អាលម៉ា 41

ព្រះយេស៊ូវគ្រីស្ទស្ដារឡើងវិញគ្រប់ការណ៍ទាំងអស់

បន្ទាប់ពីការបង្រៀនកូរីអានតុន (Corianton)⁠អំពីគ្រោះថ្នាក់នៃអំពើបាបរបស់គេមក អាលម៉ាបានធ្វើការកែតម្រូវលើការបង្រៀនមិនពិត។ គាត់បានបង្រៀនសេចក្តីពិតសំខាន់ៗដល់កូរីអានតុន ដើម្បីជួយគេឱ្យយល់ពីផែនការនៃការស្ដារឡើងវិញរបស់ព្រះវរបិតាសួគ៌ និងជួយរូបគេឱ្យប្រែចិត្ត។ មេរៀននេះនឹងជួយអ្នកមើលឃើញពីរបៀបដែលអំពើទុច្ចរិតមិនអាចនាំទៅរកសុភមង្គលបាន។

ជំនឿអំពីជីវិតក្រោយការស្លាប់ទៅ

ត្រូវគិតដល់របៀបដែលសកម្មភាពអ្នកអាចនឹងមានការរងឥទ្ធិពល បើអ្នកបានជឿលើការថ្លែងមិនត្រឹមត្រូវណាមួយក្នុងចំណោមទាំងពីរខាងក្រោម៖

មិនមានជីវិតក្រោយការស្លាប់ទៅឡើយ។

បន្ទាប់ពីយើងស្លាប់ទភ យើងនឹងត្រូវបានលើកតម្កើងដោយមិនគិតពីកិច្ចការយើងនៅលើផែនដីនេះទេ។

• ហេតុអ្វីបានជាការយល់ដឹងត្រឹមត្រូវអំពីអ្វីដែលនឹងកើតឡើងចំពោះយើងបន្ទាប់ពីយើងស្លាប់ទៅ⁠មានសារៈសំខាន់?

• តើអ្នកដឹងអ្វីខ្លះអំពីជីវិតក្រោយពីការស្លាប់ទៅដែលមានឥទ្ធិពលលើសកម្មភាពអ្នកនៅទីនេះ និងឥឡូវនេះ?

អត្ថន័យនៃការស្តារឡើងវិញ

ត្រូវចាំថា⁠នៅពេលនោះអាលម៉ាកំពុងបង្រៀនកូនប្រុសគាត់កូរីអានតុន (Corianton) ដែលបានប្រព្រឹត្តអំពើបាបធ្ងន់ធ្ងរ (សូមមើល អាលម៉ា 39) និងមានចម្ងល់អំពីបញ្ហាដំណឹងល្អ។ នៅក្នុង អាលម៉ា 41 យើងដឹងថា កូរីអានតុន (Corianton) មានការភាន់ច្រឡំតាមរយៈការបង្រៀនរបស់មនុស្សដែលបានវង្វេងចេញពីដំណឹងល្អរបស់ព្រះយេស៊ូវគ្រីស្ទ។

សូម អាលម៉ា 41:1 ដោយការរកមើលអ្វីដែលកូរីអានតុន (Corianton) មិនបានយល់នៅពេលនោះ។ (នៅក្នុងការបង្រៀនរបស់អាលម៉ា ពាក្យថា៖ ការស្ដារឡើងវិញ⁠មានន័យសំដៅដល់អ្វីមួយដែលមានការនាំយកមកវិញ ឬដាក់ត្រឡប់ទៅក្នុងស្ថានភាពពីមុនវិញ។ វាប្រហែលជាមានប្រយោជន៍ផងដែរក្នុងការដឹងថា⁠ការបង្ខំយកតាមព្រះគម្ពីរ/បទគម្ពីរ គឺការបង្វែរ បង្ខូចទ្រង់ទ្រាយ ឬផ្លាស់ប្តូរអត្ថន័យរបស់វា)។

• តើកូរីអានតុន (Corianton) មិនបានយល់អំពីអ្វីខ្លះ?

