Мормоны Номын семинарын суралцагчийн гарын авлага (2024)

Агуулга
Нүүр хуудас
Мормоны Номын семинарын суралцагчийн гарын авлага-ын оршил
Мормоны Ном—Оршил материал
Мормоны Номын удиртгал хэсгүүд
1 Нифай 1–5
1 Нифай 6–10
1 Нифай 11–15
1 Нифай 16–22
2 Нифай 1–2
2 Нифай 3–5
2 Нифай 6–10
2 Нифай 11–19
2 Нифай 20–25
2 Нифай 26–30
2 Нифай 31–33
Иаков 1–4
Иаков 5–7
Инос–Мормоны үгс
Moзая 1–3
Moзая 4–6
Moзая 7–10
Moзая 11–17
Moзая 18–24
Moзая 25–28
Мозая 29–Алма 4
Алма 5–7
Алма 8–12
Алма 13–16
Алма 17–22
Алма 23–29
Алма 30–31
Алма 32–35
Алма 36–38
Алма 39–42
Алма 43–52
Алма 53–63
Хиламан 1–6
Хиламан 7–12
Хиламан 13–16
3 Нифай 1–7
3 Нифай 8–11
3 Нифай 12–16
3 Нифай 17–19
3 Нифай 20–26
3 Нифай 27–4 Нифай 1
Moрмон 1–6
Moрмон 7–9
Ифер 1–5
Ифер 6–11
Ифер 12–15
Moронай 1–6
Moронай 7–9
Моронай 10

4 Нифай: “Их Эзэнд хөрвөгдөв”

“4 Нифай: “Их Эзэнд хөрвөгдөв,” Мормоны Номын багшийн гарын авлага (2024)

“4 Нифай,” Мормоны Номын багшийн гарын авлага

4 Нифай

“Их Эзэнд хөрвөгдөв”

сүмийн хувцастай аз жаргалтай залуу эмэгтэйчүүдийн бүлэг

Олон мянган жилийн турш нийгэм, гэр бүл, хувь хүмүүс эв найрамдал, амар амгалан, эв нэгдэл зэрэг үзэл санааг эрэлхийлсээр ирсэн. Эдгээр нь боломжгүй мэт санагдаж болох ч оршин байдаг. 4 Нифайн цэдэг нь үүний жишээ юм. Эдгээр адислалыг туулж мэдрэх нэг түлхүүр бол Их Эзэнд хөрвөлтөө гүнзгийрүүлж, Бурханы хайрыг зүрх сэтгэлдээ байлгах явдал юм. Энэ хичээл Тэнгэрлэг Эцэгээ болон Есүс Христийг хайрлах хайрыг мэдрэхэд тань тусалж, ингэснээр та тэдэнд илүү гүн гүнзгий хөрвөгдөх болно.

Тэнгэрлэг боломж

Хэрэв та болон таны эргэн тойронд байгаа хүмүүс бүгдээрээ Есүс Христийг хайрлаж, дагахыг хичээдэг байсан бол ямар байх байсныг төсөөлж үз.

Танай нийгэм хэр өөр байж болох вэ?
Таны сургууль, сүм хэр өөр байж болох вэ?
Таны гэр орон хэр өөр байж болох вэ?

4 Нифайн ном нь Аврагчийг Америк тивд очсоны дараа амьдарч байсан хүмүүсийн цэдгийг агуулдаг. Та тэдний туршлагыг судлахдаа Есүс Христ, Түүний сайн мэдээ энэ хүмүүст хэрхэн нөлөөлснийг олж мэд. Эдгээр сургаал таны амьдралын хэв маягийг сонгоход хэрхэн нөлөөлж болох талаар бод.

Аврагчийн сайн мэдээний нөлөө

4 Нифай 1:1–2-ыг уншаад, Аврагч, Түүний сургаалын хүмүүст үзүүлсэн нөлөөг олж мэд.

Та юу анзаарч харсан бэ?

Та “хүмүүс бүгд Их Эзэнд хөрвөгдөв 2-р шүлэг гэсэн шүлгийг тэмдэглэхийг хүсэж болно.

Их Эзэнд хөрвөгдөх гэдэг нь “Бурханы хүслийг хүлээн зөвшөөрч, түүнд нийцүүлэхийн тулд өөрийн итгэл үнэмшил, зүрх сэтгэл, амьдралаа өөрчлөх … [болон] Христийн шавь болох” гэсэн үг юм (Судруудын удирдамж, “Хөрвөлт, хөрвөгдөх,” scriptures.ChurchofJesusChrist.org).

Хөрвөгдсөний адислал

Нифайчууд болон леменчүүд Есүс Христэд хөрвөгдсөнийхөө ачаар гайхалтай адислалуудыг мэдэрсэн. Судлах тэмдэглэл дээрээ хуудасны голд “Хөрвөгдсөний адислалууд” гэж бич.

