« មរមន ៧ ៖ ‹ នៅក្នុងស្ថានភាពមួយដ៏សប្បាយរីករាយ ហើយគ្មានទីបំផុត › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« មរមន ៧ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
មរមន ៧
« នៅក្នុងស្ថានភាពមួយដ៏សប្បាយរីករាយ ហើយគ្មានទីបំផុត »
សូមស្រមៃពីអ្វីដែលប្រហែលជាមរមនបានគិត នៅពេលដែលលោកបានឃើញទុក្ខព្រួយ និងការបំផ្លិចបំផ្លាញដែលបណ្តាលមកពីការប្រយុទ្ធចុងក្រោយរវាងពួកសាសន៍នីហ្វៃ និងពួកសាសន៍លេមិន ។ មុនពេលការប្រយុទ្ធទាំងនេះបានផ្តាច់ជីវិតរបស់លោកផ្ទាល់ មរមនបានបញ្ចប់សំណេររបស់លោកតាមរយៈការបង្រៀនអំពីព្រះយេស៊ូវគ្រីស្ទ និងសុភមង្គលដ៏នៅអស់កល្បជានិច្ចដែលកំពុងរង់ចាំអស់អ្នកដែលធ្វើតាមទ្រង់ ។ មេរៀននេះអាចជួយអ្នកឲ្យធ្វើតាមព្រះយេស៊ូវគ្រីស្ទ ហើយរៀបចំខ្លួនរស់នៅជាមួយព្រះដោយសុភមង្គលដ៏នៅអស់កល្បជានិច្ច ។
ជីវិតរបស់មរមន
សូមធ្វើសំណួរខាងក្រោមដើម្បីឲ្យដឹងថាអ្នកចងចាំអ្វីខ្លះអំពីព្យាការីមរមន ។
ចម្លើយគឺមាននៅចុងបញ្ចប់នៃមេរៀននេះ ។
-
តើមរមនបានពិពណ៌នាវ័យជំទង់របស់លោកដោយរបៀបណា ? ( សូមមើល មរមន ១:២ ) ។
-
លោកគឺជាអ្នកស្ពាយអាវុធនៅក្នុងកងទ័ពពួកសាសន៍នីហ្វៃ
-
លោកមានការភ័យខ្លាច
-
លោកសង្កេតមើលដោយឆាប់រហ័ស ។
-
-
តើមរមនបានដកពិសោធអ្វីខ្លះនៅវ័យ ១៥ ឆ្នាំ ? ( សូមមើល មរមន ១:១៥ ) ។
-
ព្រះអម្ចាស់បានយាងមកជួបលោក
-
ការអធិប្បាយរបស់លោកបានផ្លាស់ប្រែចិត្តមនុស្សរាប់រយនាក់
-
លោកបានមានរបួសនៅក្នុងការប្រយុទ្ធ
-
-
តើព្រះគម្ពីរមរមនបានសរសេរ ឬសង្ខេបដោយមរមនមានប្រហែលប៉ុន្មាន ?
-
១/២
-
២/៣
-
៣/៤
-
មរមន មានទំនួលខុសត្រូវក្នុងការសង្ខេប សរសេរ និងរក្សាទុកព្រះគម្ពីរដ៏ពិសិដ្ឋ ដែលយើងស្គាល់នៅពេលបច្ចុប្បន្ននេះថា ជាព្រះគម្ពីរ មរមន ។ រហូតដល់ទីបញ្ចប់នៃជីវិតរបស់លោក មរមន បានធ្វើជាសាក្សី និងបានចូលរួមប្រយុទ្ធនៅក្នុងសង្រ្គាម ដ៏ធំមួយរវាងពួកសាសន៍នីហ្វៃ និងពួកសាសន៍លេមិន ។ នៅទីបំផុត សង្គ្រាមនេះបានផ្តាច់យកជីវិតរបស់មរមន ( សូមមើល មរមន ៨:៣ ) ។ មុនពេលប្រគល់កំណត់ត្រាដ៏ពិសិដ្ឋនេះទៅដល់កូនប្រុសរបស់លោកគឺមរ៉ូណៃ មរមនបានសរសេរសារលិខិតចុងក្រោយរបស់លោកទៅកាន់អ្នកអានព្រះគម្ពីរមរមននាពេលអនាគត ។
-
នៅពេលដែលពិចារណាអំពីជីវិត បទពិសោធន៍ និងទីបន្ទាល់របស់មរមន តើអ្នកគិតថា លោកអាចនឹងសរសេរនៅក្នុងសារលិខិតចុងក្រោយរបស់លោក ទៅកាន់ អ្នកអានព្រះគម្ពីរមរមននាពេលអនាគតអ្វីខ្លះ ? ហេតុអ្វី ?
