1 Nefi 3

Perëndia Përgatit një Udhë

Pasi udhëtuan prej ditësh në vendin e shkretë, Nefi dhe vëllezërit e tij u përballën me një provë të bindjes dhe besimit të tyre te Perëndia kur u urdhëruan të ktheheshin në Jerusalem për t’i marrë Labanit fletët prej tunxhi. Nganjëherë, edhe ty do të të kërkohet nga Zoti të bësh gjëra të vështira. Ky mësim mund të të ndihmojë të ushtrosh besim te Perëndia për të arritur atë që Ai të kërkon të bësh.

Ndihma ndaj nxënësve që ta dallojnë ndikimin e Zotit në jetën e tyre. Ndërsa nxënësit mësojnë rreth mënyrës se si Shpëtimtari e bekoi jetën e njerëzve në shkrimet e shenjta, kërkoni mënyra për t’i ndihmuar ata t’i dallojnë bekimet e Tij në jetën e tyre. Ftojini ata të përsiatin se si Shpëtimtari mund t’u përgjigjet lutjeve të tyre, duke i forcuar ose duke i shëruar ata.

Përgatitja e nxënësve: Ftojini nxënësit të punojnë për ta mësuar përmendsh fragmentin e zotërimit doktrinor 1 Nefi 3:7 dhe të mendojnë rreth mënyrës se si kjo gjen zbatim në situatat me të cilat ata përballen në jetën e tyre.

Veprimtari të Mundshme të të Mësuarit

Urdhërime të vështira

Për t’i ndihmuar nxënësit të gjejnë lidhje me veten në rrëfimin e bijve të Lehit që urdhërohen të bëjnë gjëra të vështira, merrni parasysh t’i shkruani në tabelë përgjigjet e nxënësve për pyetjet në vijim dhe t’i përmendni ato gjatë gjithë mësimit.

• Cilat urdhërime, standarde ose ftesa të tjera profetike janë më të vështira për t’iu bindur adoleshentët sot? Çfarë i bën këto më të vështira se të tjerat?

• Çfarë do t’i thoshit dikujt që ndien se një urdhërim ose standard i caktuar është tepër i vështirë për t’u mbajtur?

Një mënyrë alternative për ta filluar orën mësimore është t’i ndihmoni nxënësit të kuptojnë se ne kemi nevojë për ndihmën e Zotit për të arritur atë që Ai kërkon prej nesh. Një mënyrë për ta bërë këtë është t’i kërkoni një nxënësi të bëjë diçka që do të kërkojë ndihmën e mësuesit. Për shembull, si pjesë e detyrës, ata mund të kenë nevojë të hapin diçka që kërkon një çelës nga mësuesi.

Nëse ka një urdhërim që ka qenë i vështirë për ty që t’i bindesh, mbaje në mendje ndërsa studion kapitullin te 1 Nefi 3. Kërko të mësosh nga shembujt që studion dhe përsiat se si zgjedhjet e tua mund të ndikojnë te marrëdhënia jote me Zotin.

Zoti u jep një urdhërim bijve të Lehit

Lexo te 1 Nefi 3:1–6, duke kërkuar atë që u urdhëruan të bënin bijtë e Lehit.

• Pse mendon se vëllezërit e Nefit ishin të saktë kur e quajtën këtë urdhërim “një gjë e vështirë”? (Vargu 5.)

Paragrafi vijues mund të ndihmojë nëse nxënësit janë të pasigurt se si t’i përgjigjen pyetjes së mëparshme.

Imagjino se si mund të jenë ndier bijtë e Lehit kur u larguan nga shtëpia e tyre dhe udhëtuan me qindra kilometra përmes një vendi djerrë në vendin e shkretë vetëm që t’iu kërkohej të ktheheshin në Jerusalem pak kohë më vonë për të marrë fletët nga Labani.

Lexo te 1 Nefi 3:7–8 dhe përcakto arsyen që dha Nefi për gatishmërinë e tij për të bërë atë që urdhëroi Zoti.

1 Nefi 3:7 është një fragment i zotërimit doktrinor. Merrni parasysh t’i shenjoni fragmentet e zotërimit doktrinor në mënyrë të dallueshme që të mund t’i gjeni me lehtësi. Do të keni një mundësi në mësimin e ardhshëm të ushtroni zbatimin e doktrinës që jepet mësim në këtë fragment për një pyetje ose situatë.

• Çfarë kuptoi Nefi që vëllezërit e tij mund të mos e kenë kuptuar?

Një gjë që mësojmë te vargu 7 është se Perëndia përgatit një udhë që ne të plotësojmë çfarëdo që Ai na kërkon të bëjmë.

Merr parasysh se si lidhet kjo e vërtetë me urdhërimet që mund të jenë sfiduese për ty.

Ndonëse Perëndia do të të ndihmojë ta plotësosh atë që të kërkon, Ai nuk ka premtuar se kjo do të jetë e lehtë ose që orvatja jote e parë do të jetë e suksesshme.