4 Нифай 1:2–18-ыг уншаад, тэдний хүлээн авсан адислалуудыг харуулсан үгийг эсвэл хэллэгийг тэмдэглэ. Цаасан дээрээ “Хөрвөгдсөний адислалууд” гэсэн гарчгийн эргэн тойронд эдгээр үгийг эсвэл хэллэгийг бич. (16-р шүлэг дэх зарим үгийн утгыг мэдэх нь тустай байж болох юм. Үймээн гэдэг нь олон нийтийн эмх замбараагүй байдал, бужигнаан, завхайрал гэдэг нь садар самууны нүгэл, шунал тачаал гэдэг нь хүсэл тачаал, ариун бус байдлыг илэрхийлдэг.)

Та эдгээр адислалын алийг нь амьдралдаа илүү их мэдрэхийг хүсэж байгаагаа бод. Тэднийг судлах тэмдэглэлийнхээ хуудсан дээр дугуйл.

Зураг

дүрс, тэмдэглэх

Дараах асуултуудад хариул.
- Эдгээр шүлгээс юу нь танд онцгой санагдсан бэ? Яагаад?
- Та эдгээр шүлгээс сурч мэдсэн зүйл дээрээ үндэслэн “Биднийг Их Эзэнд хөрвөгдөх үед…” гэсэн өгүүлбэрийг хэрхэн гүйцээж чадах вэ?

Эдгээр шүлгээс бидний тодорхойлж чадах нэг үнэн бол бид Их Эзэнд хөрвөгдөж, Христийн хүүхдүүдийн хувьд аз жаргал, эв нэгдлээр адислагддаг гэсэн үнэн юм.

Та Есүс Христэд хөрвөгдөж, Түүний сайн мэдээгээр амьдрах нь яагаад ийм адислалуудыг авчирдаг гэж та бодож байна вэ?
Энэ үнэнийг ойлгох нь бидний өдөр тутмын үйлдэлд хэрхэн нөлөөлж чадах вэ?

Бурханы хайр

Арван хоёр төлөөлөгчийн чуулгын ахлагч Жэффри Р.Холланд энэ хүмүүс яагаад ийм аз жаргалтай, эв нэгдэлтэй амьдарч чадсан тухай дараах ажиглалтыг ийн хуваалцсан.

Зураг
Ахлагч Жэффри Р.Холланд

Сэтгэл хангалуун, аз жаргалтай амьдралын ийм амжилтын түлхүүр юу вэ? Энэ түлхүүр “хүмүүсийн зүрх сэтгэлд орших Бурханы хайр …” [4 Нифай 1:15] хэмээх нэгэн өгүүлбэрийн бичвэрт шингэжээ. Бурханы хайр бидний амьдралын мөн нэг нэгэнтэйгээ харилцах харилцааны маань, эцэстээ бүх хүн төрөлхтний төлөөх мэдрэмжийн маань өнгө аясыг тохируулах үед хуучны зааг ялгаа, хязгаарласан нэр шошго, хуурамч ангилал бүдгэрч, амар амгалан нэмэгддэг. Энэ бол яг бидний Мормоны Номын жишээн дээр тохиолдсон юм. Леменчүүд эсвэл иаковчууд эсвэл иосефчууд эсвэл зорамчууд байхаа больсон. Ямар ч -чууд огт байхгүй болсон. Хүмүүс нэгэн нийтлэг шинжийг олжээ. Тэд бүгдээрээ “Христийн хүүхдүүд” [4 Нифай 1:17] хэмээн хэлэгддэг байв. (Жэффри Р.Холланд, “Хамгийн агуу хөрөнгө,” 2021 оны 10-р сарын Ерөнхий чуулган)

Хүмүүсийн зүрх сэтгэлд орших Бурханы хайрын тухай 15-р шүлэг дэх хэллэгийг тэмдэглэ. Бидний зүрх сэтгэлд Бурханы хайр байна гэдэг нь бидний болон бусдын төлөөх Бурханы хайрыг мэдрэх гэсэн үг юм. Энэ нь мөн Тэнгэрлэг Эцэгийг болон Есүс Христийг хайрлах хайрыг мэдрэх гэсэн утгатай байж болно.

Тэнгэрлэг Эцэгээ болон Есүс Христийг хайрлах хайрыг мэдрэхэд туслах ямар үйлдлийг бид хийж болох вэ?

Бид Тэнгэрлэг Эцэгээ болон Есүс Христийг хайрлах хайрыг илүү их мэдрэх нэг арга зам бол судраас Тэдний талаар суралцаж, таньж мэдэх явдал юм.

