë kur ndodh, por nuk po ndodh shumë rregullisht.

3. Jam sistematik me studimin tim, por nuk përfitoj shumë prej tij.

4. Po has vështirësi që ta kuptoj atë që lexoj dhe rrallëherë studioj më vete.

5. Nuk kam bërë asgjë për të punuar drejt një synimi për studimin e shkrimeve të shenjta.

6. Tjetër: shpjegoje përgjigjen tënde.

Është e natyrshme të të dalin pengesa me një synim të përditshëm si ky. Gjëja e rëndësishme është të vazhdosh të përpiqesh.

• Çfarë ka shkuar mirë në studimin tënd të Librit të Mormonit? Çfarë do të doje të bëje më mirë ose ndryshe?

Mendime dhe ndjenja vetjake rreth Librit të Mormonit

1. Plotëso të paktën njërën prej veprimtarive vijuese në ditarin tënd të studimit:

Veprimtaria 1: Mbledhja e dëshmive

Nëse do të jepje dëshmi në mbledhjen e sakramentit rreth Librit të Mormonit, çfarë do të thoshe për të përçuar ndjenjat e tua?

Veprimtaria 2: Përse studion?

Imagjino sikur po studion Librin e Mormonit kur një motër ose vëlla më i vogël hyn në dhomë dhe të pyet: “Çfarë po lexon?” Ti i përgjigjesh: “Librin e Mormonit”. Vëllai ose motra të pyet: “Përse?” Shkruaj dy ose tre fjali duke përshkruar atë që mund t’i thoshte vëllait ose motrës më të vogël për ta ndihmuar atë të kuptojë pse zgjodhe ta studiosh Librin e Mormonit.

Veprimtaria 3: Një publikim në rrjetet sociale

Një mik shkruan publikimin vijues në rrjetet sociale: “Sapo kam filluar ta lexoj Librin e Mormonit dhe po më pëlqen pa masë! Çdokush prej jush që e ka lexuar Librin e Mormonit më parë, ju lutem, a do të më tregoni vargun tuaj të parapëlqyer dhe një shpjegim të shkurtër të arsyes pse ju pëlqen pa masë?”

Ëndrra e Lehit

Gjej një minutë për t’u hedhur një sy këtyre ilustrimeve të pemës së jetës dhe për të reflektuar mbi atë që mësove.

2. Përgjigju për pyetjet vijuese:

   • Çfarë pjesësh dhe simbolesh të ndryshme të ëndrrës mban mend?

   • Cili nga simbolet të bëri përshtypje më shumë? Përse?

   • Si ngjason ëndrra e Lehit me botën tonë sot?

Merre parasysh se si pjesë të ndryshme të ëndrrës së Lehit mund t’i ndihmojnë individët në skenarët vijues:

• Një i ri po kalon kohë me një grup njerëzish që zgjedhin ta shkelin Fjalën e Urtësisë dhe t’i bëjnë presion atij për të bërë të njëjtën gjë.

• Një e re mendon se do ta marrë më seriozisht studimin prej saj të shkrimeve të shenjta kur jeta e saj stresuese të qetësohet.

• Një i ri fillon të ndihet i turpëruar për anëtarësinë e tij në Kishën e Jezu Krishtit të Shenjtorëve të Ditëve të Mëvonshme kur dëgjon të tjerët të tallin njerëzit që janë fetarë.

3. Përgjigju për pyetjet vijuese:

   • Si mund ta përdorësh ëndrrën e Lehit për të trajtuar secilin skenar?

   • Cili mësim ose e vërtetë nga ëndrra e Lehit ndien se mund të të ndihmojë të afrohesh më shumë me dashurinë e Perëndisë në jetën tënde?

Ti mund t’i mbash urdhërimet

Gjatë mësimit për kapitullin 1 Nefi 3, mund të kesh vënë një synim që të jesh më i bindur ndaj një urdhërimi që ka qenë i vështirë për t’u mbajtur. Reflekto për përparimin tënd kundrejt këtij synimi dhe shënoji mendimet e tua në ditarin tënd të studimit ose atë vetjak. Merri parasysh pyetjet vijuese teksa reflekton dhe shkruan:

• Si po shkon përpjekja jote për t’iu bindur këtij urdhërimi?

• Çfarë suksesesh ose pengesash ke përjetuar?

• Si mund ta rregullosh planin tënd?

• Si je bekuar për përpjekjet e tua?

• Kur ka përgatitur Zoti një udhë për ty që të jesh i bindur?

Nëse nuk ke menduar për një urdhërim që mund të jetë i vështirë për ta mbajtur ti, mendo për një tani. Vendos se çfarë veprimesh mund të ndërmarrësh për ta mbajtur atë më plotësisht.

Presidenti Henri B. Aring, i Presidencës së Parë, dha mësim se mirëbesimi i Nefit te Zoti mund të na japë nxitje kur na duket e vështirë t’u bindemi urdhërimeve të Zotit:

“Djaloshi Nefi në Librin e Mormonit frymëzon tek ne një dëshirë për të zhvilluar mirëbesim tek Zoti dhe për t’iu bindur urdhërimeve të Tij, pavarësisht se sa të vështira të na duken. Nefi u përball me rrezik dhe vdekje të mundshme kur tha këto fjalë mirëbesimi, që ne mund dhe duhet t’i ndiejmë vazhdueshëm në zemrën tonë: ‘Unë do të shkoj dhe do të bëj gjërat që Zoti ka urdhëruar, pasi e di se Zoti nuk u jep urdhërime fëmijëve të njerëzve pa përgatitur një udhë për ta, që ata të mund të plotësojnë gjënë, që ai i urdhëron’ [1 Nefi 3:7].” (Henri B. Ajring, “Mirëbeso tek Perëndia, Pastaj Shko dhe Bëj”, Liahona, nëntor 2010, f. 71)