អាលម៉ា 40

ពិភពវិញ្ញាណ⁠និងការរស់ឡើងវិញ

បន្ទាប់ពីឪពុករបស់គាត់បានហៅគាត់ឲ្យប្រែចិត្តហើយ កូរីអានតុនបានសួរសំណួរមួយចំនួនអំពីផែនការរបស់ព្រះដែលមានជាអាទិ៍ អ្វីដែលកើតឡើងចំពោះយើងបន្ទាប់ពីយើងស្លាប់ទៅ។ ឪពុករបស់គាត់ (អាលម៉ា) បានឆ្លើយសំណួរគាត់ ហើយបានថ្លែងទីបន្ទាល់អំពីតួនាទីកណ្ដាលនៃព្រះយេស៊ូវគ្រីស្ទនៅក្នុងផែនការរបស់ព្រះវរបិតាសួគ៌។ មេរៀននេះអាចជួយអ្នកឱ្យកាន់តែដឹងគុណចំពោះអ្វីដែលព្រះអង្គសង្គ្រោះបានធ្វើដើម្បីអ្នក ហើយនឹងផ្តល់ឱ្យអ្នកនូវឱកាសមួយពន្យល់ពីអ្វីដែលនឹងកើតឡើងបន្ទាប់ពីយើងស្លាប់ទៅ។

សំណួរ

ស៊ីស្ទើរ រ៉េណា អាយ អាប៊ើតូ (Reyna I. Aburto) ដែលជាទីប្រឹក្សាទីពីរនៅក្នុងគណៈប្រធានសមាគមសង្គ្រោះទូទៅ⁠បានផ្សព្វផ្សាយអំពីបទពិសោធន៍ផ្ទាល់ខ្លួនមួយដែលបង្ហាញជាឧទាហរណ៍នូវសំណួរនានាដែលយើងអាចនឹងមានអំពីអ្វីនឹងកើតមានឡើងក្រោយពេលដែលយើងស្ដាប់ទៅ។ ចូរមើលខ្សែវីដេអូ​⁠​«ផ្នូរគ្មានជ័យជម្នះលើឡើយ» ដែលអាចរកមើលបាននៅ ChurchofJesusChrist.org ចាប់ពីកូដម៉ោង 4:21 ដល់ 5:13​⁠​ឬអានការថ្លែងដូចខាងក្រោម៖

កាលខ្ញុំអាយុប្រាំបួនឆ្នាំ ខ្ញុំបាត់បង់បងប្រុសម្នាក់ក្នុងអំឡុងពេលគ្រោះរញ្ជួយផែនដី ។ ដោយសារតែវាបានកើតឡើងដោយចៃដន្យ វាបានធ្វើឲ្យខ្ញុំចំណាយពេលមួយរយៈដើម្បីចាប់យក⁠ឬយល់ពីការពិតនៃអ្វីដែលបានកើតឡើង។ នៅពេលនោះ⁠ខ្ញុំមានការខូចចិត្ត សោកសៅ ហើយខ្ញុំបានសួរខ្លួនឯងថា៖ « តើមានអ្វីកើតឡើងចំពោះបងប្រុសខ្ញុំ ? តើគាត់នៅឯណា? តើគាត់បានទៅទីណា? តើខ្ញុំពិតជានឹងជួបគាត់ម្តងទៀតដែរឬទេ ?»

កាលនោះ ខ្ញុំមិនទាន់បានដឹងអំពីផែនការនៃសេចក្តីសង្គ្រោះរបស់ព្រះនៅឡើយទេ ហើយខ្ញុំមានបំណងចង់ដឹងអំពីប្រភពដែលយើងចេញមក អ្វីដែលជាគោលបំណងនៃជីវិត និងមានអ្វីកើតឡើងចំពោះយើង⁠ក្រោយពីយើងស្លាប់ទៅ។ តើយើងទាំងអស់គ្នាមិនមានក្ដីប្រាថ្នាទាំងនោះឬទេ ពេលយើងបាត់បង់មនុស្សជាទីស្រឡាញ់ម្នាក់ ឬពេលយើងដែលយើងជួបការលំបាកក្នុងជីវិត? (រ៉េណា⁠អាយ⁠អាប៊ើតូ⁠(Reyna I. Aburto) «ផ្នូរគ្មានជ័យជម្នះលើឡើយ» Liahona (លីអាហូណា), ឧសភា 2021,⁠ទំព័រ 86)

