“O le Molimau a Iosefa Samita o le Tusi a Mamona: ‘Na Faaliliuina … e ala i le Meaalofa ma le Mana o le Atua’” Tusi Lesona a le Faiaoga o le Tusi a Mamona (2024)

“O le Molimau a Iosefa Samita o le Tusi a Mamona,” Tusi Lesona a le Faiaoga o le Tusi a Mamona

O Itulau Tomua o le Tusi a Mamona

O le Molimau a Iosefa Samita o le Tusi a Mamona

“Na Faaliliuina … e ala i le Meaalofa ma le Mana o le Atua”

Na faapefea ona oo mai le Tusi a Mamona? Na faapefea ona faaliliu e Iosefa Samita mai se gagana e le mailoa i le gagana Peretania? O le lesona lenei e mafai ona fesoasoani ia te oe e malamalama atili ai ma faamatala le auala na oo mai ai le Tusi a Mamoa “e ala i le meaalofa ma le mana o le Atua” (Mataupu Faavae ma Feagaiga 135:3).

Iloaina o igoa o tagata a’oa’o taitoatasi. O le iloaina ma le talanoa atu i tamaiti aoga taitasi e ala i le faaaogaina ai o lona igoa e mafai ona fesoasoani i se tamaitiiti aoga ia lagonaina lou alofa. Faaalu se taimi e aoao ai igoa o tamaiti aoga. Atonu e i ai ni au lisi o tauvalaauga faatasi ma ni ata o loo iai pe fai ni gaoioiga i le vasega e mafai ona fesoasoani ia oe ma tamaiti aoga e aoao ai igoa o le tasi ma le isi.

Gaoioiga e Ono Mafai Ona Aoao Ai

O le oo mai o le Tusi a Mamona

O le a sou manatu o a ni lagona atonu na oo ia Iosefa Samita i le taimi o nei mea taitasi na tutupu? Aisea?

“E ala i le meaalofa ma le mana o le Atua”

Mafaufau i se tasi e te iloa e mafai ona manuia mai le aoao atili e uiga i le oo mai o le Tusi a Mamona. Atonu o se tasi e le o se tagata o le Ekalesia, pe atonu foi o se tagata o le Ekalesia o loo ia tauivi ma lo latou faatuatua. Faamatala faapuupuu o latou tulaga i lau api faamaumau mo suesuega ma faailoa mai pe aisea o le a aoga ai ia i latou le aoao atili e uiga i le oo mai o le Tusi a Mamona.

A o e suesue, saili mo faamaoniga o le upumoni e faapea na faaliliuina e Iosefa Samita le Tusi a Mamona i le meaalofa ma le mana o le Atua (tagai itulau autu o le Tusi a Mamona ma le Mataupu Faavae ma Feagaiga 135:3).

Na tusia e Iosefa Samita e uiga i mea na oo ia te ia i le taimi na oo mai ai le Tusi a Mamona.

O a faamatalaga na e maua ua faailoa mai ai o le Tusi a Mamona na oo mai e ala i le meaalofa ma le mana o le Atua?
Aisea e te manatu ai o Iosefa Samita na filifilia e faaliliu le Tusi a Mamona, nai lo o se tagata atamai iloga o lenei vaitaimi?
O le a se mea na e aoaoina e uiga i le oo mai o le Tusi a Mamona lea o le a e faasoa atu i le tagata na e mafaufau i ai?

Auiliiliga o faamatalaga faasolopito

Ina ua uma ona maua e Iosefa Samita papatusi, na ia faaliliuina le Tusi a Mamona e ala i le meaalofa ma le mana o le Atua. “O nisi taimi na faaliliuina ai e Iosefa e ala i le tilotilo atu i faaliliu upu [o le Urima ma le Tumema] ma faitau i le gagana Peretania ia mataitusi i luga o papatusi. E tele taimi sa ia iloa ai e sili ona faigofie le faaaoga o se maa vaai se tasi. Na te tuu le maa vaai i totonu o lona pulou, ona tuu atu lea o ona foliga i totonu o le pulou e poloka ai le malamalama, ae pulatoa atu i le maa. O le malamalama mai le maa o le a susulu i le pogisa, ma faaalia ai upu na faalau mai e Iosefa” (Au Paia: O Le Tala o le Ekalesia a Iesu Keriso o le Au Paia o Aso e Gata Ai, vol. 1, O Le Tagavai o le Upumoni, vol. 1, 1815–1846 [2018], 61). Ina ia aoao atili e uiga i le maa vaai ma le faaliliuga o le Tusi a Mamona, tagai i le Gospel Topics Essay “Book of Mormon Translation.”

