1 Nifae 1-5

Vaaiga Aoao

Na valaauina Liae e le Atua e talai atu le salamo i tagata o Ierusalema. Sa usitai o ia i se faaaliga mai le Alii e siitia atu lona aiga i le vao. Sa liliu atu lona atalii o Nifae i le Alii mo se malamalama atili ma sa faamalūlūina lona loto. Ina ua mavae le malaga mo le tele o aso i le vao, sa feagai Nifae ma ona uso ma se suega o lo latou usiusitai ma le faatuatua i le Atua ina ua poloaiina i latou e toe foi atu i Ierusalema e aumai papatusi apamemea mai ia Lapana.

Sauni e Aoao Atu

O nei faamatalaga e tuuina atu ai i faiaoga ni manatu o ni mea e ono manaomia e saunia mamao i ai mo lesona taitasi.

1 Nifae 1

Faamoemoega o le lesona: O lenei lesona e mafai ona fesoasoani i tamaiti aoga ia lagonaina le taua o le mauaina ma le mulimuli i perofeta a le Atua.

• Sauniuniga a le tamaitiiti aoga: Valaaulia tamaiti aoga e o mai saunia e faasoa mai ni lapataiga talu ai nei na latou faalogo i ai mai perofeta ma mafaufau loloto i le ala na latou tali atu ai i na lapataiga.

• Ata: O ata o se vaitafe ma se afu mai le lesona

• Vitio: “Ua Poloaiina e le Alii le Aiga o Liae e Tuua Ierusalema” (18:14; maimoa mai le faailotaimi 0:39 i le 5:53 ma mai le faailotaimi 5:53 i le 7:26)

• Fautuaga faafaiaoga faavitio: I le taimi o le gaoioiga faaiu, pe a saunia e tamaiti aoga la latou tali i le feau tusitusia mai se uo, valaaulia i latou e faatali le faasoaina atu seia uma ona faia e tagata uma. Faaaoga le vaaiga o talanoaga e faataga ai tagata uma e auina mai a latou tali i le taimi e tasi. O lenei auala o le a maua ai e tamaiti aoga a latou lava tali ae o le a maua ai foi se avanoa e iloilo ai mafaufauga o isi.

1 Nifae 2

Faamoemoega o le lesona: O lenei lesona ua faamoemoe e fesoasoani i tamaiti aoga ia lagonaina se naunautaiga sili e liliu atu i le Alii pe a Ia fetalai atu ia i latou e fai mea faigata.

• Sauniuniga a le tamaitiiti aoga: Fesili i se uo po o se tagata o le aiga, “O anafea na e saili ai ma maua le fesoasoani a le Alii e talitonu ai ma usitai i Ana upu, e tusa lava pe sa faigata?”

• Ata: Faafanua o le auala talafeagai na uia e le aiga o Liae mai Ierusalema

• Vitio: “Lehi Counsels with His Family to Leave Jerusalem” (2:27); “Nephi Prays for Laman and Lemuel” (6:02); “The Prophet of God” (16:04; maimoa mai le faailotaimi 11:51 i le 12:37)

• Fautuaga faafaiaoga faavitio: A uma ona faaali atu le faafanua o le auala talafeagai na uia e le aiga o Liae i le vao ma faamalamalama atu le mamao atonu na latou malaga ai, mafaufau e faaaoga se polokalama o le faafanua i le initoneti e faaali atu ai i tamaiti aoga nisi o nofoaga e talitutusa le mamao mai le mea o latou nonofo ai. E mafai ona valaaulia tamaiti aoga e vaai faalemafaufau pe faape’i le malaga ai iina e aunoa ma se taavale afi, ma le iloaina e tatau ona latou aumaia soo se meatotino latou te mananao e o faatasi ma i latou.

1 Nifae 3

Faamoemoega o le lesona: O lenei lesona e mafai ona fesoasoani i tamaiti aoga e faatino le faatuatua i le Atua e faataunuu ai mea ua Ia poloaiina i latou e fai.

• Sauniuniga a le tamaitiiti aoga: Valaaulia tamaiti aoga e taumafai e tauloto le fuaitau o le atamai i aoaoga faavae 1 Nifae 3:7 ma mafaufau pe faapefea ona faatatau i tulaga latou te feagai i o latou olaga.