នៅពេលនោះ⁠កូរីអានតុនដែលជាកូនប្រុសរបស់អាលម៉ា ក៏មានបញ្ហាកង្វល់អំពីជីវិតការស្លាប់ទៅដែរ។

សូមអាន អាលម៉ា 40:1 ដោយការរកមើលនូវអ្វីដែលបានធ្វើឲ្យកូរីអានតុន (Corianton)⁠មានការព្រួយបារម្ភ។

• តើហេតុអ្វីបានជាអ្នកគិតថា⁠គាត់ប្រហែលជាមានការព្រួយបារម្ភអំពីរឿងនេះនៅពេលនោះ?

សូមរំលឹកថា កូរីអានតុន (Corianton)⁠បានបំពានបទបញ្ញត្តិរបស់ព្រះដោយរួមមានទាំងច្បាប់ព្រហ្មចារីភាពផងដែរ។ ដោយសារតែជម្រើសគាត់ គាត់ប្រហែលជាមានការព្រួយបារម្ភអំពីស្ថានភាពរបស់គាត់បន្ទាប់ពីជីវិតនេះហើយ⁠នៅពេលនោះ។ ដើម្បីដោះស្រាយបញ្ហាកង្វល់របស់ កូរីអានតុន (Corianton) និងជួយគាត់ឲ្យប្រែចិត្ត អាលម៉ាបានបង្រៀនគាត់អំពីគោលលទ្ធិ។ ការឆ្លើយតបរបស់អាលម៉ាចំពោះការព្រួយបារម្ភរបស់ កូរីអានតុន (Corianton) ក៏អាចជួយមនុស្សម្នាក់ដែលមានសំណួរដូចបងស្រី អាប៊ើតូ បានសួរដែរ។

ក្រោយមក⁠ពួកអ្នកផ្សព្វផ្សាយសាសនាបានបង្រៀនបងស្រី អាប៊ើតូ រហូតដល់បានជួយឲ្យគាត់ស្វែងរកចម្លើយចំពោះសំណួរគាត់បាន។ ចូរស្រមើស្រមៃគិតថា⁠អ្នកគឺជាអ្នកផ្សព្វផ្សាយសាសនាម្នាក់ក្នុងចំណោមពួកអ្នកផ្សព្វផ្សាយសាសនាទាំងនោះ ហើយកំពុងរៀបចំត្រៀមខ្លួនបង្រៀនគាត់។ ចូរប្រើប្រភពឯកសារខាងក្រោម ដើម្បីរៀបចំត្រៀមការពន្យល់ខ្លីមួយដែលនឹងជួយឆ្លើយសំណួរបងស្រី អាប៊ើតូ⁠បាន។

ពិភពវិញ្ញាណ

ព្រះគម្ពីរ​មរមន សៀវភៅ​សិក្សា​សម្រាប់​គ្រូបង្រៀន ( ឆ្នាំ ២០២៤ )—« អាលម៉ា ៤០ ៖ ពិភព​វិញ្ញាណ​និង​ការរស់​ឡើងវិញ »

សូមអាន អាលម៉ា 40:6–7, 11–14 ដើម្បីរកមើលអ្វីដែលអាលម៉ាបានបង្រៀនកូរីអានតុន (Corianton)។ បន្ទាប់មក សូមប្រើប្រភពឯកសារខាងក្រោម ដើម្បីរៀបចំត្រៀមមេរៀនដែលអ្នកនឹងបង្រៀន។