Afai e maua, matamata i le “Days of Harmonny” mai le faailotaimi 5:44 i le 9:24, lea e mafai ona maua i le ChurchofJesusChrist.org.

25:5

Faitau le saunoaga lenei mai ia Peresitene Dallin H. Oaks o le Au Peresitene Sili: E mafai foi ona e maimoa i le vitio “Faafeagai o Mea Uma” i le ChurchofJesusChrist.org mai le faailotaimi 8:18 i le 9:24.

15:27

Ina ua maea ona faaliliuina e Iosefa Samita le Tusi a Mamona, sa ao pea ona ia sailia se tagata e lolomiina. Sa lei faigofie lenei mea. O le lavelave o nei pepa uumi o tusiga ma le tau o le lolomiina ma le tuufaatasiga o le faitau afe o kopi sa taufaamatau. Sa muamua talanoa atu Iosefa ia E. B. Grandin, o se tagata lomitusi i Palamaira, o le na le taliaina. Ona ia saili atu lea i se isi tagata lomitusi i Palamaira lava, lea foi na ia teena o ia. Sa ia malaga atu i Rochester, 25 maila (40 km) le mamao, ma talanoa atu i le tagata lomitusi sili ona lauiloa i Niu Ioka i sisifo, lea foi na ia teena o ia. Sa naunau le isi tagata lomitusi i Rochester, ae sa i ai ni tulaga sa mafua ai ona le taliaina lenei avanoa.

Sa tuanai ni vaiaso, ma masalo sa matua le mautonu Iosefa i mea faafeagai i le faataunuuina o lona valaauga faalelagi. Sa lei faafaigofieina e le Alii, ae sa Ia saunia le auala ina ia mafai ai. O le taumafaiga lona lima a Iosefa, o lana talosaga lona lua lea i le lomitusi Palamaira o Grandin lea sa faamanuiaina. (Dallin H. Oaks, “Faafeagai o Mea Uma,” Liahona, Me 2016, 116)

E faapefea e nei faamatalaga auiliili faasolopito ona uunaia ou lagona patino e uiga i le Tusi a Mamona?
O le a se mea o aoao mai ia te oe e le oo mai o le Tusi a Mamona e uiga i le Tama Faalelagi ma Iesu Keriso?

Faamatalaina o le oo mai o le Tusi a Mamona

Manatu ma Talaaga o Faamatalaga

Na faapefea ona faaliliu e Iosefa Samita le Tusi a Mamona?

Na aoao mai Elder Ulisses Soares o le Korama a Aposetolo e Toasefululua:

17:12

O le faagasologa o le faaliliuga o le Tusi a Mamona o se vavega foi. O lenei faamaumauga paia anamua sa le’i “faaliliuina” i se auala masani lea e faaliliuina ai e tagata popoto anotusi anamua i le aoaoina lea o se gagana anamua. E ao ona tatou tagai atili atu i le faagasologa e faapei o se “faaaliga” faatasi ma le fesoasoani o meafaigaluega faaletino na aumai e le Alii, nai lo e ese mai i le “faaliliuga” e se tasi ua i ai le malamalama o gagana. Na tautino mai e Iosefa Samita e faapea e ala i le mana o le Atua, na ia faaliliuina ai le Tusi a Mamona mai [tusitusiga o ata vane anamua], le malamalama lea sa le iloa e le lalolagi, ae na ia tu ai na o ia i lea mea ofoofogia na tupu, o se talavou e le’i a’oga, e faafetaia’ia le poto faalelalolagi ma le valea faateleina o le seneturi e sefuluvalu, i se faaaliga fou.” O le fesoasoani a le Alii i le faaliliuga o papatusi—po o faaaliga, i se faaupuga faigofie—e matua manino foi pe a mafaufau i le taimi puupuu faavavega na faaaluina e Iosefa Samita e faaliliu ai. (Ulisses Soares, “O Le Oo Mai o le Tusi a Mamona,” Liahona, Me 2020, 33)

O loo tuuina mai e le The Gospel Topics Essay “Book of Mormon Translation” se malamalamaaga faaopoopo:

Sa faamatala mai e le faletua o Iosefa o Ema e faapea sa “masani ona ia tusitusi i lea aso ma lea aso” i se tamai laulau i lo latou fale i Haramoni, Penisilevania. Sa ia faamatalaina Iosefa “o nofonofo ma ona foliga ua ufitia i lona pulou, ma le maa i totonu, ma faalau atu i lea itula ma lea itula e aunoa ma se mea i lo ma va.” E tusa ai ma le faamatalaga a Ema, o papatusi “e tele ina taatitia i luga o le laulau e aunoa ma se taumafaiga e nana, ua afifi i se ie laulau laitiiti.” Ina ua fesiligia pe na faalau mai e Iosefa mai le Tusi Paia pe mai se tusiga sa ia saunia muamua, sa faafitia e Ema na mea: “Sa lei i ai ia te ia ni tusitusiga po o se tusi e faitau mai ai.” Sa tau atu e Ema i lana tama o Iosefa Samita III, “O le Tusi a Mamona o se tusi moni paia—e le o ia te au sina masalosalo itiiti i ai. Ua faamalieina a’u e faapea e leai se tagata e mafai ona ia faalauina atu ia tusitusiga o faamaumauga sei vagana sa musuia o ia; aua, i le taimi na fai ai [au] ma ana tusiupu, e faalau mai e lou tamā ia te au mai lea itula i lea itula; ma pe a toe foi mai i le maea ai o se taumafataga, pe uma foi se mea sa faalavelaveina ai, e toe amata tonu lava i le mea sa gata ai, e aunoa ma se vaai i le faamaumauga pe faitau atu foi ia te ia se vaega.” (Gospel Topics Essays, “Book of Mormon Translation,” topics.ChurchofJesusChrist.org)

Maimoa le “Seer Stone” (3:47), lea e mafai ona maua i le ChurchofJesusChrist.org, e aoao atili ai e uiga i lenei faagasologa faavavega.

3:47

Na faapefea ona faaliliuina le Tusi a Mamona i gagana eseese?

Faitau le tusiga “Translations of the Book of Mormon” (history.ChurchofJesusChrist.org) e aoao atili ai e uiga i le faaliliuga o le Tusi a Mamona i le tele o gagana.

Gaoioiga Faaopoopo e Aoao Ai

O meafaigaluega faaletino na faaaoga e faaalia ai le mana o le Atua

Afai o le a aoga mo tamaiti aoga le vaai i faataitaiga faaopoopo o meafaigaluega faaletino e faaalia ai le mana o le Atua, mafaufau e faaali atu ata nei ma valaaulia i latou e suesue se tasi pe sili atu foi o tala nei.

O i latou e vaai atu i le gata apamemea e faamaloloina (tagai Numera 21:4–9).

Ua taitai e le Alii Liae ma lona aiga e faaaoga ai le Liahona (tagai i le 1 Nifae 16:9–10, 23–29).

Ua faamalolo e Iesu se tagata tauaso e faaaoga ai le ’ele ma le feanuga (tagai Ioane 9:1–7).

Valaaulia tamaiti aoga e faasoa mai mea ua latou aoaoina e uiga i le Tama Faalelagi ma Iesu Keriso mai le faaaogaina o nei meafaigaluega faaletino. Talanoaina le ala e talitutusa ai tala nei o mea faitino o loo faaaogaina i vavega ma le tala o le faaliliuga o le Tusi a Mamona. Mafaufau e faasoa atu le ala e faamalosia ai e nei faataitaiga lau molimau i le Tama Faalelagi, Iesu Keriso, ma le Tusi a Mamona, ma valaaulia tamaiti aoga naunautai e faasoa mai foi.

Tali fesili e uiga i le oo mai o le Tusi a Mamona

Valaaulia tamaiti aoga e mafaufau i ni a latou fesili o i ai pe atonu foi o i ai i isi e uiga i le oo mai o le Tusi a Mamona. Tusi a latou fesili i luga o le laupapa ma valaaulia tagata aoga e saili mo tali i punavai paia ua filifilia. O nisi o nei punavai e aofia ai mea nei:

Gospel Topics Essays, “Book of Mormon Translation,” ChurchofJesusChrist.org
Taiala i Tusitusiga Paia, “Tusi a Mamona,” “Faaliliu,” “Urima ma le Tumema,” scriptures.ChurchofJesusChrist.org
Au Paia: O Le Tala o le Ekalesia a Iesu Keriso o le Au Paia i Aso e Gata Ai, vol. 1, O Le Tagavai o le Upumoni, 1815–1846 (2018), 4-6.

Nofoaga faasolopito o le Ekalesia

Afai o le a aoga mo tamaiti aoga le aoao atili e uiga i nofoaga na tutupu ai mea autu e faatatau i le oo mai o le Tusi a Mamona, e mafai e le vasega ona faia se maimoaga faatekinolosi o nei nofoaga faasolopito, o loo maua i le ChurchofJesusChrist.org.