Presidenti Diter F. Uhtdorf, asokohe i Presidencës së Parë, shpjegoi:

“Ndjekja e Shpëtimtarit nuk do t’jua heqë të gjitha sprovat. Sidoqoftë, ajo do t’i heqë pengesat midis jush dhe ndihmës që Ati Qiellor dëshiron t’jua japë. Perëndia do të jetë me ju.” (Diter F. Uhtdorf, “Dëshirim për Shtëpinë”, Liahona, nëntor 2017, f. 22)

• Çfarë të ndihmon kjo thënie të kuptosh rreth Atit Qiellor dhe Jezu Krishtit?

Mendo përsëri për urdhërimet, standardet ose ftesat e tjera profetike që përcaktove më herët në mësim si më të vështirat për t’iu bindur adoleshentët.

• Cilat janë pengesat që mund ta bëjnë të vështirë t’u bindesh këtyre urdhërimeve?

• Si mundet Zoti “[të] përgatit[ë] një udhë” për ta ndihmuar rininë t’iu bindet këtyre urdhërimeve?

Ftojini nxënësit të japin përgjigje të shumta për pyetjen e mëparshme.

Nefi dhe vëllezërit e tij orvaten të marrin fletët

Për veprimtarinë vijuese, nxënësit mund të ndahen në grupe të vogla, me gjysmën e grupeve që studion orvatjen e parë dhe gjysmën tjetër që studion orvatjen e dytë. Secili grup mund të përgatitë një dramatizim të asaj që ndodhi në ndodhinë e tyre dhe të interpretojë për një grup tjetër që studioi ndodhinë tjetër, ose secili grup mund ta përmbledhë ndodhinë e vet për një grup tjetër.

Nxënësit mund të shohin materialet filmike të sugjeruara në vend që t’i lexojnë ose dramatizojnë ndodhitë.

Studioji ndodhitë vijuese të dy orvatjeve të para për të marrë fletët prej tunxhi. Shiko mënyrën se si reaguan vëllezërit e ndryshëm pas çdo orvatjeje. (Shënim: Në mësimin “1 Nefi 4–5” do të mësoni se si Zoti përfundimisht siguroi një udhë për ta që të kishin sukses.)

Orvatja e parë: Lexo te 1 Nefi 3:10–15 ose shiko materialin filmik “Nefi Udhëhiqet nga Shpirti për të Marrë Fletët prej Tunxhi” nga kodi kohor 04:43 në 08:18. Ky material filmik është në dispozicion në ChurchofJesusChrist.org. (Mund të jetë e dobishme të dish se hedhja e shortit është një mënyrë për të përzgjedhur në mënyrë rastësore një mundësi mes shumë të tillave.)

Orvatja e dytë: Lexo te 1 Nefi 3:22–31; 4:1, ose shiko materialin filmik “Nefi Udhëhiqet nga Shpirti për të Marrë Fletët prej Tunxhi” nga kodi kohor 08:18 në 15:10.

• Çfarë mund të kenë mësuar këta vëllezër për veten nga sfidat që patën ndërkohë që përpiqeshin t’i bindeshin urdhërimit të Perëndisë?

• Pse mendon se Perëndia ynë i dashur mund të na lejojë të mundohemi për ca kohë përpara se të sigurojë një udhë për ta plotësuar vullnetin e Tij?

• Si mendon që ndikuan reagimet e ndryshme të vëllezërve ndaj asaj që ndodhi te besimi dhe marrëdhënia e tyre me Jezu Krishtin? Përse?

Zbatimi i kësaj ndodhie në jetën tënde

Shpëtimtari mund të të ndihmojë të kapërcesh pengesa që e bëjnë më të vështirë bindjen ndaj urdhërimeve të Tij dhe ndjekjen e këshillës së profetëve të Tij. Për të të ndihmuar ta zbatosh këtë në jetën tënde, përgjigju për pyetjet në vijim në ditarin tënd të studimit.

Merrni parasysh të paraqitni variantet e pyetjeve të mëposhtme si referencë për nxënësit.

Kur nxënësit të kenë mbaruar, ftoni vullnetarë t’i tregojnë klasës pjesë të asaj që shkruan. Dëshmoni se Zoti do të gjejë gjithnjë një udhë që ta plotësojmë atë që Ai urdhëron.

1. Imagjino sikur Nefi po të jep këshillë rreth një urdhërimi ose këshillën e profetit që të duket e vështirë t’i bindesh. Çfarë mendon se mund të të thotë ai?

2. Çfarë veprimesh specifike do të ndërmarrësh për t’iu bindur njërit nga urdhërimet e Zotit ose nga këshillat e profetit më plotësisht?

3. Çfarë ke parë ose përjetuar që të jep sigurinë se Zoti do të përgatitë një udhë për ty që t’u bindesh urdhërimeve të Tij dhe ta ndjekësh profetin e Tij?