ដើម្បីជួយឲ្យកូរីអានតុន (Corianton) ចេះប្រែចិត្តបាន⁠អាលម៉ាបានបង្រៀនគេអំពីគោលលទ្ធិពិត។ គាត់បានដឹងថា៖ «គោលលទ្ធិពិត, បានយល់, កែប្រែឥរិយាបថ⁠និងអាកប្បកិរិយា» ( ប៊យដ៏ ឃេ ផាកកឺ⁠(Boyd K. Packer) «កុំភ័យខ្លាច» Liahona (លីអាហូណា), ឧសភា 2004,⁠ទំព័រ 79)។ ការយល់ដឹងអំពីគោលលទ្ធិនៃការស្ដារឡើងវិញ⁠ជួយយើងឱ្យយល់អំពីមូលហេតុនៃជម្រើសដែលយើងបង្កើតនៅជាតិនេះមានសារៈសំខាន់ណាស់។

សូមអាន អាលម៉ា 41:2–9 ដើម្បីមើលដឹងនូវអ្វីដែលអាលម៉ាបានបង្រៀនដើម្បីដោះស្រាយបញ្ហានៃការព្រួយបារម្ភរបស់កូរីអានតុន (Corianton)។

1. សូមឆ្លើយសំណួរខាងក្រោមនេះ ៖ 

   • នៅក្រោយពេលដែលយើងស្លាប់ទៅ តើនឹងមានការស្ដារយើងមកវិញឲ្យទៅជាអ្វី?

   • ដោយយោងតាមអាលម៉ា តើការស្ដារឡើងវិញនេះអាចធ្វើទៅបានដោយរបៀបណា?

   • តើចំណេះដឹងអំពីការស្ដារឡើងវិញនេះអាចលើកទឹកចិត្តនរណាម្នាក់ដូចជា កូរីអានតុន (Corianton) ឲ្យងាកទៅរកផ្លូវទៅកាន់សេចក្ដីសញ្ញាវិញយ៉ាងដូចម្ដេច?

« សេចក្ដីទុច្ចរិតពុំដែលជាសុភមង្គលឡើយ » 

សូមអាន អាលម៉ា 41:10 ដោយការរកមើលអ្វីដែលអាលម៉ាបានបង្រៀនអំពីការស្ដារឡើងវិញ អំពើទុច្ចរិត និងសុភមង្គល។

អាលម៉ា 41:10 គឺជាវគ្គគម្ពីរចំណេះចំណានខាងគោលលទ្ធិ។ សូមពិចារណាលើការគូសចំណាំវគ្គចំណេះចំណានខាងគោលលទ្ធិតាមរបៀបដែលងាយចំណាំ ដើម្បីឲ្យអ្នកអាចងាយរកវាឃើញ ។  អ្នក​នឹង​មាន​ឱកាស​នៅក្នុង​មេរៀន​បន្ទាប់​ដើម្បី​អនុវត្ត​តាម​គោលលទ្ធិ​ដែល​បានបង្រៀន​នៅក្នុង​វគ្គ​បទគម្ពីរ​នេះ ទៅនឹង​សំណួរ ឬ​ស្ថានភាព​មួយ ។ 

• តើមានការយល់ខុសអ្វីខ្លះដែលអាលម៉ាបានកែតម្រូវចំពោះកូរីអានតុន (Corianton)?

ដោយការផ្ដើមចេញពី អាលម៉ា 41:10 យើងដឹងថា សេចក្ដីទុច្ចរិតគឺមិនមែនជាសុភមង្គលទេ។

• នៅពេលដែលអ្នកពិចារណាលើការបង្រៀនអំពីច្បាប់នៃការស្ដារឡើងវិញរបស់អាលម៉ា ហេតុអ្វីបានជាអ្នកគិតថាវាជាការពិតដែលថា៖ «សេចក្ដីទុច្ចរិតគឺមិនមែនជាសុភមង្គលទេ»?

