Семинар
1 Нифай 8:19–38: Бурханы үгээс тууштай зууран барь

1 Нифай 8:19–38: Бурханы үгээс тууштай зууран барь” Мормоны Номын багшийн гарын авлага (2024)

1 Нифай 8:19–38: Бурханы үгээс тууштай зууран барь” Мормоны Номын багшийн гарын авлага

1 Нифай 8:19–38

Бурханы үгээс тууштай зууран барь

Лихай төмөр бариулын дэргэд

Дэлхий дээрх олон хүн хайр, баяр хөөр мэдрэхийг хүсдэг ч хаанаас олохоо мэддэггүй. Лихай амьдралын модны үзэгдэлдээ Бурханы хайрын адислалаас хүртэхийн тулд бидний туулах ёстой замыг болоод хэрхэн үүгээр явах тухай олж мэджээ. Энэ хичээл Бурханы хамгийн агуу адислалууд руу хөтлөх Бурханы үгийг дагахад тань тусална.

Суралцагчдынхаа төлөө тогтмол залбирах. Тэнгэрлэг Эцэг суралцагч бүрийг тань нэг бүрчлэн мэднэ. Таныг Өөрт нь хандан залбирахад Тэрээр суралцагчдын хэрэгцээ шаардлагыг ялган танихад танд тусалж, тэдгээр хэрэгцээ шаардлагыг хангах арга замаар таныг урамшуулан нөлөөлж чадна. Хичээлээ төлөвлөж, зааж байхдаа өдөөлтийг сонс.

Суралцагчийн бэлтгэл: Суралцагчдынхаа төлөө тогтмол залбир. Тэнгэрлэг Эцэг суралцагч бүрийг тань нэг бүрчлэн мэднэ. Таныг Түүнд хандан залбирахад Тэрээр суралцагчдын хэрэгцээ шаардлагыг ялган танихад танд тусалж, тэдгээр хэрэгцээ шаардлагыг хангах арга замаар таныг урамшуулан нөлөөлж чадна. Хичээлээ төлөвлөж, зааж байхдаа өдөөлтийг мэдэрч сонс.

Боломжит суралцах үйл ажиллагаа

Лихайн үзэгдэл

Лихайн зүүд

Лихайн үзэгдлийг дүрсэлсэн зургийг ажиглахад хэдэн хором зарцуул. Энэ нь Бурханы хайрыг илэрхийлдэг мод, Есүс Христийн Цагаатгалаар дамжуулан санал болгодог адислалуудыг бэлгэддэг жимсийг агуулдаг (David A. Bednar, “Lehi’s Dream: Holding Fast to the Rod,” Ensign, Oct. 2011, 32–37-г үзнэ үү). Энд мөн зарим нэмэлт зүйл бий.

  • Энэ зургаас юу нь таны анхаарлыг илүү их татаж байна вэ?

  • Ажигласан зүйлээсээ та юу суралцаж болох вэ?

Арван хоёр төлөөлөгчийн чуулгын ерөнхийлөгч Боид К.Пакэр (1924–2015) ийн тайлбарласан.

Ерөнхийлөгч Боид К.Пакэр

“Та нар магадгүй Лихайн зүүд эсвэл үзэгдэл надад тийм ч хамаатай биш гэж бодож магадгүй. Гэхдээ энэ нь танд хамаатай. Та энэ үзэгдэл дотор байгаа. Бид бүгд үүн дотор байгаа. (Boyd K. Packer, “Finding Ourselves in Lehi’s Dream,” Liahona, Aug. 2010, 22)

Энэ хичээлийг судалж байхдаа Лихайн үзэгдэл таны амьдралтай хэрхэн холбогдож болохыг ойлгохын тулд Тэнгэрлэг Эцэгээс удирдамж эрэлхийл. Аврагчаар дамжуулан амласан баяр хөөрийг хүлээн авахад тань туслах үнэнийг эрэлхийлж мөн ямар саад бэрхшээлээс зайлсхийх эсвэл даван туулах шаардлагатайг олж мэд.

Урагш тэмүүлж буй олон хүн

Лихай зүүдэндээ “тоо томшгүй олон хүн” (1 Нифай 8:21) амьдралын мод руу очих замаа олохоор зүтгэж буйг харсан. Тэд модонд хүрэх чадварт нь нөлөөлөх хэд хэдэн зүйлтэй тулгарсан нь харанхуй манан, төмөр бариул, агуу хийгээд нүсэр барилга дүүрэн хүмүүс байлаа. Та эдгээр зүйлийг дээрх зургаас харж болно.

Суралцах үедээ үзэгдлийн тухай өөрсдийн төсөөллийг зурахад суралцагчдыг урьж болно. Хичээлийн явцад суралцагчид бусад зүйлийг зурагтаа нэмж болно.

Дараах үйл ажиллагаа удаан үргэлжилнэ. Өөрөө бие даан уншихад хүндрэлтэй байгаа суралцагчдыг хоёр хоёроороо хамтран судлахыг санал болго. Олж мэдсэн зүйл, өөрт төрсөн сэтгэгдлээ харилцан хуваалцахад суралцагчдыг урамшуул.

1 Нифай 8:22–34-ийг уншиж байхдаа тэдгээр зүйлийг болон юуг бэлгэдэж болохыг нь олж мэд.  

3:30

  • Лихайн үзэгдлийн эдгээр зүйл юуг илэрхийлнэ гэж та бодож байна вэ?

Хожим нь Нифай аавынхаа харсан үзэгдлийг мөн харж, эдгээр бэлгэдлийг тайлбарласан. Нифай 12:17–18-ыг уншиж, Нифайн заасныг олж мэд. Сурч мэдсэн зүйлээ тэмдэглэж ав.

