Përsëritja 1 e Zotërimit Doktrinor për Librin e Mormonit

Shenjo dhe Mëso Përmendsh

Një nga qëllimet e zotërimit doktrinor është të të ndihmojë t’i mësosh përmendsh referencat e shkrimeve të shenjta dhe frazat kyç të shkrimeve të shenjta të zotërimit doktrinor. Ky mësim ka për qëllim të të ndihmojë t’i gjesh, shenjosh dhe të praktikosh mësimin përmendsh të referencave të shkrimeve të shenjta dhe të frazave kyç të shkrimeve të shenjta për 12 fragmentet e para të shkrimeve të shenjta të zotërimit doktrinor të Librit të Mormonit.

Veprimtari të Mundshme të të Mësuarit

Referencat e shkrimeve të shenjta dhe frazat kyç të shkrimeve të shenjta

• Pse do të ishte e dobishme t’i njihje referencat e shkrimeve të shenjta dhe frazat kyç të shkrimeve të shenjta për fragmentet e zotërimit doktrinor?

Për të të ndihmuar t’i mësosh referencat e shkrimeve të shenjta dhe frazat kyç të shkrimeve të shenjta për 12 fragmentet e para të zotërimit doktrinor, merr parasysh ta kopjosh tabelën e mëposhtme në ditarin tënd të studimit ose të shkarkosh programin Doctrinal Mastery [Zotërimi Doktrinor] në aparatin tënd celular dhe të përdorësh veprimtaritë në program për të të ndihmuar me mësimin përmendsh.

12 Fragmentet e Para dhe Frazat Kyç të Zotërimit Doktrinor

Manual i Mësuesit për Librin e Mormonit (2024)

Referenca e Shkrimit të Shenjtë	Fraza Kyç e Shkrimit të Shenjtë
Referenca e Shkrimit të Shenjtë 1 Nefi 3:7	Fraza Kyç e Shkrimit të Shenjtë “Unë do të shkoj dhe do të bëj gjërat që Zoti ka urdhëruar.”
Referenca e Shkrimit të Shenjtë 2 Nefi 2:25	Fraza Kyç e Shkrimit të Shenjtë “Adami ra që njerëzit të mund të jenë; dhe njerëzit janë, që ata të mund të kenë gëzim.”
Referenca e Shkrimit të Shenjtë 2 Nefi 2:27	Fraza Kyç e Shkrimit të Shenjtë “Ata janë të lirë të zgjedhin lirinë dhe jetën e përjetshme … ose … robërinë dhe vdekjen.”
Referenca e Shkrimit të Shenjtë 2 Nefi 26:33	Fraza Kyç e Shkrimit të Shenjtë “Të gjithë janë njësoj para Perëndisë.”
Referenca e Shkrimit të Shenjtë 2 Nefi 28:30	Fraza Kyç e Shkrimit të Shenjtë Perëndia “do t’u jap[ë] fëmijëve të njerëzve rresht pas rreshti, parim pas parimi”.
Referenca e Shkrimit të Shenjtë 2 Nefi 32:3	Fraza Kyç e Shkrimit të Shenjtë “Ushqehuni me bollëk me fjalët e Krishtit; pasi, vini re, fjalët e Krishtit do t’ju tregojnë të gjitha gjërat që ju duhet të bëni.”
Referenca e Shkrimit të Shenjtë 2 Nefi 32:8–9	Fraza Kyç e Shkrimit të Shenjtë “Ju duhet të luteni gjithmonë.”
Referenca e Shkrimit të Shenjtë Mosia 2:17	Fraza Kyç e Shkrimit të Shenjtë “Kur jeni në shërbimin e bashkëqenieve tuaja, ju jeni vetëm në shërbimin e Perëndisë tuaj.”
Referenca e Shkrimit të Shenjtë Mosia 2:41	Fraza Kyç e Shkrimit të Shenjtë “At[a] që zbatojnë urdhërimet e Perëndisë … janë të bekuar në të gjitha gjërat.”
Referenca e Shkrimit të Shenjtë Mosia 3:19	Fraza Kyç e Shkrimit të Shenjtë “Zhv[ishe] njeriun e natyrshëm dhe … bëh[u] një shenjtor nëpërmjet shlyerjes së Krishtit Zot.”
Referenca e Shkrimit të Shenjtë Mosia 4:9	Fraza Kyç e Shkrimit të Shenjtë “Besoni në Perëndinë; … besoni se ai ka të gjithë diturinë.”
Referenca e Shkrimit të Shenjtë Mosia 18:8–10	Fraza Kyç e Shkrimit të Shenjtë “Pagëz[ohuni] në emrin e Zotit, si një dëshmi … që ju keni hyrë në një besëlidhje me të.”

Shqyrtoji e shenjoji në shkrimet e tua të shenjta të gjitha këto 12 fragmente të shkrimeve të shenjta për zotërimin doktrinor dhe të frazave kyç të shkrimeve të shenjta. Merr parasysh t’i shenjosh fragmentet e zotërimit doktrinor në mënyrë të veçantë nga shenjimet e tua të tjera.

1. Zgjidh të paktën dy fragmente të shkrimeve të shenjta për zotërimin doktrinor dhe bëj sa më poshtë:

• Shkruaji referencat dhe frazat kyç të shkrimeve të shenjta sa më mirë të mundesh nga kujtesa jote.

• Trego se si fakti që e di të vërtetën në këto vargje mund të jetë një bekim në jetën tënde.

Gjatë disa ditëve të ardhshme, përpiqu t’i mësosh përmendsh referencat dhe frazat kyç të shkrimeve të shenjta për disa fragmente të shkrimeve të shenjta të zotërimit doktrinor. Vazhdo të mendosh rreth mënyrave se si këto vargje mund ta bekojnë jetën tënde dhe jetën e atyre që njeh.