“2 Nephi 21–24: Ang Milenyum,” Manwal sa Magtutudlo sa Basahon ni Mormon (2024)
“2 Nephi 21–24,” Manwal sa Magtutudlo sa Basahon ni Mormon
2 Nephi 21–24
Ang Milenyum
Hunahunaa kon unsa ang kinabuhi kon walay kadautan sa kalibotan. Usa unya ka adlaw ang kalibotan mahimong ingon niini. Kini mahitabo sa panahon sa melinyal nga paghari ni Jesukristo. Daghang mga propeta, lakip sila si Nephi ug Isaias, nanagna mahitungod sa 1,000 ka tuig nga kalinaw nga gitawag og Milenyum. Kini nga leksiyon makatabang kanimo sa pagsabot ug pag-andam alang sa melinyal nga paghari sa Manluluwas.
Ang umaabot
-
Unsa ang pipila ka importante nga mga panghitabo sa umaabot nga imong gipaabot? Ngano man?
-
Unsa ang imong mga pagbati kon imong hunahunaon kini nga mga panghitabo?
-
Unsay imong gibuhat aron mangandam?
Ang Milenyum
Ang usa ka importante nga panghitabo sa umaabot mao ang Milenyum.
-
Unsay imong nahibaloan bahin sa Milenyum? Unsa imong mga pangutana bahin niini?
Mahimo nimong isulat ang mga pangutana nga aduna ka ug pagbilin og luna aron makahimo og mga mubo nga sulat. Samtang magtuon ka karon, pangitaa ang mga tubag sa imong mga pangutana.
Si propeta Nephi misulat mahitungod sa kataposang mga adlaw ug milakip sa daghan sa mga panagna ni Isaias mahitungod sa kataposang mga adlaw. Si Isaias nanagna sa kalaglagan sa Asiria ug Babelon isip usa ka matang sa kalaglagan sa Ikaduhang Pag-anhi (tan-awa sa 2 Nephi 20; 23). Nanagna usab siya sa Pagpahiuli sa ebanghelyo nga mag-una pa sa melinyal nga paghari ni Jesukristo. Ang iyang mga panagna puno sa simbolismo ug mga paghulagway nga makadugang sa giladmon sa atong pagsabot sa Milenyum.
Basaha ang mosunod nga mga panagna gikan ni Nephi ug ni Isaias ug pangitaa ang mga paghulagway sa Milenyum.
Mahimo nimong i-drowing ang pipila ka mga paghulagway.
-
Tubaga ang mosunod nga mga pangutana:
-
Gikan niini nga mga paghulagway, sa unsang paagi sa imong hunahuna ang imong kinabuhi mahimong lahi diha sa Milenyum?
-
Unsa nga mga paghulagway sa Manluluwas ang imong napalgan? Unsa ang gitudlo niini kanimo mahitungod Kaniya?
-
Usa sa mga kamatuoran nga atong makat-onan gikan niini nga mga kasulatan mao nga si Jesukristo maghari sa yuta diha sa pagkamatarong ug kalinaw atol sa Milenyum.
Hunahunaa diha sa imong hunahuna kon unsa kaha ang pagpuyo sa panahon sa Milenyum—sa dihang ang Manluluwas maghari diha sa pagkamatarong ug kalinaw. Pamalandongi kon sa unsang paagi ang kalinaw sa Manluluwas makapanalangin sa imong kinabuhi.
Si Presidente Dallin H. Oaks sa Unang Kapangulohan mihulagway sa laing panalangin sa Milenyum:
Ang pagkawala maminyo, pagkawalay anak, kamatayon, ug diborsyo makapakyas sa mga mithi ug nagpalangan sa katumanan sa gisaad nga mga panalangin. … Ang Ginoo misaad nga sa kahangtoran walay panalangin nga ihikaw sa iyang mga anak kinsa nagsunod sa mga sugo, mga matinuoron sa ilang mga pakigsaad, ug nagtinguha sa unsay matarong.
Daghan sa labing importante nga mga kawad-on sa mortalidad itakdang ihusto sa Milenyum, nga mao ang panahon sa pagtuman sa tanan nga dili kompleto sa dakong plano sa kalipay alang sa tanang takos nga mga anak sa atong Amahan. Nasayod kita nga tinuod kana sa mga ordinansa sa templo. Ako nagtuo nga tinuod usab kini sa mga relasyon sa pamilya ug mga kasinatian. (Presidente Dallin H. Oaks, “The Great Plan of Happiness,” Ensign, Nob. 1993, 75)
-
Tubaga ang duha o labaw pa sa mosunod nga mga pangutana:
-
Unsa ang gitudlo niini nga pamahayag kanimo mahitungod sa Langitnong Amahan ug ni Jesukristo?
-
Hain sa mga panalangin sa Milenyum ang imong labihang gitinguha? Ngano man?
-
Atol sa leksiyon, unsa nga mga tubag ang imong napalgan sa imong mga pangutana mahitungod sa Milenyum?
-
Para sa dugang nga tabang sa pagtubag sa imong mga pangutana, tan-awa ang “Milenyum [Kaliboan]” diha sa Giya ngadto sa mga Kasulatan.
Pagpangandam alang sa Milenyum
Niadtong 2020, gisugdan ang mga pagbag-o [renovation] sa Salt Lake Temple. Si Elder Gary E. Stevenson sa Korum sa Napulog Duha ka Apostoles namulong mahitungod niini nga mga pagbag-o. Pangitaa kon giunsa niya kini pagtandi sa atong kaugalingong mga kinabuhi. Tan-awa ang bidyo “Usa ka Maayong Patukuranan alang sa Umaabot,” anaa sa ChurchofJesusChrist.org, gikan sa time code 14:51 hangtod sa 15:26, o basaha ang pamahayag sa ubos.
Kini sinsero nga paglaum sa mga lider sa Simbahan nga ang mahinungdanong mga pagbag-o sa Templo sa Salt Lake makatabang sa katumanan sa tinguha ni Brigham Young nga makakita nga “ang templo matukod sa paagi nga kini molungtad hangtod sa milenyum.” Sa umaabot nga katuigan, unta atong tugotan kining mga kalamboan nga gihimo sa Templo sa Salt Lake sa pagdasig nato, isip mga indibidwal ug pamilya, aron kita sab—sa pinasumbingay—“matukod sa paagi nga molungtad hangtod sa milenyum.” (Gary E. Stevenson, “Usa ka Maayong Patukuranan alang sa Umaabot,” Liahona, Mayo 2020, 51–52)
-
Unsa sa imong hunahuna ang gipasabot sa “matukod sa paagi nga molungtad hangtod sa milenyum”?
-
Tubaga ang mosunod nga mga pangutana:
-
Kon maghunahuna ka bahin sa melinyal nga paghari sa Manluluwas, unsay imong bation?
-
Unsa ang imong mahimo karon aron mangandam alang sa Milenyum?
-
Unsa kaha nga mga hagit ang imong atubangon samtang maghimo ka niini nga mga pagpangandam?
-