3 Нифай 28

Бусдыг Есүс Христэд авчрахыг хүсэх

гудамжаар алхаж буй аз жаргалтай хэсэг залуу

Бидний амьдралдаа хүсэж болох хамгийн агуу хүслийн нэг бол Есүс Христийн мөн Түүний Цагаатгалаар санал болгосон адислалуудыг хүлээн авахад нь бусдад туслах явдал юм (Сургаал ба Гэрээ 15:6-г үзнэ үү). Гурван нифай шавь нь Есүс Христийн Хоёр дахь ирэлт хүртэл дэлхий дээр үлдэж, Түүнд бодгалиудыг авчрахыг хүсэх үедээ үүнийг өвөрмөц байдлаар харуулсан. Энэ хичээл бусдыг Есүс Христэд авчрах хүслээ нэмэгдүүлэхэд танд туслах зорилготой.

Та юу хүсэж байна вэ?

• Хэрэв Есүс Христ гарч ирээд, “чи надаас юу хүсэх вэ?” гэж асуувал та юу гэж хариулах вэ?

• Та хийсэн зүйлээ яагаад сонгох вэ?

Аврагч нифайчуудын дунд тохинуулах үеэрээ энэ асуултыг шавь нараасаа асуусан (3 Нифай 28:1-ийг үзнэ үү).

3 Нифай 28:2–6-г уншаад, нифай шавь нар Аврагчийн асуултад хэрхэн хариулсныг олж мэд.

• Та юу олж мэдсэн бэ?

6-р шүлэг-т Аврагч гурван нифай шавь нь Иоханы хүссэнтэй ижил зүйлийг хүссэнийг дурджээ. Сургаал ба Гэрээ 7:1–3-ыг уншаад, Иоханы юу хүссэнийг олж мэд.

• Энэ гурван шавь яагаад дэлхий дээр үлдэхийг хүссэн гэж та бодож байна вэ?

Есүс Христ рүү хүмүүсийг авчрах өөрийнхөө хүслийн талаар бод. Дараах өөрийгөө үнэлэх асуулт нь үүнийг хийхэд тань тусална.

Дараах мэдэгдэл бүрд “үргэлж”, “заримдаа” эсвэл “маш ховор” гэж хариул.

1. Би хүмүүст Христийн талаар ярих боломжийг хайдаг.

2. Би Христийн талаар ярих хүмүүсийг олох боломжийн төлөө залбирдаг.

3. Би бусдад Есүс Христийг дагахад туслахыг хүсдэг.

Бусдыг Христэд ирэхэд нь туслах хүслээ нэмэгдүүлэх нь

Судлах тэмдэглэлийнхээ хуудасны голд сайн мэдээг бусадтай хуваалцах хүсэлгүй өсвөр насны хүүхдийг дүрсэлсэн жижиг савааны дүрс зур. Савааны эргэн тойронд хоосон зайд энэ өсвөр насны хүүхэд сайн мэдээг хуваалцахыг хүсэхгүй байж болох шалтгаануудыг бич. Өнөөдрийн хичээлээр сурч мэдсэн үнэнээ бичих зай үлдээ.

Та үргэлжлүүлэн судалж байхдаа хэн нэгэнд сайн мэдээг хуваалцах илүү их хүслийг мэдрэхэд нь туслах сургаалуудыг олж мэд.

3 Нифай 28:7–10-ыг уншаад, ИХ Эзэн рүү бодгалиудыг авчрахын тулд дэлхий дээр үлдэхийг хүссэн нифай шавь нарт Их Эзэний юу амласан болохыг олж мэд.

• 7–8-р шүлэг-т Есүс тэдэнд ямар адислал өгсөн учраас тэд хүслээ биелүүлж чадсан бэ?

• Аврагч шавь нартаа зөв шударга хүслийнхээ хариуд юу хүлээн авна хэмээн 9–10-р шүлэг-т амласан бэ?