នៅពេលអ្នកសិក្សាគម្ពីរ មរមន ៧ សូមមើលអំពីរបៀបដែលសារលិខិតរបស់មរមន មិនត្រឹមតែមានអត្ថន័យចំពោះមនុស្សនៅក្នុងជំនាន់សង្គ្រាមប៉ុណ្ណោះទេ ប៉ុន្តែក៏មានអត្ថន័យចំពោះមនុស្សក្នុងគ្រប់កាលៈទេសៈទាំងអស់ក្នុងជីវិតមនុស្សផងដែរ ។
អ្វីដែលមរមនចង់ឲ្យយើងដឹង
សូមអាន មរមន ៧:២–៧ ។ សូមគូសចំណាំនៅក្នុងបទគម្ពីររបស់អ្នក ឬបញ្ជីនៅក្នុងសៀវភៅកំណត់ហេតុរបស់អ្នកនូវអ្វីដែលមរមនចង់ឲ្យអ្នកអានដឹង ។ សូមផ្តោតយកចិត្តទុកដាក់ ជាពិសេសទៅលើអ្វីដែលមរមនបានបង្រៀនអំពីព្រះយេស៊ូវគ្រីស្ទនៅក្នុង ខទី ៥–៧ ។
-
សូមឆ្លើយសំណួរខាងក្រោមនេះ ៖
-
ហេតុអ្វីបានជាអ្នកគិតថា មរមនយល់ឃើញថាការណ៍ទាំងនេះជាសេចក្ដីពិតដ៏សំខាន់សម្រាប់ពួកយើងត្រូវការដឹង ?
-
តើសេចក្តីពិតមួយណាក្នុងចំណោមសេចក្តីពិតទាំងនេះមានអត្ថន័យបំផុតសម្រាប់អ្នកផ្ទាល់ ? ហេតុអ្វី ?
-
ហេតុអ្វីបានជាវាមានភាពចាំបាច់ត្រូវការដឹង « ថាអ្នករាល់គ្នាជាវង្សអ៊ីស្រាអែល » ( មរមន ៧:២ ) ?
-
អ្នកប្រហែលជាបានសង្កេតឃើញហើយថា នៅពេលដែលអំពើទុច្ចរិត និងសង្រ្គាមហ៊ុំព័ទ្ធមរមន នោះលោកបានសម្លឹងឆ្ពោះទៅការមានព្រះជន្មរស់ឡើងវិញ និងការប្រោសលោះរបស់ព្រះយេស៊ូវគ្រីស្ទ ។ លោកបានបង្រៀនថា ដោយសារព្រះយេស៊ូវគ្រីស្ទ យើងអាចទទួលបានការអត់ទោសពីអំពើបាបរបស់យើង ដូច្នេះហើយត្រូវរៀបចំដើម្បីរស់នៅជាមួយព្រះក្នុងស្ថានភាពនៃសុភមង្គល ( សូមមើល មរមន ៧:៧ ) ។
-
តើមានបញ្ហាប្រឈមមុខ ឬឥទ្ធិពលអវិជ្ជមានអ្វីខ្លះដែលមាននៅជុំវិញបងប្អូន ?