ការយល់ដឹងអំពីលក្ខណៈរបស់ព្រះ

ផែនការការស្ដារឡើងវិញរបស់ព្រះគឺពិតជាលើសពីផែនការមួយដើម្បីឲ្យយើងរស់រានមានជីវិតម្តងទៀត។ ការជួយយើងឲ្យក្លាយដូចជាទ្រង់ ហើយជួបប្រទះនូវសុភមង្គលរបស់ទ្រង់⁠គឺជាពិតជាផែនការមួយ។

សូមអាន អាលម៉ា 41:11 ដោយការរកមើលមូលហេតុដែលការសប្បាយចិត្តពិតប្រាកដនៅពេលដែលកំពុងបង្កើតឲ្យមានជម្រើសខុស⁠ពិតជាមិនអាចមានទៅរួច។ ការដឹងថា «gall of bitterness» (ខគម្ពីរ 11) មានន័យសំដៅដល់ការជួបប្រទះនូវទុក្ខព្រួយខ្លាំងឥតឧបមា ឬវេទនារម្មណ៍/ទុក្ខព្រួយផ្លូវចិត្តយ៉ាងខ្លាំងដែលជាលទ្ធផលនៃអំពើបាប។

• តើរហូតមកដល់ពេលនេះអ្នកបានឃើញភាពខុសគ្នាអ្វីខ្លះរវាងសុភមង្គលដែលព្រះផ្ដល់ឲ្យ និងសុភមង្គលរបស់លោកិយ?

• តើមានគំនិតមិនពិតអ្វីខ្លះដែលអ្នកឃើញថាបានផ្សព្វផ្សាយថាមិននាំមកនូវសុភមង្គល ទោះបីជាពួកគេល្បួងក៏ដោយ?

អែលឌើរ ម៉ាកឺស ប៊ី ណាស (Marcus B. Nash) nSពួកចិតសិបនាក់ បានពន្យល់អំពីទំនាក់ទំនងរវាងលក្ខណៈព្រះ និងសុភមង្គលថា៖

ត្រូវកត់ចំណាំថា ការស្ថិតនៅដោយគ្មានព្រះលើលោកិយ—និយាយម្យ៉ាងទៀត ការបដិសេធមិនរស់នៅតាមដំណឹងល្អរបស់ទ្រង់ និងការខ្វះភាពជាដៃគូនៃព្រះវិញ្ញាណយ៉ាងដូច្នោះ—គឺត្រូវស្ថិតក្នុងស្ថានភាពផ្ទុយពីធម្មជាតិនៃសុភមង្គល។ តាមពិត ដំណឹងល្អនៃព្រះយេស៊ូវគ្រីស្ទ គឺជា —ត្រូវកត់ចំណាំថា⁠ពាក្យនេះឯកវចនៈ ដោយមានន័យថា វាមាន តែមួយគត់—«មហាផែនការសុភមង្គល» (អាលម៉ា 42:8)។ បើអ្នកជ្រើសយកផ្លូវជីវិតណាមួយផ្សេងទៀត ឬព្យាយាមរស់នៅតែតាមផ្នែកនៃដំណឹងល្អដែលហាក់ដូចជាងាយស្រួល នោះជម្រើសបែបនេះនឹងបោកប្រាស់អ្នកដោយមហាសេចក្ដីសុខផ្លូវអារម្មណ៍ និងសុភមង្គលដ៏បរិបូណ៌ដែលអ្នកត្រូវបានរចនាឡើងដោយព្រះវរបិតាសួគ៌ជាទីស្រឡាញ់នៃយើង និងបុត្រារបស់ទ្រង់បានគ្រោងសម្រាប់យើង។ (ម៉ាកឺស⁠ប៊ី⁠ណាស⁠(Marcus B. Nash) «មហាផែនការសុភមង្គល» Liahona (លីអាហូណា), វិច្ឆិកា 2006,⁠ទំព័រ 49)