Тэнгэрлэг Эцэг, Есүс Христ хоёрын тухай судрын хэсгүүдийг судлахад цаг гарга. Тэдний зан чанар, хүсэл, үүргийн талаар олж мэдсэн зүйлдээ анхаарлаа хандуул. Та “Тэнгэрлэг Эцэг” эсвэл “Есүс Христ” гэх мэт үгсийг Судруудын удирдамж эсвэл Сайн мэдээний номын сангийн хайлтын функц гэх зэрэг судлах хэрэгслийг ашиглан хайж болно.

Дараах асуултуудад хариул.
- Та Тэнгэрлэг Эцэгийн тухай эсвэл Есүс Христийн тухай Тэдний хайрыг илүү их мэдрэхэд тань тусалж чадах ямар зүйл сурч мэдсэн бэ?
- Таныг Есүс Христэд илүү хөрвөгдөхөд тань туслах ямар зүйлийг ойрын өдрүүдэд хийхийг хичээх вэ?

Нэмэлт: Илүү ихийг судлахыг хүсэж байна уу?

Их Эзэн рүү хөрвөлтөө гүнзгийрүүлэхэд надад юу тусалж чадах вэ?

Залуу эмэгтэйчүүдийн ерөнхий ерөнхийлөгч асан Бонни Л.Оскарсон ийн заасан.

Зураг
Ерөнхийлөгч Бонни Л.Оскарсон

Бид хичээнгүйлэн залбирч, судраас суралцан, сүмдээ явж мөн ариун сүмийн ёслолуудад оролцохуйц зохистой байснаар хөрвөлт явагдаж эхэлдэг. Хөрвөлт нь биднийг гэр орондоо болон ангидаа сурч мэдсэн зөв шударга зарчмуудынхаа дагуу үйлдэх үед ирдэг. Биднийг цэвэр байж, ариун журамтай амьдран, Ариун Сүнсний нөхөрлөлд баясах үед хөрвөлт тохиодог. Бид Есүс Христийн Цагаатгалыг ойлгон, Түүнийг бидний Аврагч, Гэтэлгэгч хэмээн хүлээн зөвшөөрч, өөрсдийнхөө амьдралд Цагаатгалыг нөлөөлөх боломж олгосноор хөрвөлт тохиодог. Бонни Л.Оскарсон, “Хөрвөгдөцгөө, та нар минь,” 2013 оны 10-р сарын Ерөнхий чуулган, 85–88)

Хэрэв хөрвөлт надад тохиохгүй байна гэж санагдвал яах вэ?

Арван хоёр төлөөлөгчийн чуулгын ахлагч Дэвид А.Бэднар ийн заасан.

Зураг
Ахлагч Дэвид А.Бэднар

Бидний олонхын хувьд хөрвүүлэлт нь цаг хугацаа шаардсан үйл явц бөгөөд энэ нь хүчтэй буюу сэтгэл хөдөлгөсөн үйл явдлын үр дүнд бий болдог нэг удаагийн явдал биш юм. Шат шатаар мөн дүрэм дүрмээр, яваандаа, бараг мэдэгдэлгүйгээр, бидний үйл хөдлөл, бодол, үг, үйлс Бурханы хүсэлтэй нэгдэн нэг болдог. Их Эзэнд хөрвүүлэгдэх нь тэвчээртэй мөн шаргуу байдлын аль алиныг шаарддаг. (Дэвид А.Бэднар “Их Эзэнд хөрвүүлэгдэв,” 2012 оны 10-р сарын Ерөнхий чуулган, 130–133)

Зүрх сэтгэлд минь Бурханы хайр байх нь бусадтай илүү эв нэгдэлтэй байхад надад хэрхэн туслах вэ?

Арван хоёр төлөөлөгчийн чуулгын ахлагч Дэйл Г.Рэнланд ийн заасан.

Зураг
Ахлагч Дэйл Г.Рэнланд

Нэгдмэл байхын тулд хүчин чармайлт гаргах шаардлагатай. Энэ нь биднийг Бурханы хайрыг зүрх сэтгэлдээ соёолуулж, мөнхийн хувь заяандаа анхаарлаа төвлөрүүлэх үед өсөн хөгждөг. Бид Бурханы хүүхдүүд гэх нийтлэг үндсэн шинж чанараараа мөн сэргээгдсэн сайн мэдээний үнэнд тууштай байх гэсэн үүрэг амлалтаараа нэгддэг. Бурханыг гэх бидний хайр мөн Есүс Христийн шавь байх нь бусдад чин сэтгэлээсээ санаа тавих хүслийг бадраадаг. (Дэйл Г.Рэнланд, “Христийн амар тайван дайсагналыг хөнөөдөг,” 2021 оны 10-р сарын Ерөнхий чуулган, 84)