2 Нифай 26

Бусдыг Бурханы адил харж, хайрлаж, хандах

Хүмүүс Есүс Христийг хүрээлсэн байгаа нь

Бид өдөр бүр бидний мэдрэмж, үзэл бодолд нөлөөлөх захиас, мэдээлэлтэй тулгардаг. 2 Нифай 26-д Нифай Бурханы үзэл бодлыг заасан. Энэ хичээл танд бусдыг Бурханы адил харж, хайрлаж, хандахад туслах зорилготой.

Бидний үзэл бодол

Дараах зургуудыг судалж үзээд, төрөл бүрийн нүдний шил бидний хараанд хэрхэн нөлөөлдөг талаар бодоорой.

3D шил зүүж буй охин

нарын шил зүүсэн залуу эмэгтэй

нүдний шил зүүсэн эрэгтэй

VR шил зүүсэн залуу эмэгтэй

• Эдгээр өөр төрлийн шил хүний харах өнцөгт хэрхэн нөлөөлөх вэ?

• Бидний харах, бусдад хэрхэн хандахад нөлөөлж болох ямар зүйл байдаг вэ?

Бусдыг харах өнцгөө тунгаан бодох цаг гарга. Таны харах өнцгийг юу бүрдүүлж болохыг, мөн энэ нь таны бусдад хэрхэн хандаж, мэдрэхэд яаж нөлөөлж болох талаар бодож үз. Суралцах явцдаа бусдыг Аврагч шиг харж, харьцахын тулд юу хийж чадахаа мэдэхэд тань туслах сүнслэг нөлөөг эрэлхийл.

Энэ хичээл танд бусдыг Бурханы адил харж, хайрлаж, хандахад туслах зорилготой.

Бурханы зан чанар

2 Нифай 26-д Нифай нифайчуудын дундах Аврагчийн тохинуулал, түүнчлэн өөрийн хүмүүсийн ёс бус байдал, эцсийн сүйрлийг харсан. Тэрээр мөн эцсийн өдрүүд дэх харь үндэстнүүдийн ёс бус байдлыг харсан. Тэрээр мөн дараа нь Бурхан Өөрийн бүх хүүхдэд санаа тавьдаг гэдгийг онцолсон.

2 Нифай 26:12–13, 23–33-ыг уншихдаа дараах гурван асуултыг бодож үз.

• Бурхан хүүхдүүдээ хэрхэн харж, тэдний талаар ямар бодолтой байдаг вэ?

• Тэрээр үүнийг хэрхэн харуулдаг вэ?

• Тэр биднийг бусдыг хэрхэн харж, хандаасай гэж хүсдэг вэ?

дүрс, тэмдэглэх

1. Дараах асуултуудад хариул.

• Асуултад хариулж чадах ямар үг, хэллэг, үнэнийг та тэмдэглэсэн бэ? Яагаад?

• Та Бурханы зан чанарын талаар юу сурч мэдэж, мэдэрсэн бэ?

• Бурханы талаарх эдгээр үнэнийг санах нь Түүнтэй харилцах харилцаанд тань хэрхэн нөлөөлж болох вэ? Энэ нь бусдад хандах хандлагад тань хэрхэн нөлөөлж чадах вэ?

2 Нифай 26:33-д Нифай олон төрлийн хүнийг өөр өөр бүлэгт хослуулан онцолсон гэдгийг анхаар. Дараах тодорхойлолтууд нь эдгээрийг илүү сайн ойлгоход тань тусална. Та энэ шүлгээр эдгээр тодорхойлолтыг судартаа бичиж болох юм.

• Боол: Зарц.

• Бурханыг мэддэггүй хүмүүс: Бурханд итгэдэггүй хүн.

• Иудей болон Харь: Израилын угсаанд харьяалагддаг болон харьяалагддаггүй бүх хүнд хамаарах хэллэг.

2 Нифай 26:33 нь төгс эзэмших сургаалын хэсэг юм. Төгс эзэмших сургаалын судрын хэсгүүдийг дараа амархан олохын тулд онцгойлон тэмдэглэ. Та дараагийн хичээл дээр энэ хэсэгт заасан сургаалыг асуулт эсвэл нөхцөл байдалд хэрэгжүүлэх дадлага хийх боломжтой болно.

• 33-р шүлэг дэх сургаалыг дэлхий хүлээн авч дагасан бол ямар өөрчлөлт авчрах байсан бэ?

