1 Нифай 13–14

“Зөв шударга байдал хийгээд Бурханы хүчээр зэвсэглэсэн байв”

ариун ёслол

Нифай өөрийн ард түмний сүйрэл, хожмын урвалтыг харуулсан үзэгдлийг үзсэнийхээ дараа агуу бөгөөд жигшүүрт сүм Библийн сургаалыг завхруулж, Бурханы гэгээнтнүүдийн эсрэг тэмцэнэ гэдгийг харжээ. Сайн мэдээ сэргээгдэж, Аврагчийн сургаал болон гэрээг хүлээн авсан бүх хүнийг адислахыг харсан Нифайн баяр хөөрийг төсөөл. Энэ хичээлийн зорилго нь гэрээнүүдийн ач холбогдлыг ойлгож, гэрээ байгуулж, сахих хүслийг тань нэмэгдүүлэхэд оршино.

Суралцагчдын хувь нэмэр үнэ цэнтэй тухай захиасыг хүргэх. Суралцагчдыг сэтгэгдлээ илэрхийлэхээр гараа өргөхөд тэднийг нэрээр нь дуудаж, тэдний сэтгэгдэл бусдынхаа суралцах үйл явцад тусалж болохыг мэдрэхэд тусал.

Суралцагчийн бэлтгэл: Сүүлийн 500 жилд тохиосон үйл явдлаас хамгийн чухал зарим үйл явдлын талаар бодлоо хуваалцахад бэлтгэж ирсэн суралцагчдыг энэ тухай хуваалцахад урь.

Боломжит суралцах үйл ажиллагаа

Тэмдэглэл: 1 Нифай 13:20–42-ыг дараагийн хичээлээр үзнэ.

Түүхэн дэх Бурханы мутар

Өнөөг хүртэлх сүүлийн 500 жилд тохиосон томоохон үйл явдлын үзэгдэл танд үзэгдлээ гэж төсөөл.

Дараах асуултад өгсөн суралцагчдын хариултыг самбарт бичиж болно. Самбар дээрх хариултыг харах нь бусад суралцагчаас шинэ санаа төрүүлэхэд тустай.

• Таны үзэгдэлд ямар үйл явдал үзэгдэнэ гэж та бодож байна вэ? Яагаад?

Бошиглогч Нифайд үзүүлсэн үзэгдэл түүний цаг үед тохиосон үйл явдлыг харуулсан. Ерөнхийлөгч Рассэлл М.Нэлсон Нифайн үзэгдлийн талаар ийн хэлсэн.

Ерөнхийлөгч Рассэлл М.Нэлсон

Бошиглогч Нифай зөвхөн үзэгдлээр харсан бол харин бид түүнийг нь эхний эгнээнд суугаад өөрсдийн нүдээр бодитоор гэрчлэх боломжтой. …

Ах, эгч нар аа, та нар бол Нифайн харсан хүмүүсийн дунд байгаа юм шүү. Бодоод үз дээ! (Рассэлл М.Нэлсон, “Түүнийг сонс,” Лиахона, 2020 оны 4-р сарын Ерөнхий чуулган, 108)

1 Нифай 13–14-ийг судалж байхдаа, бидний үе рүү хөтлөх үйл явдлууд дахь Бурханы хүчний гэрчийг болон амьдралд тань биелэгдэх Их Эзэний чухал амлалтуудыг олж мэд.

Энэ хичээлд дараах үйл ажиллагааг олон аргаар ашиглаж болно. Жишээлбэл: Та үйл явдалд болон сударт тусгасан зүйлсийг үзүүлээд, шүлгийг уншиж, тухайн үйл явдлын товч тоймыг бичихийг суралцагчдаас хүсэж болно. Та мөн суралцагчид үйл явдлыг шүлгүүдтэй тааруулж болох сорил зохиож болно.

Судрын хэсгүүдийг уншаад, аль нь доор жагсаасан үйл явдалтай тохирч байгааг ол. Тэмдэглэл: Эдгээр шүлэгт Харийнхан гэсэн нь Иудейн нутгийнх бус буюу тэнд амьдардаггүй хүмүүсийг илэрхийлнэ.