Бидний эрин үед Их Эзэн Өөр лүү нь бодгалиудыг авчрахыг эрэлхийлдэг хүмүүст адислал амласан. Сургаал ба Гэрээ 18:15–16-г уншаад, бид Есүс Христэд бодгалиудыг авчирснаар хүртэх адислалыг олж мэд.

• Бид Есүс Христэд бодгалиудыг авчрахыг эрэлхийлснээр хэрхэн адислагдаж болох тухай эдгээр шүлгээс сурч мэдэж болох үнэн юу вэ?

Эдгээр шүлгээс бидний сурч болох нэг үнэн бол Есүс Христэд бодгалиудыг авчрахын тулд хичээснээрээ бид баяр хөөр мэдэрч чадна гэсэн үнэн юм. Зурсан зураг дээрээ энэ үнэнийг бич.

дүрс, тэмдэглэх

1. Дараах асуултуудад хариул.

   • Есүс Христэд бодгалиудыг авчрах нь яагаад баяр баяслын эх үүсвэр болно гэж та бодож байна вэ?

   • Энэ үнэнийг ойлгох нь хэн нэгэнд сайн мэдээг хуваалцах илүү их хүслийг мэдрэхэд хэрхэн туслах вэ?

Сайн мэдээг хуваалцах хүслийг маань нэмэгдүүлэхэд тусалж болох бусад судрын эсвэл Сүмийн удирдагчдын хэлсэн үгийг хай. Та “Номлогчийн ажил” гэх мэт сэдвүүдийг хайхдаа Сайн мэдээний сэдвүүд эсвэл Судрын удирдамж зэрэг сургалтын хэрэглэгдэхүүнийг ашиглаж эсвэл дараах эшлэлүүдийн заримыг юм уу бүгдийг нь судалж болно. Олж мэдсэн үнэнээ судлах тэмдэглэл дээрх зурган дээрээ нэм.

• 2 Нифай 2:8

• Сургаал ба Гэрээ 33:8–10

• Сургаал ба Гэрээ 84:88

• Сургаал ба Гэрээ 123:12–14

2. Дараах асуултуудад хариул.

   • Хэн нэгэнд сайн мэдээг хуваалцах илүү их хүслийг мэдрэхэд тусалж болох ямар сургаалыг та олж мэдсэн бэ? Яагаад эдгээр сургаал тусална гэж та бодож байна вэ?

   • Бид сайн мэдээг хуваалцах үедээ хүлээн авч болох адислалуудыг харахад танд ямар туршлага тусалсан бэ?

  Хоёр видеог ChurchofJesusChrist.org дээр олж болно.

Өнөөдөр та бусдыг Христэд ирэхэд туслах хүсэлд тань нөлөөлж болох юу сурч мэдсэн эсвэл мэдэрсэн тухайгаа бод. Өөрт тохиолдсон бодол санаа, сүнслэг сэтгэгдлээ судлах тэмдэглэлдээ бичиж, сэтгэгдлээ хэрэгжүүлэх төлөвлөгөө гарга.

Нэмэлт: Илүү ихийг судлахыг хүсэж байна уу?

Бусдыг Христэд авчрахад туслах бидний хүсэл яагаад өнөө үед тийм чухал вэ?

Ерөнхийлөгч Рассэлл М.Нэлсон ийн заасан.

Ерөнхийлөгч Рассэлл М.Нэлсон

Есүс Христийн сайн мэдээ урьд өмнөхөөс ч илүү хэрэгтэй байна. … Зөрчилдөөн Аврагчийн төлөөлж, зааж байсан бүхэнтэй харшилдаг. Би Их Эзэн Есүс Христэд хайртай бөгөөд Түүний сайн мэдээ бол амар амгаланд хүргэх цорын ганц найдвартай шийдэл гэдгийг гэрчилж байна.