Бурханы үзэл бодол, мөн Түүний бусадтай хэрхэн харьцаж, хандаж байгаатай өөрийнхөө үзэл бодол, тэр дундаа бусдад хэрхэн хандаж байгаагаа харьцуулан тунгаан бодох цаг гарга.

  ChurchofJesusChrist.orgИх Эзэн танаас юуг сайжруулахыг хүсэж болох талаар эргэцүүлэн бод.

дүрс, тэмдэглэх

2. Дараах асуултуудад хариул.

• Бүх хүнд хандах Бурханы үзэл бодол, мөн мэдрэмжийг санах нь танд хэрхэн нөлөөлж болох вэ?

• Та бусдыг харж, харьцахдаа Тэнгэрлэг Эцэг, Есүс хоёр шиг байхын тулд ямар арга замаар хэр сайн ажиллаж байна вэ?

• 2 Нифай 26:33 дахь Их Эзэний сургаалыг санах нь Бурханы адил бусдыг харж, хайрлаж, хандахад тань хэрхэн тусалж болох вэ?

Дараагийн хэдэн өдөр та бусдыг хэрхэн харж, хэрхэн мэдэрч, хэрхэн хандаж байгаагаа анзаарахыг хичээ. Ариун Сүнсний сануулгыг сонсож, бусдыг Бурхан шиг хайрлаж, тэдэнд хандахад шаардлагатай өөрчлөлтүүдийг хийхэд Их Эзэнээс тусламж хүс.

Нэмэлт: Илүү ихийг судлахыг хүсэж байна уу?

Би хэрхэн Бурханы адилаар бусдыг харж, хайрладаг болох вэ?

Есүс Христ бидний сайжрах гэсэн хүчин чармайлтад хэрхэн тусалж чадахыг ерөнхийлөгч Рассэлл М.Нэлсон ийн заасан.

Ерөнхийлөгч Рассэлл М.Нэлсон

Бид эрэгтэй, эмэгтэй хүн бүр, охид, хөвгүүд бүр өөрсдийнхөө хамгийн сайн хувилбар болж чадах эв нэгдэл, харилцан хүндэтгэлд хараахан хүрч чадаагүй байна.

Бидний өвдөж буй өвчнийг эмчлэх аргыг Мастер Эдгээгч, Есүс Христ бичсэн. Фарисай хүн Аврагчийн хуулийн хамгийн агуу зарлигийг тодорхойлохыг тохуурхахад Түүний хариу үйлдэл хамгийн мартагдашгүй бөгөөд товч байсан. Энэ нь аз жаргалтай амьдрал руу хөтлөх үнэнээр дүүрэн байсан. Түүний заавар нь эхлээд Бурханыг бүх зүрх сэтгэлээрээ хайрлаж, дараа нь хөршүүдээ өөрийн адил хайрлах байв (Матай 22:35–39-ийг үзнэ үү). …

Бид бүгд холбоотой бөгөөд бидэнд эргэн тойрныхоо хүмүүсийн амьдралыг сайжруулахад туслах Бурханаас өгөгдсөн үүрэг хариуцлага бий. Бид бие биеэ хайрлахын тулд ижил төстэй эсвэл адилхан харагддаг байх албагүй. Тэр ч бүү хэл, бие биеэ хайрлахын тулд үргэлж хоорондоо санал нийлэх шаардлагагүй. Хэрэв бидний хүсдэг сайхан сэтгэл, хүнлэг байдлыг буцааж авах найдвар бидэнд байгаа бол, бидний хүн нэг бүр, нэг удаад, нэг нэгээр эхлэх ёстой. (Russell M. Nelson, “NAACP Convention Remarks” [address given at the annual convention of the National Association for the Advancement of Colored People in Detroit, Michigan, July 21, 2019], newsroom.ChurchofJesusChrist.org)

Арван хоёр төлөөлөгчийн чуулгын ахлагч Дэйл Г.Рэнланд дараахыг хуваалцсан.