1 Нифай 13:12–13, 16–19	Нифайчуудын тухай цэдэг (Мормоны Ном) ба бусад судар нь иудейчүүдийн цэдгийн (Библи) үнэнийг тогтоож, тодорхой болоод эрхэм үнэнийг сэргээсэн.
1 Нифай 13:23–26	Харийнхан амлагдсан газар нутгийг нээн, колоничилсон нь.
1 Нифай 13:35–36, 39–40	Иудейчүүдийн цэдэг (Библи)-ийг агуу хийгээд жигшүүрт сүм завхруулсан нь.
1 Нифай 14:7–10	Гайхамшигт ажил (Сайн мэдээний Сэргээлт) урагш ирсэн нь. Харийнхан адислалуудыг хүлээн авах эсвэл татгалзахаа сонгосон нь.

Хариулт 1-б, 2-в, 3-а, 4-г. Суралцагчдаас эдгээр үйл явдлын талаар мэдэх эсэх эсвэл эдгээртээ холбоотой асуулт бий эсэхийг асууж болно.

• Эдгээр зөгнөлөөс юу нь чухал гэж та бодож байна вэ?

1 Нифай 13:12–13, 16–19 хэсгүүдийг судалснаар, амласан газарт аялсан хүмүүсийн дээр Бурханы хүч болон Сүнс хэрхэн үйлчилснийг олж мэдэхэд суралцагчдад тустай.

• Та эдгээр шүлгээс Бурханы талаар юу мэдэж авсан бэ?

  Энэ нь Сэргээлт өрнөхөд Бурханы мутар оролцсон талаарх гэрчлэлээ хуваалцах сайхан боломж байж болох юм. Та мөн суралцагчдаас мэдрэмжээ хуваалцахыг хүсэж болно.

• Түүний тухай энэхүү ойлголт одоо таны амьдралыг хэрхэн адислах вэ?

Амьдралдаа Бурханы хүчинд нэвтрэх

Нифай хожмын өдрүүдийг болон Есүс Христийн Сүмийн Сэргээлт, үүнд тулгарах эсэргүүцлийг үзэгдлээр харсан. Есүс Христийн гэрээгээ сахидаг шавь нарт амлагдсан амлалтыг тэрээр мөн олж харсан.

1 Нифай 14:12–14-ийг уншиж, Есүс Христийн Сүмийн хожмын үеийн гишүүдийн тухай Нифай юу олж мэдсэнийг хайж ол.

• Есүс Христийн Сүм мөн өнөөгийн гишүүдийнх нь тухай Нифайн өгүүлснээс юу танд онцгой санагдсан бэ? Яагаад?

  Дэлхий даяарх Сүмийн цөөн гишүүний нэг байх нь ямар байдаг талаарх бодол, мэдрэмжийг суралцагчидтай ярилцах талаар бод. Хүмүүс Аврагчийн эсрэг хэрхэн тэмцэж байгааг харсан арга замуудыг болон ийм сорилт бэрхшээлд хэрхэн үнэнч, хайраар хариулж болох талаар хуваалцахыг суралцагчдаасаа хүсэж болно.

  Хэлэлцүүлгийг өрнүүлэхээр суралцагчдын хариултыг самбарт бичиж, бусад суралцагчийн сэтгэгдлийг сонсож болно. Ямар асуулт суралцагчдад тавихаа мэдэхийн тулд Сүнснээс удирдамж эрэлхийл.

• Та 14-р шүлэг-ээс ямар зарчим олж тогтоож болох вэ?

Хэрэв бид гэрээгээ сахиваас зөв шударга байдал хийгээд Бурханы хүчээр зэвсэглэх болно гэсэн зарчмыг бид эдгээр шүлгээс сурч болно.

• Та Бурхантай ямар ямар гэрээ байгуулах вэ эсвэл байгуулсан бэ?

• Байгуулсан гэрээгээ дагахад туслах ямар ямар арга зам байна вэ?