• គោលលទ្ធិ និងសេចក្ដីសញ្ញា 138:11–13, 18–22, 57

• សេចក្ដីណែនាំដល់បទគម្ពីរទាំងឡាយ «ឋានសួគ៌» scriptures.ChurchofJesusChrist.org

ប្រធាន ដាលីន អេច អូកស៍ (Dallin H. Oaks)⁠ក្នុងគណៈប្រធានទីមួយបានបង្រៀនថា ៖

តាមរយៈព្រះគម្ពីរ យើងដឹងថា បន្ទាប់ពីរូបកាយយើងស្លាប់ទៅ យើងបន្តរស់នៅជាវិញ្ញាណនៅក្នុងពិភពវិញ្ញាណ ។ ព្រះគម្ពីរក៏បង្រៀនផងដែរថា ពិភពវិញ្ញាណនេះត្រូវបានបែងចែករវាងពួកអ្នក « សុចរិត » ឬ « យុត្តិធម៌ » ពេលនៅរស់ និងពួកអ្នកដែលទុច្ចរិត ។ លើសពីនេះ⁠ពួកគេពណ៌នាអំពីរបៀបដែលវិញ្ញាណមានជំនឿស៊ប់មួយចំនួនបង្រៀនដំណឹងល្អដល់អ្នកដែលធ្លាប់ទុច្ចរិត ឬបះបោរប្រឆាំង (សូមមើល ពេត្រុស 1 3:19; គោលលទ្ធិ និងសេចក្ដីសញ្ញា 138:19–20, 29, 32, 37)។ (ដាលីន⁠អេច⁠អូកស៍⁠(Dallin H. Oaks) «ជំនឿទុកចិត្តយើងលើព្រះអម្ចាស់» Liahona (លីអាហូណា), វិច្ឆិកា 2019,⁠ទំព័រ 26)

រៀបចំត្រៀមរបៀបដែលអ្នកត្រូវពន្យល់ចម្លើយចំពោះសំណួរខាងក្រោម៖

• តើមានអ្វីកើតឡើងចំពោះវិញ្ញាណយើងនៅពេលយើងស្លាប់ទៅ?

• តើវាដូចគ្នានៅឋានសួគ៌យ៉ាងណា? តើវាមានលក្ខណៈដូចគ្នាយ៉ាងណាទៅនឹងតំបន់ដែលអាលម៉ាហៅថា៖ «ទីងងឹតខាងក្រៅ» ក៏ប៉ុន្តែត្រូវបានគេហៅថាជាគុកវិញ្ញាណផងដែរ (ពេត្រុស 1 3:19) ឬឋាននរក (នីហ្វៃទី 2 9:12)?

• តើការសិក្សាស្វែងយល់អំពីឋានសួគ៌ និងគុកអាចបង្កើនការដឹងគុណរបស់យើងចំពោះព្រះអង្គសង្គ្រោះយ៉ាងដូចម្ដេច?

• តើចំណេះដឹងយើងអំពីពិភពវិញ្ញាណអាចផ្ដល់ពរជ័យដល់យើងក្នុងជីវិតរមែងស្លាប់របស់យើងយ៉ាងដូចម្ដេច?

នៅពេលកំពុងបង្រៀន ត្រូវប្រាកដក្នុងចិត្តថាពិតជាបានធ្វើឲ្យច្បាស់ថា រវាងសេចក្ដីស្លាប់ និងការរស់ឡើងវិញ វិញ្ញាណនៃមនុស្សសុចរិតនៅឋានសួគ៌ ហើយវិញ្ញាណអាក្រក់នៅគុកវិញ្ញាណ។ ចូរផ្សព្វផ្សាយនូវរបៀបដែលការយល់ដឹងរបស់អ្នកអំពីសេចក្តីពិតនេះមានឥទ្ធិពលលើជម្រើសនានាដែលអ្នកបង្កើតឲ្យមាននៅជាតិនេះ។

© ឆ្នាំ ២០២៣ by Intellectual Reserve, Inc. All rights reserved.