Nëse nxënësit do të përfitonin nga studimi i pjesës tjetër të rrëfimit të Nefit duke marrë fletët përpara se t’u jepet mësimi i zotërimit doktrinor për 1 Nefi 3:7, mund të prisni për ta dhënë mësimin e zotërimit doktrinor deri pas mësimit për “1 Nefi 4–5”. Një mundësi tjetër mund të jetë ta vini një nxënës të përmbledhë ngjarjet e regjistruara te 1 Nefi 4 për ta ndihmuar klasën të shohë se si Zoti siguroi një udhë për t’iu bindur urdhërimeve të Tij.

Komente dhe Informacion për Rrethanat

Nga t’ia filloj nëse e kam të vështirë të zbatoj shumë urdhërime?

Presidenti Harold B. Li (1899–1973) dha mësim:

“Urdhërimi më i rëndësishëm nga të gjitha urdhërimet e Perëndisë është ai të cilin e keni më të vështirë për ta zbatuar sot. … Vëreni atë në rregull dhe më pas filloni me urdhërimin tjetër që është më i vështirë për ju për t’u zbatuar. Kjo është mënyra për ta shenjtëruar veten nëpërmjet zbatimit të urdhërimeve të Perëndisë.” (Teachings of Presidents of the Church: Harold B. Lee [2000], f. 30)

Përse na jep urdhërime Ati Qiellor?

Perëndia ndihmon që kjo pyetje të marrë përgjigje te Doktrina e Besëlidhje 82:8–9.

Motra Karol M. Stivens, dikur në Presidencën e Përgjithshme të Shoqatës së Ndihmës, shpjegoi:

“Kur ne kërkojmë kuptueshmëri më të madhe, kur ne e lejojmë Atin tonë të na mësojë, ne do të fillojmë të shohim se ligjet e Tij janë një shfaqje e dashurisë së Tij për ne dhe se bindja ndaj ligjeve të Tij është një shprehje e dashurisë sonë për Të”. (Karol M. Stivens, “Nëse Më Doni, Zbatoni Urdhërimet e Mia”, Liahona, nëntor 2015, f. 119)

Veprimtari Plotësuese të të Mësuarit

“Guximi i Nefit”

Për të paraqitur subjektin e ngjarjes te 1 Nefi 3, merrni parasysh t’i ftoni nxënësit të këndojnë ose të dëgjojnë këngën “Guximi i Nefit” (Libri i Këngëve të Fëmijëve, f. 64). Pastaj ftoni një vullnetar të japë hollësi të ngjarjes për të cilën flitet në vargun e parë të këngës.

“Unë do të Shkoj dhe do të Bëj”

Merrni parasysh të luani këngën “Unë do të Shkoj dhe do të Bëj” (03:56) dhe t’i ftoni nxënësit të ndjekin tekstin e këngës ndërsa e dëgjojnë. Ftojini nxënësit të shprehin mendime, ndjenja ose fjalë që u bënë përshtypje ndërsa e dëgjuan këngën.

Rëndësia e qëndrimit tonë

Ftojini nxënësit t’u përgjigjen pyetjeve vijuese:

Cili nga bijtë e Lehit u largua nga shtëpia e vet për të jetuar në vendin e shkretë me prindërit e vet? Cili u kthye në Jerusalem për të marrë fletët prej tunxhi? Cili sakrifikoi pasuritë e veta në këmbim të fletëve prej tunxhi? (Përgjigja e çdo pyetjeje është të katërt ata.)

Ftoni nxënës të lexojnë te 1 Nefi 3:6 për të gjetur një arsye pse Zoti e favorizoi Nefin më shumë se Lamanin dhe Lemuelin ndonëse të gjithë vëllezërit u bindën me veprime.

Ftojini nxënësit të tregojnë përvoja kur janë ndier të bekuar për shkak se ishin të gatshëm të bindeshin pa u ankuar.

Shembuj të tjerë bindjeje ndaj Perëndisë

Kërkoni nga nxënësit të japin shembuj nga shkrimet e shenjta ose historia e Kishës të atyre që treguan besim të madh te Perëndia nëpërmjet bindjes gjatë rrethanave të vështira. Nëse nxënësit kanë nevojë për ndihmë, tregoni figura të njerëzve të tillë si Noeu, Moisiu ose Jozef Smithi.

Ftojini nxënësit të tregojnë se çfarë qe i gatshëm personi të kalonte për t’u bindur, me çfarë pengesash përballen dhe si përgatiti Zoti një udhë për ta që ta plotësojnë atë që i urdhëroi Ai.

Sigurohuni që të udhëhiqni diskutimin për shembullin e Shpëtimtarit për bindjen e përsosur ndaj Atit të Tij. Merreni parasysh të përdorni thënien vijuese:

“Nga të gjitha mësimet që marrim nga jeta e Shpëtimtarit, asnjëri nuk është më i qartë dhe më i fuqishëm se mësimi i bindjes” (Robert D. Hejls, “Nëse Më Doni, Zbatoni Urdhërimet e Mia”, Liahona, maj 2014, f. 35).