Арван хоёр төлөөлөгчийн чуулгын ахлагч Дэвид А.Бэднар ялгуусан алдар суунд зөв шударга байдал хийгээд Бурханы хүчээр зэвсэглэсэн гэдэг нь юу гэсэн үг болохыг ийн заасан.

Ахлагч Дэвид А.Бэднар

“Ялгуусан алдар суунд зөв шударга байдал хийгээд Бурханы хүчээр зэвсэглэсэн байв” [1 Нифай 14:14] хэмээх өгүүлбэр нь судар дээрх зүгээр л нэг сайхан санаа эсвэл сайхан хэллэг биш юм. Чухамдаа, эдгээр адислал Их Эзэний тоолж барамгүй олон хожмын үеийн гэгээнтний амьдралд илэрдэг. …

… Их Эзэний гэрээт хүмүүс өнөөдөр үнэхээр ялгуусан алдар суунд зөв шударга байдал хийгээд Бурханы хүчээр зэвсэглэсэн байгааг би гэрчилж байна. Би мөнх бус хүмүүний хэрээс хэтэрсэн, зөвхөн Бурхан л өгч чадах хэмжээний итгэл, зориг, ойлголт, тууштай байдал, аз жаргалыг харж байсан. (Дэвид А.Бэднар, “Ялгуусан алдар суунд Бурханы хүчээр,” Лиахона, 2021 оны 10-р сар)

• “Зөв шударга байдлаар зэвсэглэв” гэсэн хэллэг өнөөгийн хүмүүст ямар утгатай байж болох вэ?

• “Зөвхөн Бурхан ивээж болох адислал”-аас заримтай нь та тулгарч байсан уу?

 

 

• Таны байгуулсан гэрээ хэр чухал болохыг өдөр тутмын үйлдлүүд тань хэрхэн илэрхийлдэг вэ?

• Тэнгэрлэг Эцэгтэй байгуулсан гэрээнээс ирэх хүч танд яагаад чухал вэ?

• Та хэрхэн Тэнгэрлэг Эцэгтэй байгуулсан гэрээгээ хүндэтгэн, адислалуудыг амьдралдаа илүү бүрэн дүүрэн хэрэгжүүлж болох вэ?

Сорилын хариу 1-б, 2-в, 3-а, 4-г

Тайлбар ба нөхцөл байдлын талаарх мэдээлэл

1 Нифай 13. Мормоны Ном дахь харийнхан гэдэг үг юу гэсэн утгатай вэ?

Харийнхан гэдэг нь “үндэстэн” гэсэн үг юм. Энэ нь (1) Израилын овгийн бус хүмүүс, (2) Израилын Бурханд итгэдэггүй эсвэл өвөг дээдэс, гарал угсаанаасаа үл хамааран сайн мэдээгүй хүмүүс мөн (3) Иудейгээс ирээгүй мөн Иудейн газар нутагт амьдардаггүй хүмүүсийг хэлдэг. Жишээлбэл: Америкт ирсэн колоничлогч, цагаачдыг 1 Нифай 13:3–13-д харийнхан гэж нэрлэдэг. Мормоны Номыг урагш авчирсан хүмүүсийг 1 Нифай 13:38-д Харийнхан гэж нэрлэсэн байдаг. Сургаал ба Гэрээ, Агуу Үнэт Сувдыг мөн харийнхан урагш авчирсан юм (1 Нифай 13:39; Сургаал ба Гэрээ 109:60-ыг үзнэ үү).

1 Нифай 13:12. Нифайн үзэгдэлд гарсан хүн хэн байсан бэ?

Ерөнхийлөгч Эзра Тафт Бэнсон (1899–1994) харийнхан дунд байсан хүнийг Кристофер Колумб гэж таньсан байдаг.

Ерөнхийлөгч Эзра Тафт Бэнсон

Бурхан “харийнхны дунд нэгэн хүнийг” (1 Нифай 13:12) сүнслэгээр өдөөж, тэрээр Бурханы Сүнсээр удирдуулан Америкийн газар нутгийг дахин нээж, энэ баялаг шинэ газрыг европчуудын анхаарлын төвд авчирсан юм. Энэ хүн мэдээж өдөөгдсөнөөр үүнийг хийснээ гэрчилсэн Кристофер Колумб байв.