• Vitio: “Nephi Is Led by the Spirit to Obtain the Plates of Brass” (25:44; maimoa mai le faailotaimi 4:43 i le 8:18 ma mai le faailotaimi 8:18 i le 15:10)

• Fautuaga faafaiaoga faavitio: O se auala talafeagai e amata ai le lesona o le valaaulia lea o tamaiti aoga e faaali mai i luga o a latou meapueata se mea e taua tele ia i latou po o o latou aiga ona o le taumafaiga na manaomia ina ia maua ai. Valaaulia ni nai tamaiti aoga e talanoa e uiga i le taua o a latou aitema ma pe na faapefea ona mauaina. Ona faaali atu lea o se ata o le aiga o Liae o loo uuina papatusi apamemea, ma valaaulia se tamaitiiti aoga e faamatala mai le mea na tatau ona faia e le aiga o Liae e maua ai ma pe aisea na latou naunau ai e faia lena mea.

Atamai i Aoaoga Faavae: 1 Nifae 3: 7

Faamoemoega o le lesona: O lenei lesona o le a fesoasoani i tagata aoga e tauloto lenei mau faasino o aoaoga faavae ma fasifuaitau autu o mau mo le 1 Nifae 3:7, faamatala le aoaoga faavae, ma faaaoga mataupu faavae o le mauaina o le malamalama faaleagaga i tulaga masani faalesoifuaga.

• Sauniuniga a le tamaitiiti aoga: Valaaulia tamaiti aoga e mafaufau i aafiaga na latou maua po o e pele ia i latou na faaalia ai e saunia e le Alii se ala e faataunuu ai mea ua Ia poloai mai ai ia i tatou.

• Ata e faaali atu: O loo talanoa Nifae i lona tama, o Liae

• Anotusi e faaali atu: O faatonuga ma fesili e faatatau i mataupu faavae e tolu o le mauaina o le malamalama faaleagaga (e amata i le “Galue i le faatuatua” i le vaega o le “Faataitai le faaaogaina”)

• Fautuaga faafaiaoga faavitio: Nai lo le faaaogaina o tulaga faataitai ua fautuaina atu i le vaega o le “Faataitai le faaaogaina”, mafaufau e valaaulia tamaiti aoga e tuu i luga o talanoaga tulaga moni ia e faigata ai ona tausia se poloaiga. (Faamanatu atu ia i latou e aua nei faasoa maia ni mea e patino tele ia latou poo isi.) Ona mafai lea e tamaiti aoga ona filifili se tasi o tusiga a le latou vasega e taulai i ai a o latou faaaogaina mataupu faavae o le mauaina o le malamalama faaleagaga.

1 Nifae 4-5

Faamoemoega o le lesona: O lenei lesona ua faamoemoe e faamalosia ai le faalagolago o tamaiti aoga i le Tama Faalelagi ma Lona finagalo e taiala i latou.

• Sauniuniga a le tamaitiiti aoga: Tuu atu i tamaiti aoga se kopi o le saunoaga a Peresitene Russell M. Nelson o loo faaalia i le amataga o le lesona. Valaaulia i latou e o mai saunia ma ni manatu o tulaga e mafai ona latou manuia patino ai mai le mauaina o le taitaiga a le Alii.

• Vitio: “Faaaliga mo le Ekalesia, Faaaliga mo o Tatou Olaga” (20:28; maimoa mai le faailotaimi 9:14 i le 9:40); “Ua Taitai e le Agaga Nifae e Fasioti Lapana” (3:26); “Ua Maua e Nifae Talafaamaumau Paia” (4:20)

• Fautuaga faafaiaoga faavitio: A o lei faapotopoto tamaiti aoga mo le vasega, mafaufau e valaaulia nisi o i latou e o mai saunia e faasoa mai ni aafiaga o le taialaina e le Agaga Paia. Vaavaai mo avanoa i le talanoaga atoa ina ia mafai ai e tagata aoga ona molimau atu i le mana o le Alii e taialaina ai i latou.