2. សូមបំពេញ​ចំណុច​ដូចតទៅនេះ ៖ 

   ដើម្បីជួយអ្នកឱ្យមើលឃើញពីរបៀបដែលលក្ខណៈរបស់ព្រះជាសុភមង្គល សូមធ្វើបញ្ជីនៃបុគ្គលិកលក្ខណៈ ឬគុណលក្ខណៈមួយចំនួនរបស់ទ្រង់។ នៅពេលដែលអ្នកបានធ្វើបញ្ជីមួយរួចហើយ ចូរគិតអំពីរបៀបដែលបុគ្គលិកលក្ខណៈទាំងនេះនាំមកនូវសុភមង្គលសម្រាប់ទាំងព្រះវរបិតាសួគ៌ ទាំងអ្នកផ្សេងៗទៀត។ ឧទាហរណ៍ៈ⁠ព្រះមានព្រះហឫទ័យមេត្តាករុណាណាស់។ ដោយសារព្រះមានព្រះហឫទ័យមេត្តាករុណាខ្លាំង ទ្រង់អាចមានសេចក្តីអំណរក្នុងព្រលឹងនៃពួកអ្នកប្រែចិត្ត ហើយពង្រីកសេចក្តីអំណរនៃការអភ័យទោសដល់អ្នកដទៃៗទៀត (សូមមើល គោលលទ្ធិ និងសេចក្ដីសញ្ញា 18:13)។ ត្រូវជ្រើសយកយ៉ាងហោចណាស់បុគ្គលិកលក្ខណៈមួយ ឬព្រះបញ្ញត្តិ⁠(ក្រឹត្យវិន័យ)⁠របស់ព្រះ ហើយបរិយាយអំពីរបៀបដែលការរស់នៅជាមួយលក្ខណៈនោះ ឬការរក្សាការគោរពតាមក្រឹត្យវិន័យនោះអាចនាំមកនូវសុភមង្គលបាន។

ត្រូវមានការស្ដារឲ្យទៅជាល្អវិញ

កូរីអានតុន (Corianton) បានគិតថា⁠រូបគេអាចរស់នៅក្នុងជីវិតទុច្ចរិត ហើយនៅតែត្រូវបានប្រោសឱ្យរស់ឡើងវិញក្នុងសិរីរុងរឿង។ ដោយយោងតាមច្បាប់ព្រះ រឿងនេះមិនអាចនឹងកើតមានឡើងបានទេ (សូមមើល កាឡាទី 6:7–8)។ អាលម៉ាបានកែតម្រូវកូរីអានតុន (Corianton) ហើយបានហៅរូបគេឲ្យចាប់ផ្តើមការចាត់វិធានការដើម្បីត្រឡប់ទៅរកព្រះ និងសុភមង្គលនៅទីបំផុត។ សូមអាន អាលម៉ា 41:12–15 ដោយការរកមើលពីរបៀបដែលអាលម៉ាបានលើកទឹកចិត្តកូរីអានតុន (Corianton)⁠ឱ្យរស់នៅ ដើម្បីអាចមានលទ្ធភាពនៃការស្ដារឡើងវិញនូវសេចក្ដីល្អ និងសុភមង្គលឲ្យដល់រូបគេ។

3. សូមបំពេញ​ចំណុច​ដូចតទៅនេះ ៖ 

   • ដោយការផ្ដើមចេញពីអ្វីដែលអ្នកបានអាន តើមនុស្សម្នាក់អាច «បញ្ជូនចេញ» អ្វីខ្លះ បើពួកគេចង់បានសុភមង្គលកាន់តែច្រើនដើម្បី « ត្រឡប់ទៅរក [ទ្រង់ទាំងពីរព្រះអង្គ] ម្ដងទៀត»? (អាលម៉ា 41:15)។

   • តើពេលណាដែលអ្នកបានជួបប្រទះនូវសុភមង្គលពិតពីការរស់នៅតាមដំណឹងល្អនៃព្រះយេស៊ូវគ្រីស្ទ?

ចូរគិតអំពីអ្វីដែលអ្នកបានស្វែងយល់ដឹងនៅក្នុង អាលម៉ា 41 និងបំណងប្រាថ្នាអ្នកដើម្បីឲ្យមានសុភមង្គល។ បណ្ដាសំណួរខាងក្រោមអាចជួយអ្នកធ្វើផែនការដើម្បីរកបានសុភមង្គលកាន់តែច្រើន៖

• តើអ្វីទៅជារឿងមួយដែលខ្ញុំអាចចាប់ផ្តើមការធ្វើដែលអាចនឹងជួយខ្ញុំឱ្យមានសុភមង្គល និងមានការស្ដារឡើងវិញមករកសេចក្ដីល្អ?

• តើអ្វីទៅជារឿងមួយដែលខ្ញុំអាចបញ្ឈប់ការធ្វើដែលអាចនឹងជួយខ្ញុំឱ្យមានសុភមង្គល⁠និងការស្ដារឡើងវិញមករកសេចក្ដីល្អ?