“Бидний Их Эзэн миний оюун санааг чөлөөлж, намайг далайд илгээж, үйлээ бүтээх хүчийг надад хайрласан. Миний зорилтын талаар сонссон хүмүүс үүнийг тэнэг гэж нэрлэн, шоолж, инээж байсан. Гэвч Ариун Сүнс намайг өдөөсөнд хэн эргэлзэж чадах билээ?” (Jacob Wasserman, Columbus, Don Quixote of the Seas, pp. 19–20). (The Teachings of Ezra Taft Benson [1988], 577)

1 Нифай 14:10. Ямар хоёр сүмийн тухай дурдсан бэ?

Ерөнхийлөгч Даллин Х.Өүкс

Ахлагч Даллин Х.Өүкс хэлэхдээ, Нифайн дүрсэлсэн “агуу хийгээд жигшүүрт сүм” нь “Бурханд итгэх итгэлийн эсрэг аливаа гүн ухаан эсвэл байгууллагыг төлөөлдөг. Мөн энэхүү ‘сүмийн’ ‘боолчлол’ нь гэгээнтнүүдийг бие махбодын хувьд барьж хорих бус, харин худал хуурмаг үзэл санаагаар боолчлохыг эрэлхийлдэг” хэмээн тайлбарласан (“Stand as Witnesses of God,” Ensign Mar. 2015, 32).

Эцсийн өдрүүдэд Бурхан зөв шударга хүмүүсийг хэрхэн адислах вэ?

Арван хоёр төлөөлөгчийн чуулгын ахлагч Нийл Л.Андэрсэн ийн заасан.

Ахлагч Нийл Л.Андэрсэн

Ах, эгч нар аа, бид итгэгчдийн эрин үе бүрд олон зууны турш хүсэн хүлээсээр ирсэн Их Эзэний Хоёр дахь ирэлтийн өмнөх өдрүүдэд амьдарч байна. Бид энэ дэлхий дайн дажин, дайны цуурхал, байгалийн гамшиг, үймээн самуунаар дүүрсэн цаг үед амьдарч байна.

Бид сайн мэдээ бүх дэлхийд номлогдож буй Сэргээлтийн гайхамшигтай цаг үед амьдарч байна. Мөн Их Эзэний “цэвэр ариун хүмүүсийг өөртөө бэлтгэн,”[Сургаал ба Гэрээ 100:16] “зөв шударга байдал хийгээд Бурханы хүчээр” [1 Нифай 14:14] зэвсэглэх болно хэмээн амласан тэр цаг үед амьдарч байна.

Бид эдгээр өдөрт баясаж, зовлон бэрхшээл, айдас эргэлзээг зоригтой даван туулах боломжтой байхын төлөө залбирдаг. (Нийл Л.Андэрсэн, “Таны хаанчлал ирэх болтугай,” , 110)

Гэрээнд заасан замын дагуу алхсаны ачаар бид хэрхэн адислагдсан бэ?

Ахлагч Д.Тодд Кристоффэрсоны Яагаад гэрээний зам гэж? үгийг унших юм уу үзэж, сонс “(2021 оны 4-р сарын Ерөнхий чуулган, 120–124)

Нэмэлт суралцах үйл ажиллагаа

1 Нифай 14:1–7. Үнэнд үзүүлсэн бидний хариу үйлдлийн үр дүн

1 Нифай 14 бүлгийг судлах өөр нэг арга нь ямар нэг тайлбаргүй, салаа замыг дүрсэлсэн дараах зургийг харуулах явдал юм.

бүдүүвч зураг

1 Нифай 14:1–2, 5–7-г унш. Сайн мэдээний Сэргээлтийн хариуд хүмүүсийн хийх янз бүрийн сонголт, тэдгээр сонголтын үр дагаврыг анзаарч ойлгоход нь суралцагчдад тусал. Хариултыг зурагт нэмж доорхтой төстэй зураг зур.