Ахлагч Дэйл Г.Рэнланд

Нэгдмэл байхын тулд хүчин чармайлт гаргах шаардлагатай. Энэ нь биднийг Бурханы хайрыг зүрх сэтгэлдээ соёолуулж, мөнхийн хувь заяандаа анхаарлаа төвлөрүүлэх үед өсөн хөгждөг. Бид Бурханы хүүхдүүд гэх нийтлэг үндсэн шинж чанараараа мөн сэргээгдсэн сайн мэдээний үнэнд тууштай байх гэсэн үүрэг амлалтаараа нэгддэг. Бурханыг гэх бидний хайр мөн Есүс Христийн шавь байх нь бусдад чин сэтгэлээсээ санаа тавих хүслийг бадраадаг. Бид өнгө өнгийн цэцэгс адил бусдын өөр өөр зан чанар, харах өнцөг, авьяас чадварыг үнэлдэг. Хэрэв бид Есүс Христийн шавь байх замаа хувийн ашиг сонирхол, үзэл бодлоос дээгүүр тавьж чадахгүй бол нэн тэргүүнд тавьдаг зүйлсээ дахин нэг эргэн харж, өөрчлөгдөх ёстой. (Дэйл Г.Рэнланд, “Христийн амар тайван дайсагналыг хөнөөдөг,” 2021 оны 10-р сарын Ерөнхий чуулган,)

Залуу эмэгтэйчүүдийн ерөнхий ерөнхийлөгчийн зөвлөлийн нэгдүгээр зөвлөх Мишэлл Д.Крэйг эгч ийн заасан.

2 Нифай 26:33 дээрх сургаал хүмүүст Аврагч руу ирэхэд нь хэрхэн туслах вэ?

Калянн Сүмийг судалж байсан ч асуудалтай байсан. Доорх видеог үзэж, 2 Нифай 26:33 түүнд хэрхэн тусалсныг үзээрэй.

• Өмнөх видеог дараагийн хичээл дээр дадлага хийх видео хэлбэрээр санал болгож байгааг анхаарна уу.

Христ дотор нэгдсэн байна гэдэг нь бид бүгд адилхан байх ёстой гэсэн үг үү?

Арван хоёр төлөөлөгчийн чуулгын ахлагч Квинтин Л.Күк, Жэффри Р.Холланд нар Христийн соёл хувь хүний ялгааг хэрхэн зөвшөөрдөг болохыг заасан.

Ахлагч Квинтин Л.Күк

Өнөө үед … олон хүний хувьд ихэнхдээ зиндаа, хүйс, арьс өнгө, хөрөнгө чинээн дээр үндэслэсэн жалга довны үзэлд онцгой анхаарал хандуулж байна. Ихэнхэд нь биш ч, олон улс оронд хүмүүс хэрхэн амьдрах тал дээр гүн гүнзгий хуваагдсан байдаг. Их Эзэний Сүмд бидний заах, баримтлах цор ганц соёл бол Есүс Христийн сайн мэдээний соёл юм. Бидний эрэлхийлж буй нэгдмэл байдал бол Аврагчтай болон Түүний сургаалтай нэгдэн нийлэх явдал мөн. …

Зөв шударга байдал, нэгдмэл байдал, Их Эзэний өмнө бүгд эрх тэгш байх зэрэгт суурилсан тэнгэрлэгээр оноогдсон үүргүүдээ биелүүлэх нь энэ дэлхийд хувийн аз жаргал, амар амгаланг авчирч, биднийг ирэх дэлхийн мөнх амьдралд бэлтгэдэг. (Квинтин Л.Күк, “Бурхантай уулзахаар бэлтгэ,” 2018 оны 4-р сарын Ерөнхий чуулган, 144)

Ахлагч Жэффри Р.Холланд

Өөр өөр нутагт амьдардаг, өөр өөр хэл, соёлтой хүмүүст суудал байна. Гэрлэсэн, гэрлээгүй, өнөр өтгөн болон үр хүүхэдгүй гэр бүлүүдэд ч суудал байна. Итгэлийнхээ талаар асуулттай явсан, одоо ч асуулттай байдаг хүмүүст суудал байна. Мөн хүйсийн өөр өөр чиг хандлага бүхий хүмүүст ч суудал байна. Товчхон хэлэхэд, Бурханыг хайрлаж, Түүний зарлигуудыг хүмүүний үйлдлээ хянах өөрчлөгдөшгүй хэмжүүр хэмээн хүндэтгэдэг хүмүүст бүгдэд нь суудал байгаа. (Жэффри Р.Холланд, “Дуулсан ба дуулаагүй дуунууд,” 2017 оны 4-р сарын Ерөнхий чуулган, 51)

Ахлагч Холландын өөрсдийгөө бусдаас эрс өөр гэж боддогийнхоо улмаас Их Эзэний хаант улсаас гадуурхагдсан, сэтгэлээр унасан хүмүүст зөвлөгөө өгч буй дараах видеог үз.