សូមយាងព្រះវិញ្ញាណបរិសុទ្ធឲ្យដឹកនាំគំនិត និងអារម្មណ៍គិតឃើញរបស់អ្នក។ ចូរពិចារណាលើការកត់ត្រាចំណាប់អារម្មណ៍របស់អ្នកនៅក្នុងសៀវភៅកំណត់ហេតុការសិក្សា⁠(ទិនានុប្បវត្តិ)⁠ផ្ទាល់ខ្លួនអ្នក ឬព្រះគម្ពីរ/បទគម្ពីរដែលអ្នកអាចពិនិត្យមើលវាឡើងវិញបាន។ ចូររៀបចំបង្កើតផែនការដែលធ្វើសកម្មភាព ដោយការបូករួមទាំងពេលវេលាដែលអ្នកត្រូវចាប់ផ្តើម និងរបៀបដែលអ្នកត្រូវវាយតម្លៃលើការរីកមច្រើន⁠ឬវឌ្ឍនភាពរបស់អ្នក។

ស្រេចចិត្ត ៖ ចង់ស្វែងយល់ច្រើនទៀតឬ ? 

តើនឹងមានការស្ដារឡើងវិញអ្វីខ្លះដល់យើងនៅក្នុងជីវិតបន្ទាប់ទៅទៀត?

ប្រធាន ដាលីន អេច អូកស៍ (Dallin H. Oaks)⁠ក្នុងគណៈប្រធានទីមួយបានបង្រៀនថា ៖ 

ជាផ្នែកមួយទៀតនៃ «ផែនការស្ដារឡើងវិញ»⁠របស់ព្រះ (អាលម៉ា 41:2) ការរស់ឡើងវិញនឹងស្ដារឡើងវិញ «អ្វីៗទាំងអស់ … នឹងបានសាងទៅជារូបរាងដ៏ត្រឹមត្រូវ និងល្អឥតខ្ចោះឡើងវិញ» (អាលម៉ា 40:23)។ នេះរាប់បញ្ចូលទាំងសុក្រឹតភាពនៃភាពទន់ខ្សោយ⁠និងការខូចទ្រង់ទ្រាយ (វិរូបភាព) រូបកាយ យើងទាំងអស់ និងភាពខូចទ្រង់ទ្រាយដែលមាននៅក្នុងការស្លាប់⁠(មរណៈប្រមាណ) ដោយរួមមានទាំងនៅពេលកើត ឬដោយគ្រោះថ្នាក់នៃការប៉ះទង្គិច ឬជំងឺ។ (ដាលីន⁠អេច⁠អូកស៍⁠(Dallin H. Oaks) «សម្អាតដោយការប្រែចិត្ត» Liahona (លីអាហូណា), ឧសភា 2019,⁠ទំព័រ 94)

តើការប្រែចិត្តអាចរៀបចំខ្ញុំឲ្យត្រៀមខ្លួនទទួលបានការស្ដារឡើងវិញឲ្យទៅសេចក្ដីល្អដោយរបៀបណា?