ការរស់ឡើងវិញ

ព្រះគម្ពីរ​មរមន សៀវភៅ​សិក្សា​សម្រាប់​គ្រូបង្រៀន ( ឆ្នាំ ២០២៤ )—« អាលម៉ា ៤០ ៖ ពិភព​វិញ្ញាណ​និង​ការរស់​ឡើងវិញ »

សូមអាន អាលម៉ា 40:2–5, 23–24 ដើម្បីរកមើលអ្វីដែលអាលម៉ាបានបង្រៀនកូរីអានតុន (Corianton)។ បន្ទាប់មក សូមប្រើប្រភពឯកសារខាងក្រោម ដើម្បីរៀបចំត្រៀមមេរៀនដែលអ្នកនឹងបង្រៀន។

• អាលម៉ា 11:42–45

• សេចក្ដីណែនាំដល់បទគម្ពីរទាំងឡាយ «ការរស់ឡើងវិញ» scriptures.ChurchofJesusChrist.org

ប្រធាន ដាលីន អេច អូកស៍ (Dallin H. Oaks)⁠ក្នុងគណៈប្រធានទីមួយបានបង្រៀនថា ៖

យើងអបអរសាទរដល់ការពិតនៃការរស់ឡើងវិញនៅក្នុងរដូវបុណ្យអ៊ីស្ទើរនេះ។ នេះផ្តល់ឱ្យយើងនូវទស្សនវិស័យ និងកម្លាំងដើម្បីស៊ូទ្រាំនឹងបញ្ហាប្រឈមក្នុងជីវិតរមែងស្លាប់ដែលប្រឈមមុខដោយយើងម្នាក់ៗ និងអ្នកទាំងឡាយណាដែលយើងស្រឡាញ់ ដូចជាភាពខ្វះខាតខាងរាងកាយ ផ្លូវចិត្ត ឬអារម្មណ៍ដែលយើងទទួលបានពីកំណើត ឬបទពិសោធន៍ក្នុងជីវិតរមែងស្លាប់នៃយើង។ ដោយសារការរស់ឡើងវិញ យើងដឹងថា⁠ការខ្វះខាតក្នុងជីវិតរមែងស្លាប់ទាំងនេះមានមានលក្ខណៈជាបណ្ដោះអាសន្នតែប៉ុណ្ណោះ! (ដាលីន⁠អេច⁠អូកស៍⁠(Dallin H. Oaks) «ផែនការដ៏មហិមា» Liahona (លីអាហូណា), ឧសភា 2020,⁠ទំព័រ 94–95)

រៀបចំត្រៀមរបៀបដែលអ្នកត្រូវពន្យល់ចម្លើយចំពោះសំណួរខាងក្រោម៖

• តើអ្វីទៅជាការរស់ឡើងវិញ? តើនរណាខ្លះដែលនឹងត្រូវបានរស់ឡើងវិញ ?

• យោងតាម អាលម៉ា 40:2–3 តើអ្វីទៅដែលអាចធ្វើឲ្យមានការរស់ឡើងវិញបាន?

• តើចំណេះដឹងយើងអំពីការរស់ឡើងវិញអាចនាំមកនូវពរជ័យដល់យើងក្នុងជីវិតរមែងស្លាប់របស់យើងយ៉ាងដូចម្ដេច?

នៅពេលកំពុងបង្រៀន ត្រូវប្រាកដក្នុងចិត្តថាពិតជាបានធ្វើវាឲ្យច្បាស់ថា ដោយសារព្រះយេស៊ូវគ្រីស្ទបានត្រូវប្រោសឲ្យរស់ឡើងវិញ យើងទាំងអស់គ្នាក៏នឹងត្រូវប្រោសឲ្យរស់ឡើងវិញដូចគ្នាដែរ។ ចូរផ្សព្វផ្សាយហេតុផលមួយដែលអ្នកដឹងគុណចំពោះការសន្យានៃការរស់ឡើងវិញនេះ។

© ឆ្នាំ ២០២៣ by Intellectual Reserve, Inc. All rights reserved.