Түүний сайн мэдээ бол хүмүүнийг айж цочирдох үед туслах цорын ганц хариулт юм. … Бурханыг сонсож, амьдралдаа Түүнийг ялуулах боломж олгох бүх хүнтэй бид Есүс Христийн хүч чадал, амар амгаланг хуваалцах ариун нандин үүрэгтэй. …

… Дэлхий дээрх сүнслэг харанхуй нэмэгдэх тусам Есүс Христийн гэрэл бүр илүү шаардлагатай болж байна. Хүн бүр Есүс Христийн сэргээгдсэн сайн мэдээний талаар мэдэж авах боломжийг хүртэх эрхтэй. Хүн бүр “бүх оюун ухааныг [давах]” [Филиппой 4:7] найдвар, амар амгаланг хаанаас олж болохыг мэдэх эрхтэй. (Ерөнхийлөгч Рассэлл М.Нэлсон, “Амар амгалангийн сайн мэдээг номлох нь,” 2022 оны 5-р сар, Лиахона, 6, 7).

Намайг сайн мэдээг хуваалцах үед бусад хүн баяр баясгалан мэдэрч чадах уу?

Далын ахлагч Маркус Б.Нэш мөн ийн заасан.

Ахлагч Маркус Б.Нэш

Хүн амьдралын гайхамшигт зорилгыг олж мэдэн, Христ Өөрийг нь дагадаг хүмүүсийг өршөөж, тусалдгийг ойлгон авч, Христийг даган баптисмын усанд орохыг сонговол амьдралын нөхцөл байдал нь өөрчлөгдөөгүй ч амьдрал нь сайжирдаг.

Нигерийн Онитшад миний танилцсан гэрэл цацруулсан баяр баясгалантай нэгэн эмэгтэй үнэнийг мэдэж авч, баптисм хүртсэнээс хойш “Бүх зүйл сайхан байна. Би аз жаргалтай байна. Би тэнгэрт байна” гэж хэлж билээ. Сайн мэдээг хуваалцах нь хуваалцаж байгаа, хүлээн авч байгаа хоёр хүний аль алинд баяр хөөр, итгэл найдвар төрүүлдэг. Сайн мэдээг хуваалцахад үнэхээр “та нарын баяр хөөр хэчнээн агуу байх билээ!” [Сургаал ба Гэрээ 18:15] Сайн мэдээг хуваалцах нь баяр хөөрийн дээд баяр хөөр, найдварын дээд найдвар юм. (Маркус Б.Нэш, “Гэрлээ өргө,” Лиахона, 2021 оны 11-р сар, 71)

Хувирал, хувиргалт, амилалт хоорондоо ямар ялгаатай вэ?

Гурван нифай шавь эхлээд “Бурханы зүйлсийг харах”(3 Нифай 28:13–15)-ын тулд өөрчлөгдсөн бөгөөд дараа нь Хоёр дахь ирэлт хүртэл дэлхий дээр үлдэхийн тулд хувирсан (3 Нифай 28:37–40).

Дараах тодорхойлолтууд нь хувиралт, хувиргалт, амилалтын хоорондын ялгааг тодруулахад тусална.

• Хувирсан хүмүүн биес. Иймэрхүү хүмүүн бие нь ‘өөрчлөгдсөнөөр үхэшгүй байдалд амилуулагдах хүртлээ өвчин, үхлийг амсахгүй болдог’ (Судруудын удирдамж, ‘Хувирсан хүмүүн биес’; scriptures.ChurchofJesusChrist.org).

• Хувиргалт “Гадаад төрх байдал, мөн чанараа түр зуур өөрчилсөн хүмүүсийн нөхцөл байдал—энэ нь тэнгэрлэг хүмүүсийн оршихуй хийгээд алдар сууг олж болохын тулд тэд сүнсний илүү өндөр түвшинд өргөгдөнө гэсэн үг” (Судруудын удирдамж “Хувиргалт,” scriptures.ChurchofJesusChrist.org).

• Амилалт Үхлийн дараа бидний сүнс мах, ясан биетэйгээ дахин нэгдэх үйл явц мөн. Амилуулалтын дараа сүнс, бие махбод хэзээ ч дахин салахгүй ба хүн үхэшгүй болдог” (Судруудын удирдамж, “Амилалт,” scriptures.ChurchofJesusChrist.org).