Përsëritja 20 e Zotërimit Doktrinor

Mësoni Përmendsh

Ky mësim do të të japë një mundësi për t’i mësuar përmendsh referencat e zotërimit doktrinor dhe frazat e tyre kyç të shkrimit të shenjtë dhe madje të mësosh përmendsh fragmente të plota.

Ne mund ta ndjekim shembullin e Shpëtimtarit duke i mësuar përmendsh shkrimet e shenjta

• Cilat janë disa mënyra se si mund ta ndjekim shembullin e Jezu Krishtit?

Një mënyrë se si mund ta ndjekim shembullin e Jezu Krishtit është duke i mësuar përmendsh shkrimet e shenjta. Shpëtimtari i përdori shkrimet e shenjta të mësuara përmendsh për ta kapërcyer tundimin (shih te Mateu 4:1–11) dhe për t’u dhënë mësim të tjerëve (shih te Lluka 24:27; 3 Nefi 22).

• Cilat janë disa situata në të cilat shkrimet e shenjta të mësuara përmendsh do të ishin të dobishme?

Ndërsa i mëson përmendsh fragmentet e shkrimit të shenjtë për zotërimin doktrinor ose frazat kyç të shkrimit të shenjtë, kujto se ti po e ndjek shembullin e Jezu Krishtit.

Zotërimi Doktrinor për Librin e Mormonit: Alma–Moroni

Manual i Mësuesit për Librin e Mormonit (2024)

Referenca e Shkrimit të Shenjtë	Fraza Kyç e Shkrimit të Shenjtë
Referenca e Shkrimit të Shenjtë Alma 7:11–13	Fraza Kyç e Shkrimit të Shenjtë “Dhe ai do të shkojë përpara, duke vuajtur dhimbje dhe hidhërime dhe tundime të çdo lloji.”
Referenca e Shkrimit të Shenjtë Alma 34:9–10	Fraza Kyç e Shkrimit të Shenjtë “Duhet të bëhet një shlyerje, … një flijim i pafundmë dhe i përjetshëm.”
Referenca e Shkrimit të Shenjtë Alma 39:9	Fraza Kyç e Shkrimit të Shenjtë “Mos shko më pas epsheve të syve të tua.”
Referenca e Shkrimit të Shenjtë Alma 41:10	Fraza Kyç e Shkrimit të Shenjtë “Ligësia kurrë nuk ka qenë lumturi.”
Referenca e Shkrimit të Shenjtë Helamani 5:12	Fraza Kyç e Shkrimit të Shenjtë “Është mbi shkëmbin e Shëlbuesit tonë … që ju duhet të ndërtoni themelin tuaj.”
Referenca e Shkrimit të Shenjtë 3 Nefi 11:10–11	Fraza Kyç e Shkrimit të Shenjtë “Unë kam plotësuar vullnetin e Atit në të gjitha gjërat që nga fillimi.”
Referenca e Shkrimit të Shenjtë 3 Nefi 12:48	Fraza Kyç e Shkrimit të Shenjtë “[Ji]ni të përkryer, madje, sikurse jam unë, ose të përkryer si Ati juaj që është në qiell.”
Referenca e Shkrimit të Shenjtë 3 Nefi 27:20	Fraza Kyç e Shkrimit të Shenjtë “Ejani tek unë dhe pagëzohuni … që të shenjtëroheni nëpërmjet marrjes së Frymës së Shenjtë.”
Referenca e Shkrimit të Shenjtë Ethëri 12:6	Fraza Kyç e Shkrimit të Shenjtë “Ju nuk do të merrni asnjë dëshmi, deri pas provës së besimit tuaj.”
Referenca e Shkrimit të Shenjtë Ethëri 12:27	Fraza Kyç e Shkrimit të Shenjtë “Në qoftë se njerëzit vijnë tek unë, … atëherë unë do të bëj që gjërat e dobëta, të bëhen të forta në ta.”
Referenca e Shkrimit të Shenjtë Moroni 7:45–48	Fraza Kyç e Shkrimit të Shenjtë “Dashuria hyjnore është dashuria e pastër e Krishtit.”
Referenca e Shkrimit të Shenjtë Moroni 10:4–5	Fraza Kyç e Shkrimit të Shenjtë “Kërkoni me një zemër të sinqertë, me qëllim të vërtetë duke pasur besim në Krisht … [dhe] nëpërmjet fuqisë së Frymës së Shenjtë, ju mund të dini të vërtetën e të gjitha gjërave.”

© 2023 by Intellectual Reserve, Inc. All rights reserved.

Mendo për rrethanat e tua. Shqyrtoje tabelën e fragmenteve të zotërimit doktrinor dhe përzgjidhe njërin (ose disa fraza kyç të shkrimit të shenjtë) që ti e ndien se do të ishin më të dobishme që t’i mësosh përmendsh tani. Merre parasysh ta përdorësh njërën prej teknikave vijuese (ose veçoritë e mësimit përmendsh në programin kompjuterik Doctrinal Mastery [Zotërimi Doktrinor]) për të të ndihmuar ta mësosh përmendsh fragmentin (ose frazat) që zgjodhe.

• Shkruaje: Cakto një kronometër për një sasi kohe të mjaftueshme (për shembull, 30 sekonda). Shkruaj sa më shumë të mundesh nga fragmenti pa i parë shkrimet e shenjta ose tabelën. Shikoje kronometrin përsëri dhe shkruaj më shumë. Përsërite derisa ta kesh shkruar të gjithë fragmentin e shkrimit të shenjtë. Më pas, mund ta provosh sërish veprimtarinë për të parë nëse mund ta shkruash atë për një kohë më të shkurtër.

• Shkronjat e para: Shkruaje në ditarin tënd të studimit referencën e plotë dhe fragmentin që zgjodhe. Pranë tij shkruaj shkronjën e parë të secilës fjalë. Lexoje të gjithë fragmentin disa herë. Më pas mbuloje fragmentin dhe provo të përdorësh vetëm shkronjat e para për ta përsëritur referencën dhe fragmentin (duke e zbuluar të gjithë fragmentin sipas nevojës). Bëje këtë disa herë derisa të mund ta përsëritësh fragmentin përmendsh.

• Frazë pas fraze: Në fillim ndaji referencën dhe fragmentin në disa fraza më të vogla. Më pas mësoje përmendsh frazën e parë në fragment duke e përsëritur atë ose duke e shkruar atë disa herë. Më pas bëje të njëjtën gjë me frazën e dytë. Përsërite këtë proces derisa ta kesh mësuar përmendsh të gjithë referencën dhe fragmentin.

Përsëritje

1. Plotësoje sa vijon:

   Shkruaji një pusullë të shkurtër mësuesit tënd. Përfshi sa vijon:

   • Fragmentin e shkrimit të shenjtë ose frazat kyç të shkrimit të shenjtë që punove për t’i mësuar përmendsh dhe metodat e mësimit përmendsh që përdore

   • Rrethanat me të cilat po përballesh tani ose do të përballesh në të ardhmen, në të cilat do të ishin të dobishme ky fragment ose frazat kyç të mësuara përmendsh

   • Mendimet e tua mbi mënyrën se si mësimi përmendsh i shkrimeve të shenjta mund të të ndihmojë ta ndjekësh shembullin e Jezu Krishtit

Kërko mundësi për t’i përsëritur shpesh referencën e shkrimit të shenjtë dhe fragmentin (ose frazat kyç) të mësuara përmendsh.