Суралцагчид үзэгдлийг төсөөлсөн зургаа зурж дууссан бол энэ зурагтаа Нифайн тайлбараас сурч мэдсэн зүйлийнхээ нэрийг өгч болно.

Сурч мэдсэн зүйлээ амьдралдаа хэрэгжүүлэхэд нь суралцагчдад туслахын тулд дараах асуултуудыг асууж болно.

  • Өнөө үед агуу хийгээд нүсэр барилга, харанхуй манан яаж харагдах вэ?

  • Эдгээр саад нь өнөөгийн хүмүүсийн замыг хэрхэн алдуулж болох вэ?

  • Амьдралынхаа тухай ямар чухал зүйлийг та ойлгож авсан бэ?

Дараах асуултуудыг тавьж, агуу хийгээд нүсэр барилга, харанхуй манангийн талаар суралцагчидтайгаа үргэлжлүүлэн хэлэлцэж болно.

  • Их Эзэн ямар учраас эдгээр саад бэрхшээлийг ийм аргаар төлөөлүүлсэн байж болох вэ?

  • Ямар учраас дийлэнх хүмүүс агуу хийгээд нүсэр барилгад байхыг илүүд үзсэн гэж та бодож байна вэ?

Тулгарч байсан уруу таталтууд, бардам зан танд ямар байдлаар нөлөөлж болох талаар бод. Христэд хүрч, Бурханы хайрыг мэдрэх таны чадварт эдгээр зүйл хэрхэн саад учруулж, сатааруулж болох тухай тунгаан бод.

Бурханы бидэнд илгээдэг тусламж

Лихайн үзэгдэлд Бурхан Өөрийн хүүхдүүдэд мод руу хөтлөх олон арга замыг бэлдсэн. Мод руу хөтөлсөн “давчуу бөгөөд нарийн зам” (1 Нифай 8:20) бий. Зам дагуу Тэрээр хүмүүсийг замчлах “төмөр бариул” (1 Нифай 8:19, 24, 30) тавьсан.

  • Бариулыг төмрөөр хийхийн ач холбогдлыг та юу гэж бодож байна вэ?

1 Нифай 15:23–25-ыг уншиж, Нифай бариулын утга учрын талаар мөн үүний тухай өөрийн амлалтаараа юуг заасныг олж мэд.

  • Эдгээр шүлгээс юу нь танд онцгой санагдсан бэ?

Суралцагчид үзэгдлийн зурагтаа төмөр бариулыг нэмж, юуг бэлгэдсэн болохыг нь бичиж болно. Хичээлийн дэвтэртээ төмөр бариулыг зурж, юуг бэлгэдсэн болохыг нь бич. Төмөр бариулын талаар юу суралцсанаа, энэ нь тэдэнд хэрхэн туслах талаар тоймлон бичихийг суралцагчдаас хүс. Дараах үнэн үүнд тустай байж болох юм.

Бид Их Эзэний үгийг сонсож, зууран бариваас дайсны уруу таталтууд биднийг дийлэхгүй гэсэн нэгэн үнэнийг эндээс бид ойлгож авч болно.

  • Уруу татагдсан цаг үеүдэд судрууд дахь Их Эзэний үг, Түүний бошиглогчдын хэлсэн үгс хэрхэн аюулгүй байдал, хүч чадлыг бидэнд өгөх вэ?

  • Бурханы үг биднийг Аврагчийн Цагаатгалаар дамжуулан өгөх адислал, баяр хөөрийг хүлээн авахад хэрхэн хөтөлдөг тухай зарим жишээ юу байж болох вэ?

  • Энэ үнэн танд Их Эзэний талаар юу зааж байна вэ?

Төмөр бариулын тухай үргэлжлүүлэн хэлэлцэх нь суралцагчдад тустай бол дараах асуултуудыг ашиглан хэлэлцэж болно.

  • Их Эзэн ямар учраас Өөрийн үгийг төмөр бариулаар илэрхийлсэн бэ?

  • “Бурханы үгийг сонс, мөн … түүнийг тууштай барь” гэсэн нь ямар утгатай байж болох вэ? (1 Нифай 15:24).

  • Бурханы үгийг уншиж, сонсож, хүлээн авч чадах өөр ямар арга зам байдаг вэ?

Үзэгдлийг зурж буй суралцагчид замаа үл алдах, уруу таталтыг даван туулахад эсвэл Аврагчийн Цагаатгалын адислалуудыг хүлээн авахад нь тэдэнд туслах судрын цөөн хэдэн эшлэлийг төмөр бариул дагуулан нэмж болно. Хэрэв тэдэнд судар олоход тусламж хэрэгтэй бол “Бурханы үг” (Судруудын удирдамж, scriptures.ChurchofJesusChrist.org) гэх үг хэллэгийг ашиглан, эшлэлүүдийг хайж олж болно. Ангийнхантайгаа хувийн жишээгээ хуваалцах эсвэл нэг суралцагчаас сайн дураараа туршлагаасаа хуваалцах эсэхийг нь асуу.

Хичээлийн төгсгөлд та өөрөө энэхүү үзэгдэлд хаана байгаагаа тунгаан бод. Та Аврагч руу хэрхэн очсон бэ мөн Түүн рүү очихын тулд хэр хичээж байна вэ? Та ямар ямар саад, уруу таталттай тулгардаг вэ? Их Эзэн Өөрийн үгээр танд хэрхэн тусалдаг вэ?

Судар судлах зорилтоо мөн энэ зорилт танд хэрхэн тусалж буйд үнэлгээ хийж, шаардлагатай өөрчлөлт, сайжруулалтыг хийх тухай бодож үз. Хэрэв танд судар судлах зорилт байхгүй бол хэсэг хугацаа зарцуулан зорилт тавь.