អ្នកអាចនឹងចង់មើលវីដេអូ «តើមានអ្វីកើតឡើងចំពោះរូបកាយ និងវិញ្ញាណយើងក្រោយពេលយើងស្លាប់ទៅ?» (4:19) ដែលរកមើលបាននៅ ChurchofJesusChrist.org ដោយការរកមើលសេចក្ដីពិតផ្សេងៗទៀតដែលអ្នកនឹងអាចពន្យល់បាននៅពេលដែលអ្នកកំពុងបង្រៀន។

ចម្លើយ

1. សូមសរសេរសេចក្ដីពន្យល់សង្ខេបអំពីអ្វីដែលអ្នកត្រូវបង្រៀនបងស្រី អាប៊ើតូ។ ត្រូវរួមបញ្ចូលសេចក្តីពិតដែលអ្នកបានរកឃើញ ហើយពិចារណាលើការផ្សព្វផ្សាយទីបន្ទាល់របស់អ្នកអំពីតួនាទីរបស់ព្រះយេស៊ូវគ្រីស្ទនៅក្នុងពិភពវិញ្ញាណ និងការរស់ឡើងវិញ។ លើសពីនេះ⁠អ្នកអាចនឹងផ្សព្វផ្សាយនូវអ្វីដែលអ្នកបានសរសេរជាមួយមនុស្សម្នាក់ទៀត។

2. សូមឆ្លើយសំណួរខាងក្រោមនេះយ៉ាងហោចណាស់ឲ្យបានពីរ ៖

   • តើហេតុអ្វីបានជាអ្វីដែលអ្នកបានស្វែងយល់ដឹងអំពីពិភពវិញ្ញាណ និងការរស់ឡើងវិញមានសារៈសំខាន់ចំពោះអ្នក?

   • តើចំណេះដឹងនេះប៉ះពាល់ដល់អារម្មណ៍គិតឃើញរបស់អ្នកចំពោះព្រះវរបិតាសួគ៌ និងព្រះយេស៊ូវគ្រីស្ទយ៉ាងដូចម្តេច?

   • តើមានសំណួរអ្វីខ្លះដែលអ្នកមានត្រូវបានគេឆ្លើយនៅថ្ងៃនេះ?

   • តើមានសំណួរអ្វីខ្លះដែលអ្នកចង់បន្តការស្វែងរកចម្លើយ?

ស្រេចចិត្ត ៖ ចង់ស្វែងយល់ច្រើនទៀតឬ ?

អាលម៉ា 40:16–20។ តើអ្វីទៅជាការរស់ឡើងវិញលើកទីមួយ?

អែលឌើរ ប្រ៊ូស អ័រ ម៉ាក់ខន់ឃី (Bruce R. McConkie)⁠(1915–85) ក្នុងកូរ៉ុមនៃពួកសាវកដប់ពីរនាក់បានបង្រៀនថា ៖

អស់អ្នកដែលចេញមកនៅពេលព្រឹកនៃការរស់ឡើងវិញនេះ ធ្វើដូច្នេះជាមួយនឹងរូបធាតុព្រះវិញ្ញាណ ហើយនឹងទទួលបានសិរីល្អជាមរតកនៃនៃព្រះវិញ្ញាណបរិសុទ្ធ (ឋានសួគ៌)⁠ដែលទាំងនេះហើយគឺជាផ្លែផ្កាដំបូងរបស់ព្រះគ្រីស្ទ។ អ្នកដែលចេញមកនៅពេលរសៀលនៃការរស់ឡើងវិញនេះ ធ្វើដូច្នេះជាមួយនឹងរូបកាយនៃលោកិយ ហើយជាលទ្ធផលនឹងទទួលបាននគរនោះជាមរតកដែលពួកគេត្រូវបានពិពណ៌នាថាជារបស់ព្រះគ្រីស្ទនៅពេលនៃមកដល់នេះ។ អស់អ្នកដែលបានរស់ឡើងវិញរហូតមកដល់ពេលនេះ⁠បានទទួលរូបកាយនៃព្រះវិញ្ញាណបរិសុទ្ធ (ឋានសួគ៌) ការកើតឡើងនៃសត្វនៃលោកិយមិនចាប់ផ្តើមទេរហូតដល់ក្រោយមានការយាងមកជាលើកទីពីរ។ (គោលលទ្ធិ និងសេចក្ដីសញ្ញា 76:50–80; 88:95–99។) (ប្រ៊ូស អ័រ ម៉ាក់ខនឃី⁠(Bruce R. McConkie) សេចក្តីអធិប្បាយអំពីព្រះគម្ពីរសញ្ញាថ្មីខាងគោលលទ្ធិ [1965], 1:196)

អាលម៉ា 40:21–22។ តើឃ្លាថា៖⁠«ត្រូវមានការនាំយកទៅឈរបែរមុខចំពោះព្រះ»⁠មានន័យយ៉ាងដូចម្ដេច?