ប្រធាន ដាលីន អេច អូកស៍ (Dallin H. Oaks)⁠ក្នុងគណៈប្រធានទីមួយបានថ្លែងថា ៖ 

តើការសាងឡើងវិញនេះធ្វើឲ្យយើងបានល្អឥតខ្ចោះពីរាល់បំណងប្រាថ្នា ឬការញៀនដែលពុំបរិសុទ្ធ ឬពុំអាចយកឈ្នះបានរបស់យើងដែរឬទេ ?  វាពុំអាចទេ ។  យើងដឹងពីការបើកបង្ហាញ (វិវរណៈ) សម័យទំនើបដែលនឹងមានការវិនិច្ឆ័យចំពោះ បំណងប្រាថ្នា យើង⁠ក៏ដូចជា⁠ការប្រព្រឹត្ត/សកម្មភាពយើង (សូមមើល អាលម៉ា 41:5; គោលលទ្ធិ និងសេចក្ដីសញ្ញា 137:9) និងដែលសូម្បីតែ គំនិត យើង នឹងផ្ដន្ទាទោសយើង (សូមមើល អាលម៉ា 12:14)។ យើងមិនត្រូវ «ពន្យារថ្ងៃនៃការប្រែចិត្ត [របស់យើង]» រហូតដល់ពេលស្លាប់ឡើយ អាមូលេក (Amulek)⁠បានបង្រៀនថា (អាលម៉ា 34:33) ដោយសារវិញ្ញាណដូចគ្នាដែលបានកាន់កាប់រូបកាយយើងក្នុងជីវិត⁠ឬនៅជាតិនេះ — មិនថាជារបស់ព្រះអម្ចាស់ ឬរបស់មេកំណាចឡើយ —«នឹងមានអំណាចដើម្បីកាន់កាប់រូបកាយ [យើង] នៅលើបរលោកដ៏អស់កល្បជានិច្ចនោះ» (អាលម៉ា 34:34)។ ព្រះអង្គសង្គ្រោះមានព្រះចេស្ដា ហើយត្រៀមជាស្រេចដើម្បីលាងសម្អាតយើងពីអំពើ/សេចក្ដីអាក្រក់ ។  ឥឡូវនេះគឺជាពេលស្វែងរកជំនួយរបស់ទ្រង់ដើម្បីប្រែចិត្តពីបំណងប្រាថ្នា និងគំនិតទុច្ចរិត ឬពុំទំនងរបស់យើង ដើម្បីបានស្អាតស្អំ ហើយត្រៀមខ្លួនជាស្រេចដើម្បីឈរនៅចំពោះព្រះនៅឯសេចក្ដីជំនុំជម្រះចុងក្រោយ ។  (ដាលីន⁠អេច⁠អូកស៍⁠(Dallin H. Oaks) «សម្អាតដោយការប្រែចិត្ត» Liahona (លីអាហូណា), ឧសភា 2019,⁠ទំព័រ 94)

ចុះបើខ្ញុំកំពុងរក្សាការគោរពតាមក្រឹត្យវិន័យ (ព្រះបញ្ញត្តិ/បទបញ្ញត្តិ)⁠ប៉ុន្តែមិនមានអារម្មណ៍សប្បាយចិត្ត⁠តើវានឹងយ៉ាងម៉េចដែរ?

អែលឌើរ ឃ្វីនថិន អិល ឃុក (Quentin L. Cook)⁠ក្នុងកូរ៉ុមនៃពួកសាវកដប់ពីរនាក់បានពន្យល់ថា ៖ 

ខ្ញុំទទួលស្គាល់ថា (ទោះបីជាមានសុភមង្គលដ៏លើសលប់ដែលបង្កប់ក្នុងផែនការដ៏ទេវភាពរបស់ព្រះក៏ដោយ) ជួនកាល⁠វាអាចមានអារម្មណ៍ថានៅឆ្ងាយ ហើយមានការផ្តាច់ទំនាក់ទំនងពីស្ថានភាពបច្ចុប្បន្នរបស់យើង។ វាអាចនឹងមានអារម្មណ៍ថាហួសពីលទ្ធភាពយើងក្នុងនាមជាពួកសិស្សដែលកំពុងតស៊ូ។ ដោយផ្ដើមចេញពីទស្សនៈដែលមានកម្រិតរបស់យើង ការល្បួង និងការរំខាននាពេលបច្ចុប្បន្នអាចមើលទៅគួរឱ្យទាក់ទាញណាស់។ ម្យ៉ាងវិញទៀត រង្វាន់សម្រាប់ការតស៊ូទប់ទល់នឹងការល្បួងទាំងនោះ អាចមានអារម្មណ៍ថានៅឆ្ងាយ និងមិនអាចទទួលបាន។ ក៏ប៉ុន្តែ⁠ការយល់ដឹងពិតអំពីផែនការរបស់ព្រះវរបិតាបង្ហាញឲ្យឃើញច្បាស់ថា រង្វាន់នៃសេចក្តីសុចរិតកំពុងមាននៅពេលនេះ។ អំពើទុច្ចរិត (មានប្រភេទដូចជា⁠ការប្រព្រឹត្តអសីលធម៌) មិនមែនជាផ្នែកនៃចម្លើយនេះឡើយ។ (ឃ្វីនថិន អិល ឃុក⁠(Quentin L. Cook) «មានរបៀបរៀបរយជាអ្នកស្រុកប្រ៊ីស្តូល ៖ ភាពសក្ដិសមដើម្បីចូលព្រះវិហារបរិសុទ្ធ—ទាំងក្នុងគ្រាល្អៗ និងគ្រាអាក្រក់ៗ» Liahona (លីអាហូណា), វិច្ឆិកា 2015,⁠ទំព័រ 40)