-
តើចំណេះដឹងអំពីដង្វាយធួននៃព្រះយេស៊ូវគ្រីស្ទ និងការអាចមានសុភមង្គលដ៏នៅអស់កល្បជានិច្ចផ្តល់ជាប្រភពនៃសេចក្តីសង្ឃឹម និងកម្លាំងនៅក្នុងជីវិតរបស់អ្នកឥឡូវនេះដោយរបៀបណា ?
ការប្រែក្លាយចំណេះដឹងឲ្យទៅជាសកម្មភាព
ការដឹងថា យើងអាចរស់នៅជាមួយព្រះក្នុងសុភមង្គលដ៏នៅអស់កល្បជានិច្ចអាចផ្តល់នូវសេចក្តីសង្ឃឹមដ៏អស្ចារ្យដល់ពួកយើង ។ ដើម្បីជួយឲ្យយើងសម្រេចបាននូវសុភមង្គលនេះ មរមនបានលើកទឹកចិត្តយើងឲ្យបង្វែរចំណេះដឹងឲ្យទៅជាសកម្មភាព ។ ការណ៍នេះបានចង្អុលបង្ហាញអំពីការប្រើប្រាស់ពាក្យ « ហេតុដូច្នេះហើយ » របស់លោកនៅក្នុង ខទី ៨ ។
នៅក្នុងសៀវភៅកំណត់ហេតុការសិក្សារបស់អ្នក សូមសរសេរឃ្លាមិនពេញលេញខាងក្រោមនេះ ៖ « ខ្ញុំអាចរស់នៅជាមួយព្រះក្នុងស្ថានភាពសុភមង្គល នៅពេលខ្ញុំ … »
សូមអាន មរមន ៧:៨–១០ ហើយបំពេញឃ្លាដោយសរសេរយ៉ាងហោចណាស់សកម្មភាពចំនួនបី ដែលមរមនអញ្ជើញយើងឲ្យធ្វើ ។ សូមចំណាំថា នៅក្នុង ខទី ៩ « នេះ » សំដៅទៅលើព្រះគម្ពីរមរមន ហើយ « នោះ » សំដៅទៅលើព្រះគម្ពីរប៊ីប ។
-
ជ្រើសរើសសកម្មភាពពីរ រួចហើយឆ្លើយសំណួរខាងក្រោមនេះ ៖
-
តើមានរបៀបអ្វីខ្លះ ដែលយើងអាចអនុវត្តសកម្មភាពទាំងនេះបាន ?
-
តើសកម្មភាពទាំងនេះអាចជួយរៀបចំខ្លួនយើងឲ្យទទួលបានសុភមង្គលតាមការសន្យា ដែលមានតាមរយៈព្រះយេស៊ូវគ្រីស្ទដោយរបៀបណា ?
-
សូមពិចារណាអំពីរបៀបដែលអ្នកកំពុងធ្វើតាមដំបូន្មានរបស់មរមន ។ សូមមើលរង្វាស់ខាងក្រោម ហើយវាយតម្លៃអំពីខ្លួនអ្នកនៅក្នុងប្រភេទនីមួយៗ ( ១ = មិនធ្លាប់សោះ ៥ = តែងតែធ្វើជានិច្ច ) ។
ជ្រើសរើសការអញ្ជើញរបស់មរមនមួយដែលអ្នកគិតក្នុងចិត្តថា អាចជួយដល់អ្នកឲ្យស្វែងរកសុភមង្គលដែលមានតាមរយៈព្រះយេស៊ូវគ្រីស្ទ ។ សម្រេចចិត្តថាអ្នកអាចធ្វើអ្វីបាន ដើម្បីធ្វើតាមការអញ្ជើញនោះ និងរបៀបដែលវាអាចជួយអ្នកឲ្យផ្តោតទៅលើព្រះអង្គសង្គ្រោះ ។
ចម្លើយសំណួរ ៖ ១) គ; ២) ក; ៣) ខ ( ពាក្យសម្ដីនៃមរមន–មរមន ៧ និង មរ៉ូណៃ ៧–៩ )