អែលឌើរ ឌី ថត គ្រីស្តូហ្វឺសិន⁠(Elder D. Todd Christofferson)⁠ក្នុងកូរ៉ុមនៃពួកសាវកដប់ពីរនាក់បានបង្រៀនថា ៖

តាមរយៈដង្វាយធួន និងការរស់ឡើងវិញរបស់ទ្រង់ ព្រះយេស៊ូវគ្រីស្ទបានយកឈ្នះលើគ្រប់ទិដ្ឋភាពទាំងអស់នៃការជំពប់ដួល។ ការស្លាប់ខាងរូបកាយនឹងមានលក្ខណៈជាបណ្ដោះអាសន្នទេ ហើយសូម្បីតែការស្លាប់ខាងព្រលឹងវិញ្ញាណក៏ត្រូវបញ្ចប់ដែរ ដោយក្នុងនោះអ្វីៗទាំងអស់នឹងត្រលប់មករកវត្តមានរបស់ព្រះវិញ (យ៉ាងហោចណាស់ក៏បណ្ដោះអាសន្ន) ដើម្បីឲ្យមានការវិនិច្ឆ័យ។ យើងអាចមានការជឿទុកចិត្ត និងជំនឿចិត្តនៅទីបំផុតលើព្រះចេស្ដារបស់ទ្រង់ដើម្បីយកឈ្នះអ្វីៗផ្សេងទៀត ហើយប្រទានជីវិតដ៏អស់កល្បជានិច្ចដល់យើង។ (ឌី ថត គ្រីស្តូហ្វឺសិន (D. Todd Christofferson) «ដំណើររស់ឡើងវិញរបស់ព្រះយេស៊ូវគ្រីស្ទ» Liahona (លីអាហូណា), ឧសភា 2014,⁠ទំព័រ 112)

អាលម៉ា 40:23។ តើរូបកាយដែលរស់ឡើងវិញនឹងមានលក្ខណៈដូចម្ដេច?

អែលឌើរ ប៉ូល វី ចនសុន (Paul V. Johnson)⁠ក្នុងពួកចិតសិបនាក់បានបង្រៀនថា ៖

ការរស់ឡើងវិញធ្វើឱ្យវាអាចទៅរួចសម្រាប់វិញ្ញាណរបស់មនុស្សម្នាក់ និងរូបកាយឲ្យមានការរួមបញ្ចូលគ្នាម្តងទៀត (មានតែពេលនេះទេដែលរូបកាយនឹងទៅជាអមតៈ និងល្អឥតខ្ចោះ)—មិនទទួលរងការឈឺចាប់ ជំងឺ ឬបញ្ហាផ្សេងទៀតទេ។ [សូមមើល អាលម៉ា 11:43]។ …

យើងម្នាក់ៗមាននូវដែនកំណត់នៃរូបកាយ⁠ផ្លូវចិត្ត និងសតិអារម្មណ៍ព្រមទាំងភាពទន់ខ្សោយ ។ ក្នុងចំណោមឧបសគ្គទាំងនេះ មានឧបសគ្គមួយចំនួនពិបាកនឹងយកឈ្នះបាននៅពេលនេះ តែនៅទីបំផុត នឹងមានការដោះស្រាយបាន ។ បញ្ហាទាំងនេះនឹងមិនធ្វើឲ្យយើងឈឺចាប់ឡើយ បន្ទាប់ពីយើងបានរស់ឡើង វិញហើយ ។ (ប៉ូល⁠វី⁠ចនសុន⁠(Paul V. Johnson) «And There Shall Be No More Death,” Liahona (លីអាហូណា), ឧសភា 2016,⁠ទំព័រ 121–22)